Eventos

« Novembro 2019 »
LunMarMérXovVenSábDom
123
45678910
11121314151617
18192021222324
252627282930

NA ELITE DA TECNOLOXÍA E A INVESTIGACIÓN ESCOLAR

Markos Conchado, Daniel Mata e Ana Varela, alumnos do STEMBach do IES María Casares están entre os finalistas nacionais do Reto Big Data: la inteligencia de los datos, un programa realizado pola Obra Social de "La Caixa" para contribuír ao desenvolvemento da capacidade dixital do alumnado e promover unha actitude crítica e realista hacia as tecnoloxías.

A súa noticia "Un túnel hacia un futuro" describe como a tecnoloxía e o Big Data poden lograr un desenvolvemento máis sostible das cidades. No vindeiro mes de maio participarán nun Datatón en Barcelona e desexamos velos pronto na viaxe formativa a Silicon Valley, premio final do programa. Noraboa aos alumnos/as e ás profesoras Consuelo Castro e Cristina Sande que dirixiron o proxecto.

 

O ALUMNADO DO IES MARÍA CASARES, DE EXCURSIÓN...

Durante esta semana a actividade de parte do alumnado do instituto desprazouse das aulas a dúas zonas da xeografía moi diferentes entre sí, pero fermosísimas ambas. Unha parte do alumnado de 3º de ESO viaxou polo norte (Asturias e Cantabria) e outra parte do alumnado de 4º encamiñouse rumbo ao sur (Andalucía e Extremadura) para realizar a viaxe de fin de etapa. Boa viaxe a todos e o agradecemento ao profesorado acompañante!

VIAXE CULTURAL A SANTIAGO DE COMPOSTELA

O venres 15 de marzo, un grupo de alumnos/as de 2º de Bacharelato, acompañados polos profesores Carmen Gallego, Caridad Loureiro e Baldomero Martínez, realizaron unha visita cultural a Santiago (Parlamento galego, Arquivo da Catedral, Pórtico da Gloria, percorrido do barroco compostelán...). Filosofía, historia e arte nun día estupendo en Compostela.

 

CLASIFICADOS PARA A FASE GALEGA DO RALLY MATEMÁTICO

 

 

Un ano máis o IES María Casares estará presesente na final galega do Rally Matemático. Alí competirá cos mellores equipos de Galicia para colarse de novo na gran final. Noraboa para o equipo formado por Carla Collazo, Ana Lamas, Elena López, Lara Simal, Roi Suárez, Gaia Fernández, Miguel Igualada e Andrea Vidal e para a súa preparadora, a profesora Cristina Sande.


Roi Suárez, Elena López, Lara Simal, Carla Collazo e Ana Lamas

 

TEATRO CLÁSICO

Alumnado de Bacharelato de Latín e Grego acudiu o pasado luns ás representacións do XVIII Festival de Teatro Grecolatino de Lugo acompañados polos seus profesores Fernando Domènech e Baldomero Martínez. Pola mañá asistiron a Electra de Eurípides e pola tarde a Xemelgos de Plauto, ambos excelentemente executados pola compañía El Ruiseñor de A Coruña, á que felicitamos vivamente dende aquí.

VIAXE A GRECIA

Un grupo de alumnos de linguas clásicas, acompañados do profesor de Latín, Fernando Domènech Rey, organizador desta actividade no IES María Casares, participan na viaxe de estudios organizada pola Sociedad Española de Estudios Clásicos. 
Desexámoslles unha estancia agradable, aínda que sentimos unha envexa sa.

ADMISIÓN DO ALUMNADO CURSO 2019-2020

 

Esta información está destinada ás familias do alumnado interesado en cursar estudos no IES María Casares (Oleiros) a partir do curso 2019-2020.

 

IMPORTANTE: En ningún caso poden ter formalizada solicitude no período anterior no seu centro adscrito, xa que incorrerían nunha duplicidade e a solicitude quedaría excluída en ambos centros.

 

INFORMACIÓN SOBRE O PROCESO DE ADMISIÓN (Entre o 1 e o 20 de marzo)

 

HOMENAXE A ESTHER PITA

Hoxe lembramos a Esther Pita, que faleceu recentemente.

Esther realizou unha importantísima labor polos dereitos dos veciños e tamén polos das mulleres, non só durante a súa labor como alcaldesa senón tamén como veciña. Liderou o movemento veciñal en Santa Cruz creando, xunto con outros, unha das primeiras asociacións do concello.

Preocupouse especialmente polo desenvolvemento dos Servizos Sociais, área da que foi concelleira e a que lle deu especial importancia no seu tempo como alcaldesa.

Unha das grandes loitas de Esther foi abrir a biblioteca Rosalía de Castro situada no Centro Cultural “As Torres”, pero isto non o fixo soa, foi grazas ás mulleres de Santa Cruz que, recadando fondos vendendo cousas nas festas, o conseguiron no ano 1985.

Grazas a todas elas agora podemos gozar da biblioteca e, ademais, demostraron que as mulleres poden conseguir o que se propoñen sen necesitar aos homes; un dos principios de Esther.

A parte da súa labor política, foi veciña de Santa Cruz, naceu nesta vila e seguiu aquí toda a súa vida; foi dona do estanco e tiña un gran espírito festeiro, non había festa  na que ela non estivera; tentaba, na medida do posible, alegrar a todos os que podía.

Penso que todos debemos recordar a Esther coma una gran persoa que loitou moito, ela mesma dicía: “Que formemos, como foi o noso soño, de ser un grupo de homes e mulleres que sigamos loitando por un mundo mellor”.

Esther, grazas por todo, por una sociedade máis libre, máis xusta . . . en definitiva mellor para todos.

Pola túa forma de ser, polo teu xeito de facer as cousas, por ser unha muller libre; o teu recordo seguirá vivo en todos nós e en cada recuncho deste Concello.

 

ANTÍA BARREIRO GARCÍA (4º ESO C)

A este fermoso texto da nosa alumna, unímonos todos os que a coñecemos e tivemos o privilexio de compartir a nosas vidas con ela.

COMUNIDADE EDUCATIVA DO IES MARÍA CASARES 

 

 

O NOSO ALUMNADO SEGUE RECOLLENDO ÉXITOS...

Anita Sánchez Prieto (á dereita), alumna de 1º de Bacharelato, participou, xunto ao seu equipo de Ximnasía Artística "Tempo" na primeira fase da liga nacional "Iberdrola" na que obtivo o 5º posto na clasificación xeral.

NORABOA a Ana, en especial, e tamén ao seu equipo. É un orgullo para o centro que, ademais do esforzo académico, os nosos alumnos participen e destaquen, como é o caso, noutras actividades.

 

ACTO CONTRA A VIOLENCIA MACHISTA

O pasado venres día 1 de febreiro, un grupo de alumnas do IES María Casares organizou un acto de rexeitamento da violencia contra as mulleres. Leron algúns textos reivindicativos e escoitamos varias cancións. Toda a comunidade educativa participou neste acto de repulsa contra a violencia machista e de reivindicación da liberdade das mulleres e do seu dereito a vivir sen medo. O alumnado, o profesorado e o persoal de administración e servizos colaborou vestindo de negro en homenaxe ás mulleres asasinadas polas súas parellas.

O grupo organizador, as alumnas e o alumno que dirixiron o acto e o equipo directivo agradecen a todos os participantes a súa actitude de respecto e colaboración neste acto reivindicativo.

IES MARÍA CASARES. ESPAZO LIBRE DE VIOLENCIA MACHISTA.

Powered by Drupal - Design by artinet