Janeiro, Manuel. A fada das lapas.Vigo, Editorial Galaxia, 2008, 58 páxinas. (ISBN: 978-84-9865133-1).
A fada das lapas é a historia de Gabriel, o fillo dun ferreiro. Gabriel traballa na ferrería do seu pai fabricando ferramentas para o agro e tamén diferentes armas. Un día recibe a visita dunha fada máxica, que se presenta ante el como Venéfica. Sorprendido e engaiolado pola súa beleza e polo efecto da maxia da fada, Gabriel abandona a súa casa e aldea e vaise vivir coa fada a un lugar remoto. Venéfica mudalle o nome a Gabriel, chamarase Victus. A partir de ese momento vivirán felices e terán un fillo ao que chamarán Humane. Este presenta unha fisonomía case humana, pero algúns dos seus rasgos son herdados da súa nai, a fada. Pouco a pouco, Victus empeza a botar de menos a súa familia e un día proponlle a Venéfica regresar a aldea para que seus pais coñezan ao seu neto. A fada pensa que non é aínda o momento e dille que hai que esperar. A relación entre Victus e Venéfica vaise enfriando e a fada pasa a maior parte do tempo con Humane, sen deixarlle apenas relacionarse co seu pai. Pasado un tempo, Victus insiste na idea de voltar a aldea e entón Venéfica, enfadada, fuxe co seu fillo voando. Durante varios días, Victus síntese perdido, pero ao final decide voltar a súa aldea para poder recuperar ao seu fillo. Tras moitos días de viaxe chega a ferraría do seu pai e cóntalle a historia. Decide fabricar armas para poder matar ou convencer a unha quimera para que lle axude a rescatar a Humane. Ao final convence a quimera para que lle axude a recuperar ao seu fillo e os dous fan unha longa viaxe ata unh volcán. Alí, Victus descobre a Venéfica e ao seu fillo. A fada colle o seu fillo e métese no volcán mentres a quimera os persigue. Cando os atopa no interior descobre que Humane está nos brazos da fada carbonizado. A quimera lévao a superficie e entrégallo a Victus, o cal, horrorizado, comeza a cavar un túnel para poder atoparse con Venéfica, nun intento de voltar a felicidade inicial dos tres.