Admisión e matrícula

A partir do día 24 de xuño e ata o 4 de xullo ábrese o prazo para a realización da matrícula por parte do alumnado con praza asiganada no centro. No seguinte cadro figura o calendario de matrícula para cada nivel e, en cada curso, tedes as ligazóns desde onde se pode descargar o impreso de matrícula no que se indica a documentación necesaria para a formalización da matrícula. O impreso poderase adquirir na Conserxería do centro (0.10 euros).

O alumnado que sexa externo e procedente de centros educativos de fóra do Concello de Tomiño, deberá pasar pola Secretaría do centro, nas datas que correspondan ou días antes para recoller os impresos de matrícula e información sobre a documentación específica que teñen que aportar por ser alumnado de nova incorporación.

Deixamos á vosa disposición os seguintes impresos que acompañan ás matrículas e as paradas do transporte escolar.

• Programa Alerta escolar (só alumnado dado de alta no programa)
• Autorización de imaxes (obrigatorio para o alumnado de máis de 14 anos)
• Autorización de información a familias (obrigatorio para o alumnado de máis de 18 anos)
• Liñas e paradas de transporte escolar

Por razóns organizativas, o alumnado debe cubrir a prematrícula para o curso que vén. O centro non pode ofertar na matrícula todas as materias e combinacións de materias optativas posibles, polo que as preferencias manifestadas na prematrícula condicionarán a oferta final da matrícula.

A realización da prematrícula non substitúe en ningún caso a matrícula directa que deberá ser formalizada no centro no mes de xullo.

O prazo para realizar a prematrícula abrangue do 2 ao 16 de maio de 2024. A prematrícula poderá ser realizada unha única vez, polo que é importante ter ben meditada a escolla. O alumnado deberá seleccionar a ligazón correspondente ao nivel no que se matriculará no vindeiro curso 2024/2025.

A partir do 1 de marzo ábrese o proceso de admisión para o alumnado que se incorpora por primeira vez ao IES Antón Alonso Ríos nos diferentes cursos da ESO e Bacharelato e non procede dun centro de primaria adscrito. Indícase a continuación o calendario do proceso:

• PRAZO DE SOLICITUDE: Do 1 ao 20 de marzo de 2024, ambos inclusive

Prazo de solicitude de reserva para o alumnado que se incorpora por vez primeira ao sistema educativo galego ou para os que cambian de centro de maneira voluntaria. As solicitudes presentaranse mediante o formulario dispoñible na aplicación informática admisiónalumnado:

• preferiblemente a través da sede electrónica da Xunta de Galicia;
• opcionalmente, poderán presentarse presencialmente no centro.

• PUBLICACIÓN DA LISTAXE PROVISIONAL DE ADMISIÓN: 25 de abril de 2024

Cinco días hábiles para formular reclamacións a partir do día seguinte da súa publicación.

• PUBLICACIÓN DA LISTAXE DEFINITIVA: 15 de maio de 2024

Publicación da listaxe definitiva de persoas admitidas e non admitidas.

Para máis información sobre o procedemento (prazos, xestión das solicitudes e documentación a presentar) pódese consultar admisiónalumnado ou de maneira máis xeral a Orde de 21 de outubro de 2022 que regula o proceso de admisión de alumnado en centros escolares sostidos con fondos autónomicos ou na aplicación da Consellería de Educación.

FORMALIZACIÓN DE MATRÍCULA

O alumnado admitido deberá matricularse entre o días 24 de xuño e o 8 de xullo de 2024, ambos inclusive. Por cuestións organizativas, na secretaría do centro publicarase con antelación un calendario con días concretos para os distintos niveis.

ABERTO O PRAZO DE SOLICITUDE DE RESERVA DE PRAZAS DE 1ºESO PARA O CURSO 24/25. EXCLUSIVO PARA O ALUMNADO DE CENTROS ADSCRITOS

Infórmase ás familias que o prazo de reserva de prazas para o alumnado que vai cursar 1ºESO no IES Antón Alonso Ríos abranguerá do 15 de xaneiro ao 5 de febreiro. O alumnado que teña prioridade para continuar estudos nun centro de adscrición pode exercer o seu dereito á reserva de praza presentando solicitude de reserva no centro adscrito, isto é, no que está matriculado neste momento, e identificará o centro de adscrición que solicita.

Listaxe dos centros adscritos do IES Antón Alonso Ríos:
CEIP de Barrantes
CEIP de Sobrada
CEIP Pintor Antonio Fernández
CEIP Plurilingüe de Tebra
CEIP Plurilingüe Pedro Caselles Beltrán

Para máis información pode consultar na seguinte ligazón: https://www.edu.xunta.gal/admisionalumnado