27 Marzo: Promoción da lectura - Día dos Autores Europeos
Día dos Autores Europeos
Na web do Portal Educativo da Xunta de Galicia fanse eco dunha nova iniciativa da Comisión Europea, o Día dos Autores Europeos, para promover a lectura entre a mocidade e dar a coñecer a riqueza cultural e lingüística europea.
O acto será o 27 de marzo de 2023.
En que consiste esta iniciativa? A Comisión Europea fai un chamamento á participación dos centros de ensino secundario de todos os estados membros da UE nun momento de lectura en voz alta dun libro (de autoría europea) de libre elección, compartindo ese momento coa maior cantidade de persoas posible. Nós optamos por facelo nas aulas e/ ou na biblioteca, participando o maior número de materias e departamentos posible.
Todos os centros educativos estamos convidados á participación activa e a compartir a experiencia no formato que decidamos, enviando un correo electrónico con fotos ou vídeos e unha breve descrición a EAC-DAY-OF-THE- EUROPEAN-Authors@ec.europa.eu. Por iso, sacaremos algunha foto ou vídeo dos momentos de lectura, para compartilo a nivel oficial.
Velaquí algunhas obras e autores/as europeos que lemos nas aulas:
- LC: Emilia Pardo Bazán, La cita (y otros cuentos de terror). Nørdica libros, 2021
- LC: Gianni Rodari, Cuentos largos como una sonrisa, La Galera, 2010
- LG: Xosé Neira Vilas, Aquel neno. Edicións Embora, 2013
- LI: Oscar Wilde, The Canterville Ghost. Oxford, 2004
- Xeografía e Historia: Olimpio Arca Caldas, "Pelexa no souto" de Teatro de Don Olimpio. Eds. Fervenza, 2021
8M
Desde este centro apoiamos a loita contra a violencia machista. Por un mundo igualitario!
8M 2023 - Biblioteca
8M 2023
O tema do #DIM2023: Innovación e tecnoloxía para a igualdade de xénero
Hoxe en día a presenza da tecnoloxía e do mundo dixital na vida cotiá é cada vez maior: pedir citas na Administración ou no sistema sanitario, xestionar moitas das operacións bancarias... Porén un 37% das mulleres do mundo non teñen acceso ás tecnoloxías.
|
Datos para a reflexión
|
Seleccións das bibliotecarias (FR-LG-LC):
Na Internet:
- Páxina da ONU do Día Internacional da Muller
- 8 mulleres que marcaron a historia da tecnoloxía
- Selección de libros na nosa biblioteca:
8M Mulleres na literatura na “IES Lamas de Castelo”
Día de Rosalía 2023: Día da Poesía
Día da Poesía 2023: #cumpriuseaxustiza
Un ano máis celebramos o Día da Poesía e o Día de Rosalía no 23 de febreiro. Seguindo coa convocatoria da Asociación de Escritores e Escritoras en Lingua Galega (AELG) este ano poñemos o foco na xustiza ou na falta da mesma. O manifesto para esta ocasión foi redactado por Carme Adán e podedes lelo aquí.
Fixemos un recital no centro o xoves 23 febreiro a 3ª hora, no espazo entre a biblioteca e o ximnasio.
Logo, un pequeno grupo de 7 alumnas e alumnos, acompañados polas profesoras e bibliotecarias Mariluz (LG) e Renée (FR) asistiron e participaron no recital poético organizado polo Concello de Carnota no seu salón de plenos.
Fotos da visita a Cee
O 21 de decembro de 2022 o alumnado do noso IES foi de excursión a Cee. Vimos a película A todo tren 2 no cine. Despois os estudantes matriculados en Relixión visitaron o belén da Igrexa Santa María da Xunqueira onde estaba Román Rodríguez González, conselleiro de Educación. Mentres, o alumnado de Valores Éticos ou Proxecto Competencial visitou o museo Fundación Fernando Blanco de Lema.
-
Fotos da visita a Santiago de Compostela
O 28 de outubro de 2022 todo o alumnado foi de excursión a Santiago. Visitamos a catedral entrando pola porta Santa, o Gaiás, o Museo de Historia Natural, o Museo do Pobo Galego, vimos unha película en francés no IES Rosalía de Castro, comemos no centro comercial As Cancelas... Aquí poderás ver as fotos dese día.
Dende o centro apoiamos a todas as nenas e nenos con cancro
Hoxe, 15 de febreiro de 2023, Día Internacional do Cancro Infantil, xuntámonos no recreo para mostrar a nosa solidariedade coas rapazas e rapaces con cancro.
- « primeira
- ‹ anterior
- 1
- 2
- 3
- 4
