Saída didáctica a Extremadura

Estase a desenvolver a saída didáctica a Estremadura cun intenso programa de actividades.

A actividade denominada Sendas esquecidas intégrase no proxecto interdisciplinar de Biocultura e nela participan 30 alumnas e alumnos de 1 de BAC. Rotas de sendeirismo, dramatizacións teatrais, actividades de natureza, visitas de interese cultural e dinámicas de grupo son algunhas das actividades nas que o alumnado atopa unha importante motivación para asimilar coñecementos, tomar conciencia da relación natureza-cultura e crecer como persoas no magnífico contexto que Estremadura nos ofrece nesta época do ano.