Clica na imaxe para ver máis fotos da conferencia de Damián Villalaín sobre Carlos Casares celebrada na EOI de Vigo o día 9 de maio á que aistiu alumnado deste IES.
Clica na imaxe superior para ver máis fotos da actuación de Serafín Marcos o día 12 de maio en homenaxe a Carlos Casares.
MODALIDADE DE POESÍA
1º Premio: David Fernández Ferreiro, de 2º Bac D, por "Recordos na noite"
2º Premio: Hernán M. Comesaña, de 1º Bac C, por “Faíscas da lira”.
Debido á calidade dos traballos presentados, o Xurado decidiu conceder nesta modalidade, ademais do 1º e 2º premio, un accésit a María Álvarez, de 1º ESO A, por “Xa non quero lembrar”.
MODALIDADE DE NARRATIVA
1º Premio: Paula Estévez Casales, de 2º Bac A, por "Venus".
2º Premio: Tais González, de 3º ESO A, por "Na primeira viaxe".
PARABÉNS!
Entre as diversas actividades programadas no noso centro para celebrar o Día das Letras Galegas, o noso alumnado adicoulle unha pequena homenaxe a Carlos Casares, autor homenaxeado este ano na festa das nosas Letras, con lecturas e música.
O venres 12 de maio un grupo de alumnado acudiu ao Congreso de Innovación na Formación Profesional na Cidade da Cultura de Santiago. Neste congreso amosáronse algúns proxectos de innovación tecnolóxica e didáctica desenvolvida por centros galegos de formación profesional, así como proxectos resultantes do programa eduemprende.
O xoves 11 de maio alumnas e alumnos do noso centro que participan na comisión de convivencia acudiron a unha charla-taller sobre violencia de xénero entre adolescentes impartida por Marina Marroquí que se desenvolveu na Fundación Barrié en colaboración coa asociación Arela.
Un fatiño de rapaces do Club, de 1º da ESO, estiveron a preparar unha lectura colectiva de dous dos contos aos que Roald Dahl lles dá unha volta na súa colección titulada, en castelán, "Cuentos en verso para niños perversos".
Despois de ensaiar durante unha chea de recreos ata encaixar ben os personaxes e non cometer erros, fixeron a lectura pública dentro das sesións que se levaron a cabo na semana do 24 ao 28 de abril no salón de actos do instituto para celebrar o Día do Libro deste ano 2017.
O venres 5 de maio a delegación de Galicia da Sociedade Española de Estudios Clásicos (SEECGalicia) comunicounos que na proba Parnaso correspondente a esta sección de Galicia resultou gañador o alumno Pedro Araújo, quen, polo tanto, concorrerá á fase final do concurso. Na mesma comunicación envíanse parabéns a todos os participantes e aous seus profesores de Grego pola excelente calidade dos exercicios.
Este Día instituíuse no ano 2000, na data do 12 de maio en recordo do nacemento do matemático e enxeñeiro, ademais de artista (músico, pintor e poeta) Pedro Puig Adam, que nacera en Barcelona no ano 1900 e que faleceu aos 59 anos, en 1960, en Madrid.