ESTADO DE ALARMA (Actualizado a 09/04/2020)

⚠️No día de hoxe, o Congreso dos Deputados acaba de aprobar a segunda prórroga do Estado de Alarma que se prolongará ata o día 26 de abril de 2020⚠️

3ª AVALIACIÓN

A 3ª avaliación comezará á volta das vacacións, o martes 14 de abril. Por agora descoñecemos como se vai desenvolver, en canto teñamos instrucións da Consellería ao respecto faránsevos chegar.

Mentres descansade e collede folgos que xa queda menos.

Por último, o equipo directivo do IES Lamas de Castelo quere adicarvos a vós, alumnado e familias, unhas palabras de agradecemento polo esforzo realizado para facer fronte a esta situación e a colaboración, comunicación e interese amosados.

MOITAS GRAZAS E UNHA AGARIMOSA APERTA

2ª AVALIACIÓN

Seguindo as instrucións ditadas pola Consellería o 27 de marzo en relación coa avaliación do segundo trimestre comunicamos que terá lugar o 1 de abril de 2020. Aclaramos que non serán avaliables as actividades relacionadas cos contidos curriculares realizadas polo alumnado con posterioridade á data de declaración do estado de alarma.

As notas achegaranse a partir do 3 de abril a través de abalarMóbil para as familias que teñan esta aplicación ou ben a través dun correo electrónico (especificando o voso nome e apelidos, xunto co nome, apelidos e DNI do voso fillo/a) que nos tedes que facilitar á seguinte dirección: ies.lamas.castelo@edu.xunta.gal

De non dispoñer destes medios podedes preguntalas no seguinte teléfono 881867201.

ACLARACIÓN: a excepcionalidade da situación non permite garantir na súa totalidade que as cualifacións numéricas se axusten estritamente aos criterios de cualificación que contempla cada Departamento nas súas respectivas programacións didácticas. Cando se retorne ás aulas de xeito presencial, o profesorado fará, se procede, as aclaracións oportunas. 

Agradecemos a vosa comprensión e colaboración. 

 

ESTADO DE ALARMA (Actualizado a 25/03/2020)

O Congreso aprobou a ampliación do prazo do estado de alarma estendéndose ata o día 11 de abril de 2020❗❗❗

Lembrade que esta prórroga do estado de alarma implica seguir coa suspensión das actividades lectivas e extraescolares.

E aínda que o IES permanecerá PECHADO ao público, para calquera dúbida, seguimos á vosa disposición no teléfono do centro, no correo electrónico e a través desta páxina web. 

Recomendacións para o noso alumnado en tempos de coronavirus

Desde o Departamento de Orientación achéganse algunhas recomendacións para facer máis levadeiros estes días de corentena.

Botádelle unha ollada. 

Recomendacións do Colexio Oficial de Psicoloxía de Galicia

O Colexio Oficial de Psicoloxía de Galicia ofrece unha serie de recomendacións para a comunidade educativa (alumnado, familias e profesorado) para estas semanas tan excepcionais.

 

Adxuntamos documento.

 

O IES Lamas de Castelo transmítevos moitos ánimos.

ESTADO DE ALARMA

En relación coa publicación do REAL DECRETO polo que se establece o ESTADO DE ALARMA o IES Lamas de Castelo permanecerá PECHADO.

Segundo as instruccións da Consellería de Educación Universidade e Formación Profesional do 16 de Marzo de 2020 non se require presenza física de ningún membro do equipo directivo por ser o noso un centro de menos de 6 unidades. Estamos a vosa disposición a través do correo electrónico do centro ies.lamas.castelo@edu.xunta.gal e do teléfono 881867201 (desviado), en horario de 10 a 13 h.

Lémbrase a todo o alumnado que terá material a súa disposición na web do centro para continuar coa súa formación na medida que lle sexa posible e en base aos medios dos que dispoñan.

Suspensión das actividades lectivas e extraescolares

O xoves 12/03/2020 a Xunta de Galicia anunciou a suspensión da actividade lectiva en todas as etapas educativas desde o luns 16 de marzo e durante 14 días naturais debido a pandemia covid-19.

Desde o IES Lamas de Castelo queremos informar que quedan ANULADAS ademais das clases todo tipo de actividades que estaban programadas para este mes de marzo, tales como charlas ás familias e excursións.

Con respecto ao traballo que se facilitará ao alumnado, estade atentos/as aos diferentes departamentos onde o profesorado irá colgando material nesta web. Non será avaliable.

Día da poesía / Día de Rosalía

Este ano o noso recital poético tivo lugar o venres 28 de febreiro durante a 3ª hora da mañá.

Moitas grazas a todo o alumnado, profesorado e persoal do Concello de Carnota que participades!

Entroido 2020

A partir do recreo do venres 21 de febreiro tivo lugar o festival de entroido do IES Lamas de Castelo.

Actuaron as comparsas de 1º, 2º e 3º de ESO, resultando gañadora a comparsa de 2º.

O alumnado de 4º levou a cantina e repartíronse saborosas orellas.

 

Distribuir contido