Borneo, coma moitas outras illas é un pasaíso de biodiversidade. Nos seus bosques primarios viven animais coma o orangután, en serio perigo de extinción. Pero estes bosques están sufrindo continuas agresións; incendios, explotacións mineiras, sobreexplotación madereira, ... Probablemente  unha das agresións máis descoñecidas é a provocada polo cultivo da palma africana, tratada no artigo deste mes de decembro de National Geographic: Borneo, o momento da verdade.

Ás veces, o creador de historias é quen de tecer tramas, ambientes, atmosferas ... que co verniz da sinxeleza atraen, inmisericordes, a vontade dos lectores, aínda cando estes sexan lectores forzados.
     Agustín Fernández Paz (Vilalba, 1947) é un deses creadores. Dá igual que no interior das súas historias aparezan seres fantásticos, o irracional, o insólito, ... a sinxeleza narrativa e os feitos tan ben medidos perseguen ao lector en compaña duns personaxes atraídos por un terror descoñecido e negado desde a razón.
     Xa o fixera en Cartas de inverno (21ª ed.) ou O centro do labirinto (12ª ed.) con evidente éxito e, por suposto, repite en Aire negro, unha noveliña que xa supera as dez edicións e non será só porque o obrigan na escola! Fernández Paz xa ten un público fiel detrás. Se buscas as sensacións do horror cun libro na man e a manta sobre as pernas, segue os pasos de Laura Novo e o doutor Moldes, protagonistas do viciado ambiente de Aire Negro.