IES Castelao

          O pasado venres 31 de marzo celebramos o sorteo correspondente ao segundo trimestre entre os lectores da biblioteca do centro. Unha man inocente de 4º C procedeu a extraer da urna na que se depositan as fichas dos libros devoltos en prazo a que resultou nesta ocasión tocada pola fortuna, que  foi a de...

Danna Pombo Artiles de 1º Bac-A

Parabéns!

          A finais de marzo Carlos Garabatos, presidente e entrenador de Galicia Sur, impartiu un taller/exhibición de judo ao alumnado de 3º de ESO do noso centro. Nunha das sesións tamén participaron os alumnos de intercambio de francés do Collège Blaise Pascal Saint-Flour. Clicando na imaxe superior podes ver máis fotos e aquí vos deixamos un vídeo da actividade:

          En marzo, visitounos un grupo de alumnas e alumnos do Collège Blaise Pascal Saint-Flour, situado no centro de Francia. Pasaron varios días entre nós, coñecendo o noso centro (e o IES Politécnico) ademáis dos lugares máis relevantes da nosa cidade e da entorna (Illas Cíes, Baiona, ...). Na imaxe podemos ver a recepción do grupo polo alcalde no Concello. Próximamente, varios dos nosos alumnos e alumnas farán o mesmo, visitando a rexión francesa de Auvergne.

Fonte da imaxe.

          Desde 1967, o día 2 de abril celébrase este Día Internacional da Literatura Infantil e Xuvenil coincidindo coa data de nacemento do escritor danés Hans Christian Andersen. A celebración é promovida polo IBBY (International Board on Books for Young People) coa finalidade de promocionar os bos libros infantís e xuvenís e de promover a lectura entre os máis novos.

     Podes ler a continuación a explicación que dá o escritor ruso Sergei Makhotin do lema desta edición do Día:

Medremos co libro!

O 15 de marzo un grupo de alumnos de 4ºESO visitou o buque oceanográfico Ángeles Alvariño do Instituto Español de Oceanografía. Os nosos alumnos tamén tiveron a oportunidade de percorrer unha exposición sobre as actividades de prospección científica que se desenvolven neste buque.

O pasado día 24 de marzo, Esperanza Fonseca, do Gimnasio Seungsport, impartiu un taller de hipopresivos aos alumnos de anatomía aplicada de 1º de Bacharelato.

Tras un recordatorio anatómico da franxa abdominal pasou a explicar someramente a técnica para realizar os hipopresivos. Tamén resumiu as vantaxes que obterían ca súa práctica habitual.

     Continuamos recordando a Miguel Hernández; nesta ocasión podemos ver exposto no vestíbulo parte do traballo sobre esta figura da literatura española levado a cabo por un grupo de alumnas de 4º A.

     A súa tarefa tamén incluía o comentario das famosas "Nanas de la cebolla", que ofreceron na clase aos seus compañeiros -ao expoñeren o traballo- na versión musicada por Serrat.

      Dado que o 27 de marzo se celebra o Día do Teatro (así como o día 21 foi o Día da Poesía), desde a biblioteca non queremos deixar pasar a ocasión sen dedicarlle unha atención especial  con estas pouquiñas sesións de lecturas:

      Grazas a unha iniciativa da UNESCO este día foi creado en 1961 polo Instituto Internacional do Teatro (ITI), organización internacional non gobernamental no dominio das artes escénicas.
     Fíxase o 27 de marzo porque era o día no que se inauguraba en París o festival “Teatro das Nacións, ITI, UNESCO” que reúne a representantes de todos os países do mundo.   

     O teatro emociona, alumea, incomoda, perturba, alporiza, revela, provoca, transgrede. É unha conversa compartida coa sociedade. O teatro é a primeira das artes en se confrontar coa nada, coas sombras e mais co silencio para que xurdan a palabra, o movemento, as luces e a vida.

     Tense anunciado desde sempre a morte do teatro, especialmente despois de apareceren o cine, a televisión e os novos medios. Mais…

      O teatro sempre estivo e sempre permanecerá [Anatoli Vassiliev, Rusia]

           Gloria Fuertes naceu o 28 de xullo de 1917. Celébrase este ano o centenario do nacemento desta poeta, que foi moito máis que poeta para nenos: vanguardista, rebelde,  impulsora da palabra e da poesía, defensora da cultura e da alfabetización, loitadora contra a discriminación e a inxustiza, poeta social... poeta "de guardia" como se chamou a si mesma.

                                           21 de marzo: Día da Poesía

AUTOBIOGRAFÍA

Gloria Fuertes nació en Madrid
a los dos días de edad,
pues fue muy laborioso el parto de mi madre
que si se descuida muere por vivirme.

          O 16 de marzo alumnado de 4ºESO e Bacharelato do noso centro asistiu ás representacións do XVII Festival de Teatro Grecolatino en Ourense. Pola mañán viron a representación da traxedia "Hécuba" de Eurípides e pola tarde asistiron á representación da comedia  "Pseudulus" de Plauto. Clica na imaxe superior para ver máis fotos da actividade.