Complementarias

Concurso de deseño "Castelao"

Enviado por iesproval o Xov, 2022-01-20 11:33

DÍA DE CASTELAO. CONCURSO DE ILUSTRACIÓN E BANDA DESEÑADA

O 30 de xaneiro é o aniversario do nacemento de Castelao. Para lembrar o escritor e debuxante convocamos un concurso de ilustración e banda deseñada inspirándonos en catro dos seus relatos.

CATEGORÍAS: 

  • A) 1º/2º/3º ESO-FPB1
  • B) 4º ESO-FPB2-BAC-CICLOS e ESA 

MODALIDADES:

PREMIOS: 

Haberá tres premios por cada categoría.

BANDA DESEÑADA

  • 1º premio: 50 €
  • 2º premio: 20 €
  • 3º premio: 10 € 

ILUSTRACIÓN

  • 1º premio: 20 €
  • 2º premio: 10 €
  • 3º premio: 5 € 

 

PRAZOS E ENTREGA DOS TRABALLOS

Os traballos entregaranse ás profesoras de lingua galega ou plástica. Tamén poden enviarse ao seguinte enderezo de correo electrónico: equipoedlproval@gmail.com

A data límite de entrega é o 3 de febreiro.

  • Nos deseños pódese empregar calquera técnica segundo as preferencias do autor ou autora.
  • Os textos deberán estar en lingua galega.
  • Os premios entregaranse en vales para librarías ou para a cafetaría do instituto.

 

 

 

 

 

 

 

Ruta xeolóxica en Monteferro

Enviado por iesproval o Lun, 2021-11-22 14:25

 O luns 8 de novembro 2021 o alumnado de 2º de Bacharelato das materias de Xeografía e de Xeoloxía realizou unha excursión didáctica a Monteferro, á que tamén asistiu un alumno de 4º ESO. Organizaron e acompañaron a saída o profesor Iván Granja e a profesora Pura González.

 O traballo consistiu fundamentalmente nun estudo da xeoloxía do lugar, pero tamén se fixo observación da paisaxe, dos ecosistemas e dos valores patrimoniais.

  Pódese atopar máis información desta actividade no seguinte documento.

 

"Doulle voz ás silenciadas"

Enviado por iesproval o Ven, 2021-11-05 21:49

CONCURSO DE RELATOS CONTRA A VIOLENCIA DE XÉNERO “DOULLE VOZ ÁS SILENCIADAS”

Trinta e sete mulleres foron asasinadas no que vai de ano polas súas parellas ou exparellas. As noticias ás veces dinnos o seu nome, ás veces non; pasan a ser un número máis, unha vítima sen rostro, sen vida. Nos nosos relatos imos honrar estas mulleres, facéndoas visibles, lembrando que tiñan persoas queridas, ilusións, desexos, preocupacións, familia..., lembrando que tiñan rostro e que estaban vivas.

Para crear o noso relato, lemos o texto coas breves noticias sobre os asasinatos de todas esas mulleres e escollemos unha delas para sermos a súa voz. Destacamos o seu nome, ou se non aparece, poñémoslle nós un nome, que será o título do relato. Logo contamos quen era, que lle gustaba, que facía, a quen amaba. Imaxinamos a súa historia, imaxinámola viva. E falamos por ela, en primeira persoa  ou acompañándoa como unha voz amiga.

O relato terá un mínimo de 200 palabras e un máximo de 300. Presentarase nun documento de texto (word, pdf, odt...) e enviarase ao correo equipoedlproval@gmail.com Data límite de envío: 30 de novembro.

O concurso está dirixido a todo o alumnado e divídese en dúas categorías: A: 1º, 2º e 3º de ESO e 1º FPB /  B: 4º de ESO, 2º FPB, bacharelato, ESA  e ciclos.

Haberá tres premios por cada categoría: 1º premio: 15€ /2º premio: 10€ /3º premio: 5€ Os premios entregaranse en vales para consumir na cafetaría do instituto.

Organiza: Departamento de galego, Equipo de Dinamización da Lingua Galega e Equipo de Igualdade

 

 

Concurso "Relatos orais do Samaín"

Enviado por iesproval o Xov, 2021-11-04 17:24
Xa queda pouco tempo para participardes no noso tradicional concurso de relato oral “Do Samaín ao San Martiño andan as ánimas que polo camiño” que promove o Equipo de Dinamización da Lingua Galega e o departamento de Galego do Proval. Hai tres premios por categoría: A (1,2,3 ESO e FPBI); B (4 ESO, FPB II, bacharelato, ESA e ciclos). Animádevos a participar cunha gravación terrorífica que non supere os tres minutos! Podes inspirarte en personaxes da nosa tradición como as ánimas da Santa Compaña, o sacaúntos, o home do saco, a bruxa chuchona, a moza da curva, a muller loba... e envía o teu relato en mp3 ao noso correo: equipodlproval@gmail.com antes do 19 de novembro. Agardamos por vós!!
 
( categories: )

Certame Beatriz da Serra

Enviado por iesproval o Sáb, 2021-06-19 00:09

O venres 25 de xuño fixemos entrega nos xardíns da biblioteca de Baiona dos premios do II Certame de poesía Beatriz da Serra, organizado polos equipos de Dinamización da Lingua Galega do IES Escolas Proval, IES Terra de Turonio e do CEIP Carlos Casares. As gañadoras deste ano recitaron os seus micropoemas, xunto ás premiadas do ano pasado dado que non tiveran a oportunidade de celebralo por mor da pandemia. Ademais, contamos coa recreación musical de poetas galegas de antano e hogano a cargo de Luís o Caruncho, como Rosalía de Castro, Marica Campo, Xela Arias ou Marta Dacosta. Entre os premios, un lote de libros e unha escultura de Antón Román. Grazas, Marisa e Marta, por promover entre o noso alumnado o amor pola poesía e polo galego, e ás nosas magníficas presentadoras, Dessi, Jimena e Tania! Noraboa ás premiadas do primeiro certame (Iria Pazos, Noa Sabín, Iria Ludeña, Irene Pérez, Clara Rey e Helena Iglesias) e do segundo (Adriana Gómez, Laura Burgo, Isis Acea, Lucía Martínez, Jimena Costas e Paula Álvarez) e a todas e todos os participantes! Que medre a canteira de poetas do Val Miñor!

( categories: )

Acto de graduación de 4º ESO

Enviado por iesproval o Sáb, 2021-06-19 00:05
( categories: )

Acto graduación 2º Bacharelato

Enviado por iesproval o Ven, 2021-05-14 00:24

Chegou, por fin, o momento dunha despedida que se presumía incerta -como todo!- a comezo de curso, o da graduación do noso alumnado de 2 de bacharelato. 

Un claustro histórico foi o escenario dun acto sinxelo pero moi emotivo, de lembranzas e recoñecementos, organizado por unha promoción especial, que foi quen de lidar cun mundo de dúbidas, medos, incertidumes... pero tamén de loita e esperanza. Dobre ración de esforzo e comprensión, de compromiso e complicidade, nunha etapa trascendental e irrepetible na vida de calquera, a da adolescencia. 
Agora toca seguir medrando fóra, sen máscaras, nin ataduras... cara a un novo ciclo, o do futuro. 
Parabéns e grazas polas vivencias compartidas con nós no Proval ao longo destes anos e desde onde vos seguiremos agardando; agora toca serdes creadores de vós mesmos e do voso mundo! 
 
“Busco o modo de te acompañar sen estorbo,
que sexas ó meu carón feliz e creador
de ti, 
de ti e mailo mundo que apañes”
(Darío a diario, Xela Arias, DLG2021)
 
Finalmente, grazas ao noso magnífico equipo musical que, á marxe de Sara, Helena, Rita e do director Daniel, contou co apoio de Breixo e do seu profe de administrativo, Pedro González (cantos luns sacrificados para os ensaios tiveron o seu froito!); ao noso soporte técnico, Víctor, sempre aí todo un profesional á fronte do equipo de son; ás concelleiras de Igualdade, Patricia Diego, e de Educación, Marina Vidal, en representación do concello de Nigrán, sempre atentas ás nosas peticións; e, como non, ás familias acompañantes (limitadas desta vez polo aforo, desgraciadamente), tan decisivas nesta "especial" recta final e en todo un futuro que queda por debullar!!
Podedes acceder á galería de fotos premendo na ligazón.
 
( categories: )

Entroido Proval

Enviado por iesproval o Lun, 2021-02-15 16:32
Logo dunha semana quentando motores coas coplas de amor e as normas do Meco-Escornavirus, chegou por fin o día do desfile de entroido; este ano con máis restricións pero coas mesmas ganas de pasalo ben!!

( categories: )

Escape room: O esconxuro

Enviado por iesproval o Lun, 2021-02-15 16:26
 Entre disfraces e desfiles, as emocións fortes chegaron ao Proval á cargo de Territorio Comanche. O noso alumnado de 4 ESO veuse na obriga de escapar en 90 minutos dunha terrible maldición resolvendo diferentes probas (xogos, crebacabezas, enigmas, adiviñas) con enxeño e traballo en equipo para descubrir o “esconxuro máxico”. Experiencia de aprendizaxe divertida e intensa para unha mañá de entroido!
( categories: )

Campaña solidaria "Un libro=un quilo"

Enviado por iesproval o Mar, 2020-01-28 10:02

O pasado decembro a Biblioteca Proval promoveu a campaña "Un libro=un quilo" consistente en intercambiar un quilo de alimentos por un libro de lectura. Esta iniciativa tivo unha gran acollida na nosa comunidade educativa, especialmente entre o alumnado, e chegamos a reunir máis dun cento de quilos de alimentos.

En agradecemento, esta semana recibimos unha carta da Fundación Provincial do Banco de Alimentos de Vigo, así que, unha vez máis, nos sentimos moi orgullosos do labor realizado e sobre todo da solidariedade do noso alumnado. Grazas a tod@s e gozade coas lecturas!

Álbum: Actividades Curso 2019-2020 -> UnQuiloUnLibro
Distribuir contido