Complementarias

Campaña solidaria "Un libro=un quilo"

Enviado por iesproval o Mar, 2020-01-28 10:02

O pasado decembro a Biblioteca Proval promoveu a campaña "Un libro=un quilo" consistente en intercambiar un quilo de alimentos por un libro de lectura. Esta iniciativa tivo unha gran acollida na nosa comunidade educativa, especialmente entre o alumnado, e chegamos a reunir máis dun cento de quilos de alimentos.

En agradecemento, esta semana recibimos unha carta da Fundación Provincial do Banco de Alimentos de Vigo, así que, unha vez máis, nos sentimos moi orgullosos do labor realizado e sobre todo da solidariedade do noso alumnado. Grazas a tod@s e gozade coas lecturas!

Álbum: Actividades Curso 2019-2020 -> UnQuiloUnLibro

Torneo brilé

Enviado por iesproval o Ven, 2020-01-10 14:48

 Nos torneos deportivos celebrados nos recreos durante o primeiro trimestre deste curso, organizados polo departamento de Educación Física xunto co alumnado de 1º bacharelato, resultou gañador o equipo de "Os Palilleiros", grupo integrado por Manuel Sanromán, Edgar Pazos, Borja de Saa, Yeray Pazos, Pablo Camesella e Agustín Fernández. Agardaremos a semana que vén para coñecer os gañadoes do torneo de fútbol...

Parabéns aos campións, semifinalistas e a todxs os participantes e organizadores destes fantásticos eventos deportivos!

Selecciona a foto inferior para ver o álbum desta actividade

 

Álbum: Actividades Curso 2019-2020 -> TorneoBrile
( categories: )

Árbore electrónica

Enviado por iesproval o Ven, 2019-12-20 01:08

Quen dixo que a decoración de Nadal non podía ser sustentable?

Logo de gañaren hai uns días o concurso galego de robótica, esta mañán o equipo de electrónica volveu sorprendernos cunha marabillosa árbore navideña, acompañada dunha orixinal sagrada familia, elaboradas con materiais de refugallo, como cables vellos de antenas, restos de televisores de tubo, anacos de circuítos integrados, condensadores... Habilidade e creatividade para elaborar este verdadeira obra de arte!

Sen dúbida, decoración enxeñosa e respectuosa co medio, conforme ás premisas que leva anos tentando inculcar na comunidade educativa o noso equipo RRR (Recursos-Residuos,-Responsabilidade).

Grazas e parabéns a José Carlos García e ao seu alumnado polo seu traballo e compromiso!

Álbum: Actividades Curso 2019-2020 -> ArboreNadal

A memoria das pedras

Enviado por iesproval o Sáb, 2019-12-14 00:22

  O departamento de Bioloxía e Historia organizou unha saída didáctica co alumnado de 2º de bacharelato pola contorna de Monteferro. Guiados polo xeólogo Fran Canosa, visitamos diferentes formacións xeóloxicas do Monteferro explicativas da configuración do Val Miñor e da Ría de Vigo. Quedamos marabillados con esta maneira de ver a xeoloxía en vivo e en directo.

Selecciona a foto inferior para ver o álbum desta actividade

Álbum: Actividades Curso 2019-2020 -> Monteferro

Actividade de escape co Clube de Lectura

Enviado por iesproval o Ven, 2019-12-13 09:27

O Clube de Lectura A tiro limpo ven de organizar unha actividade no sKapark de Vigo con tres escape room: O legado de Verne, Corredoors e Guantánamo.

Selecciona a foto inferior para ver o álbum desta actividade.

Álbum: Actividades Curso 2019-2020 -> Escape

Anástrofe

Enviado por iesproval o Sáb, 2019-11-16 19:20

No marco das actividades que estamos desenvolvendo co fin de concienciar o noso alumnado sobre a necesidade de erradicar a violencia de xénero, insírese a perfomance que nos ofreceu María Vallina o pasado 11 de novembro. 

Con esta representación pechouse a cuarta edición do programa "Mulleres en acción. Violencia zero", promovido pola Deputación de Pontevedra para loitar contra a violencia de xénero. Na compaña das deputadas Isaura Abelairas e Raquel Giráldez -alén do alcalde Juan González e as concelleiras de igualdade, Patricia Diego, e de educación, Marina Vidal-, profesorado e alumnado puidemos interactuar coa artista asturiana e reflexionar, nesta simbólica peza Anástrofe, sobre a necesidade de "inversión" do noso papel pasivo na sociedade fronte a violencia machista e a obriga de implicarnos na loita das mulleres desde as tarefas máis cotiás, porque todos e todas somos partícipes dun cambio necesario!

Ánimas e castañas

Enviado por iesproval o Xov, 2019-11-14 13:25

O pasado 8 de novembro, entre o arrecendo a castañas asadas e a cera de candeas queimadas, despedimos o outono cun magosto peculiar, a festa das "Ánimas e castañas". Coas caras tisnadas de cinsa, degustamos  doces caseiros, participamos da procesión da Santa Compaña, e gozamos coa música, o baile e os xogos populares, como carreiras de sacos, cadeiras musicais, o xogo das picas, da ra, do pano, da castaña, da mazá, da corda ou da pata de pau. Ademais, celebramos os tradicionais concursos de calacús, epitafios, sobremesas, fotos de outono ou da procesión de ánimas...

Feliz Ano Novo Celta!

Premendo na foto inferior podedes ver o álbum desta celebración e neste enlace un vídeo coas actividades da xornada

Álbum: Actividades Curso 2019-2020 -> AnimasECastañas
( categories: )

"Reixas, mulleres baixo o terror franquista"

Enviado por iesproval o Xov, 2019-10-31 00:31

Como ben argumentaba o noso antigo profesor, Xilberte Manso, todas as nosas accións teñen consecuencias, e como non queremos esquecer a aquelas persoas que padeceron a persecución por soñar, querer, loitar por un mundo máis xusto para todas e todos no que a impunidade non fose a norma, un mundo no que a palabra "democracia" enchese de ilusión os discursos políticos, fomos coñecer a exposición REIXAS-REXAS, grazas ao convite do IEM aos centros de ensino.

Na nosa visita escoitamos atentamente todo o que nos contou a súa autora, Montse Fajardo, incansable recolledora de testemuñas de mulleres represaliadas polo réxime fascista triunfante en España despois da Guerra do 36. Para nós non era a primeira vez que oïamos falar da "Volta das Nove", pero si, que hoxe lle prestamos máis atención. Que tería sido da vida das nosas avoas e avós, nais e pais, de non ter sufrido un réxime totalitario?...

Preme a fotografía inferior para ver o álbum desta actividade

Álbum: Actividades Curso 2019-2020 -> Reixas
( categories: )

Semana polo Clima

Enviado por iesproval o Sáb, 2019-09-28 21:41

Ao longo desta "Semana polo Clima" moitos foron os actos aos que nos sumamos en defensa da concienciación medioeambiental: carteis, vídeos, camisetas, minutos de silencio, lectura de textos…e neste enlace un video con algunhas das actividades desta semana.

Boa mostra son os poemas de Bernardino Graña ou Victor Campio que o noso alumnado recitou para reivindicar a súa preocupación pola Terra; testemuños de protesta sempre presentes desde os albores da nosa lírica medieval galego-portuguesa.

Preme na imaxe inferior para veres o álbum desta actividade... 

Álbum: Sen categoría -> Semana Clima
( categories: )

Saída final de curso de 1º ESO

Enviado por iesproval o Mar, 2019-07-16 03:53

O alumnado de 1º de ESO, acompañado polos profesores Pura de Ciencias, Chechu de Electrónica e Pilar de Galego, realizou unha saída de fin de curso ao cámping de Maceira, no concello de Covelo.

 O mércores 19 saímos do centro dirección Tui (visita ao casco vello e catedral), castro de Trona, castelo de Sobroso e ceraría de Paraños, con chegada a Maceira.

 O xoves 20 percorremos a berita do río Tea, visitando os museo-serradoiro Os Carranos

 O venres 21 chegamos novamente a Tui, facendo a baixada en canoas polo río Miño

Selecciona a foto inferior para ver o álbum desta actividade

Álbum: Actividades Curso 2018-2019 -> AGardaTui1ESO
( categories: )
Distribuir contido