Novas

Os libros de texto serán proporcionados neste centro a todo o alumnado de 1º, 2º, 3º e 4º de ESO cando comecen as clases. O alumnado só terá que adquirir pola súa conta os materiais adicionais das materias nas que se matricule.

Listaxes de materiais para:

• 1º de ESO
• 2º de ESO
• 3º de ESO
• 4º de ESO

Libros de texto

Orde do 20 de agosto de 2009 pola que se convocan bolsas para a adquisición de libros de texto, materiais curriculares e material didáctico e complementario destinadas ao alumnado matriculado en centros sostidos con fondos públicos en 1º, 2º, 5º e 6º de educación primaria e en educación especial no curso escolar 2009/2010 e correción de erros.

Tense que matricular todo o alumnado que vaia cursar estudos no IES Lamas de Castelo para o curso que ven, tanto o que está xa no centro como o que proveña dos centros adscritos de Carnota e do Pindo (que fixo a reserva de praza de febreiro).

PRAZOS DE MATRÍCULA

PRAZO ORDINARIO

(para alumnos/as que aproben todo en xuño) do 25 DE XUÑO ao 10 de XULLO.

PRAZO EXTRAORDINARIO

(para alumnos/as que non se matriculasen en xuño) do 1 ao 10 de SETEMBRO.

REQUISITOS

O luns 17 de febreiro o Consello Escolar do IES Lamas de Castelo estudou a norma relacionada co uso dos teléfonos móbiles, segundo a cal habían de estar apagados durante o horario lectivo, e decidiu modificala e establecer a prohibición de que se traian móbiles ao instituto.

Figura así no Regulamento de Réxime Interno:

18.1: Condutas contrarias ás normas de convivencia no Centro

artigo 18: Traer teléfonos móbiles ao instituto.

Esta norma entrará en vigor o xoves 26. Darase parte de quen a infrinxa e o móbil será requisado e entregado de volta só aos pais.

O IES Lamas de Castelo súmase así ao crecente número de centros educativos que inclúen esta prohibición no seu regulamento de réxime interno motivados pola inseguridade xerada polo uso abusivo e irresponsábel que se ten producido destes dispositivos electrónicos.

Tendo en conta as adversas condicións meteorolóxicas que veñen afectando á nosa comunidade autónoma e a imposibilidade de coñecer a evolución das predicións meteorolóxicas con suficiente antelación, a Dirección Xeral da Consellaría de Educación e Ordenación Universitaria pide que a comunidade educativa estea atenta ás novas que a consellería poida transmitir a través dos medios de comunicación social e da paxina web da consellería http://www.edu.xunta.es.

As decisións que afecten o desenvolvemento das actividades do noso instituto anunciaranse tamén na nosa páxina web.

Este seguimento é especialmente importante nas tardes dos domingos dada a dificultade de realizar os venres previsións precisas cara a xornada do luns.