Actividade:

• Encontro con Xulia Alonso autora de Futuro Imperfecto.

Lugar:

• Salón de actos do IES de Curtis

Cursos:

• 4º ESO

Departamento

• Lingua galega e literatura

Profesorado

• Olga Iglesias

A actitude que me impresionaba na miña avoa Rosa, o que me facía mirala, escoitala, prestarlle toda a miña atención sen saber exactamente o por que era a súa dignidade, a súa capacidade de reivindicar o dereito á memoria, de non renegar, de non ocultar, de non esquecer, de lembrar en voz alta nomes e acontecementos que entón se escondían na sombra do silencio.

Xulia Alonso. Futuro imperfecto ISBN: 978-84-9865-317-5

Coa mesma actitude digna e valente da avoa Rosa, Xulia Alonso, autora de Futuro imperfecto que o martes visitará o noso centro, cóntanos a historia da súa vida.
Unha historia na que non dubida en relatarnos a súa baixada ao Inferno das drogas que gobernaron por un tempo a súa vida e as súas decisións.
Amor e morte percorren as páxinas desta obra. A forza do amor non é quen de impedir a morte, pero permitiralle a Xulia transformar a Nada e reconstruír os elos entre pasado e presente para legarlle a Lucía e a todos nós unha historia chea de vida.