Skip to Content

Avisos

O centro obtén o distintivo "Sello de Vida Saludable" do Ministerio de Educación

Sáb, 20/07/2024 - 12:04

 

"IES Antón Alonso Ríos: saudable e activo" é o proxecto polo que o noso centro obtivo a distinción "Sello de Vida Saludable" do Ministerio de Educación, Formación Profesional e Deportes. É un proxecto integral no que se aborda a saúde desde diferentes puntos de vista e cunha perspectiva interdisciplinar. No proxecto pódense distinguir catro ámbitos: por unha banda, a saúde e o deporte, co que se fomenta un estilo de vida activo a través de diferentes iniciativas que afectan tanto aos periodos dos recreos como ás actividades extraescolares e complementarias; por outra banda, destaca no ámbito da saúde, a ciencia e a nutrición, onde por medio de diferentes traballos e iniciativas foméntase a investigación e o desenvolvemento dunha nutrición equilibrada e saudable, un tema que ocupa un lugar importante no Concreso Científico anual do centro; así mesmo, destaca a saúde emocional e mental mediante o fomento da educación emocional do alumnado e onde destaca o proxecto que integra a toda a comunidade educativa denominado "Febreiro: mes das emocións"; por último, a prevención de condutas nocivas e de risco e a formación sobre a saúde sexual entre o alumnado coa colaboración de entidades e asociacións especializadas na intevención en adolescentes e familias.

Matrícula. 2024-25

Mar, 18/06/2024 - 18:42

A partir do día 24 de xuño e ata o 4 de xullo ábrese o prazo para a realización da matrícula por parte do alumnado con praza asiganada no centro. No seguinte cadro figura o calendario de matrícula para cada nivel e, en cada curso, tedes as ligazóns desde onde se pode descargar o impreso de matrícula no que se indica a documentación necesaria para a formalización da matrícula. O impreso poderase adquirir na Conserxería do centro (0.10 euros).

1ºESO

24 e 25 de xuño 

(alumnado repetidor de 1ºESO: 2 e 3 de xullo)
2ºESO 2 e 3 de xullo
3ºESO 2 e 3 de xullo
4ºESO 28 de xuño
1ºBach. 26 de xuño
2ºBach. 1 de xullo
2ºFPB 27 de xuño
2ºCM 27 de xuño

O alumnado que sexa externo e procedente de centros educativos de fóra do Concello de Tomiño, deberá pasar pola Secretaría do centro, nas datas que correspondan ou días antes para recoller os impresos de matrícula e información sobre a documentación específica que teñen que aportar por ser alumnado de nova incorporación.

Deixamos á vosa disposición os seguintes impresos que acompañan ás matrículas e as paradas do transporte escolar.

 

 

Admisión FP 2024-2025

Sáb, 15/06/2024 - 17:08

Oferta de Ciclos de Grao Medio do centro

Ciclo de Grao Medio de Aproveitamento e Conservación do Medio Natural
Ciclo de Grao Medio de Instalacións de Telecomunicacións

O prazo de presentación de solicitudes de admisión para as ensinanzas de formación profesional en oferta ordinaria para o curso 2024-2025 será desde o 24 de xuño ás 9:00 horas ata as 13:00 horas do 4 de xullo. A presentación de solicitudes realizarase utilizando o asistente informático que estará dispoñible na aplicación de Ciclos Admisión. O día 10 de xullo poderase consultar de xeito individualizado a información da resolución provisional e o día 17 poderase consultar a resolución definitiva. Sobre os cambios no proceso de adminisión para este curso tedes un resumo nesta ligazón, e para información xeral sobre o proceso de admisión e matrícula pódese acceder á páxina da Formación Profesional da Consellería de Educación.

Calendario de adxudicacións e matrícula

1ª adxudicación ordinaria 17 de xullo Matrícula do 17 ás 9:00 ao 22 ás 13:00
2ª adxudicación ordinaria 24 de xullo Matrícula do 24 ás 9:00 ao 31 ás 13:00
3ª adxudicación ordinaria 2 de setembro Matrícula do 2 ás 9:00 ao 5 ás 13:00

 

 

Calendario probas extraordinarias: 1º Bacharelato e Ciclos

Mér, 12/06/2024 - 13:12

Publícase o calendario das probas escritas da convocatoria extraordinaria de 1º de Bacharelato e Ciclos. As probas terán lugar entre o 19 e o 21 de xuño.

1º BACHARELATO

AGROXARDINARÍA

ELECTRÓNICA

 

Axudas para a adquisición de libros e material escolar para o alumnado da ESO. Curso 2024-25

Mér, 22/05/2024 - 17:28

A Consellería de Educación vén de publicar a Orde do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado na ESO para o curso 2024/25. O prazo para a presentación de solicitudes remata o 21 de xuño de 2024 (este incluído).

  • As solicitudes presentaranse preferiblemente por vía electrónica a través do formulario normalizado (ED330B) accesible desde a sede electrónica da Xunta de Galicia.
  • Opcionalmente poderán presentarse presencialmente nos centros docentes ou en calquera dos lugares e rexistros establecidos na normativa reguladora.
  • Os solicitantes das axudas deben cubrir unicamente os anexos I e II do procedemento ED330B e presentar a documentación necesaria.
  • Os anexos para a súa presentación presencial tamén poden descargarse nesta lizagón: Anexos I e II en pdf.

Proba de acceso a ciclos formativos de grao medio. Convocatoria 2024

Mar, 21/05/2024 - 16:56

As probas de acceso aos ciclos formativos de grao medio, convocadas mediante a Orde do 21 de decembro de 2023, terán lugar o día 23 de maio de 2024.

Os lugares de celebración das probas de acceso están publicados na seguinte ligazón.

As persoas inscritas deberán presentar, para a realización da proba, o seu docmento oficial de identidade e copia da folla da solicitude de inscrición.

Horario das probas:

  • Presentación
    • Ás 9:00 horas.
  • Parte matemática e parte sociolingüística da proba:
    • Das 9:30 ás 13:00 horas (Matemáticas, Lingua galega, Lingua castelá e Ciencias Sociais).
  • Parte científico-técnica da proba:
    • Das 16:00 ás 18:00 horas (Ciencias da natureza e Tecnoloxía)

Para máis información para a realización da proba de acceso consultade a seguinte ligazón.

Acreditación das competencias dixitais para o alumnado de formación profesional

Ven, 03/05/2024 - 00:21

A Consellería de Educación vén de publicar as instrucións para a acreditación das competencias dixitais para o alumnado matriculado nas ensinanzas de formación profesional no curso 2023-24. A acreditación das competencias dixitais poderá realizarse a través das seguintes modalidades:

2º Ciclo formativo de grao básico

  • O alumnado que obteña o título de Ciclo formativo de grao básico recibirá de oficio o certificado que acredite o nivel de iniciación se así o solicita.
  • O alumnado matriculado en 2º de Ciclo formativo de grao básico poderá presentarse a unha proba específica para acreditar o nivel intermedio.

2º Ciclo formativo de grao medio

  • O alumnado co título de técnico ou técnica en Instalacións de telecomunicacións recibirá de oficio o certificado que acredite o nivel intermedio se así o solicita.
  • A obtención do título de técnico ou técnica de Aproveitamento e conservación do medio natural acredita que a alumna ou o alumno ten os coñecementos das áreas de dominio 1, 2, 3 e 5 do nivel intermedio.
  • O alumnado de 2º de gro medio de Aproveitamento e conservación do medio natural poderá presentarse a unha proba específica co obxectivo de acreditar os coñecementos do dominio 4 do nivel intermedio.

O alumnado de 2º de grao básico e de 2º de grao medio de Aproveitamento e conservación do medio natural que desexe realizar a proba específica para a acreditación de coñecementos, habilidades e actitudes propias do nivel intermedio do Marco galego de competencias dixitais terá que cubrir o formulario de inscrición e entregalo na Secretaría do centro antes do mércores 22 de maio ás 14:30.

As probas realizaranse no centro na semana do 10 ao 14 de xuño.

Probas de avaliación de diagnóstico: 2º ESO

Ven, 05/04/2024 - 20:25

En cumprimento da nova lei educativa estatal, este curso está previsto en todas as comunidades autónomas a realización das probas de avaliación de diagnóstico para o alumnado de 2.º curso de educación secundaria obrigatoria. No caso de Galicia, terán lugar os próximos días 10 e 11 de abril dentro do horario lectivo do centro. Coas probas de diagnóstico búscase coñecer as debilidades e as fortalezas académicas do alumnado respecto do conxunto da comunidade galega para acometer, nos seguintes cursos, modificacións que permitan mellorar o nivel de adquisición de competencias nos vindeiros cursos.

 

Podedes atopar máis información no seguinte documento:

 

 

Charlas para familias e profesorado: Tecnoloxía con sentidiño (4 de abril)

Mar, 02/04/2024 - 06:20

A Consellería de Cultura, Educación, Formación Profesionale e Universidades  lanza a segunda edición do Ciclo de Cultura Científica, aberto ao público en xeral, e especialmente dirixido á comunidade educativa e aos docentes en particular. Baixo o título Tecnoloxía con sentidiño, abordaranse varias temáticas en torno á tecnoloxía, como o uso da mesma nas aulas, a súa relación coa saúde infanto-xuvenil e a psicoloxía ou a Intelixencia Artificial, entre outros.

Desenvolveranse  charlas de hora e media de duración, de 18:00 a 19:30, e poderán seguirse de forma presencial no auditorio Neira Vilas da Biblioteca de Galicia en Santiago de Compostela, ou ben tamén  na canle de YouTube da Consellería de Cultura, Educación, Formación Profesional e Universidades.

O ciclo comeza o día 4 de abril coa presenza de Héctor Ruíz Martín, investigador e director da International Science Teaching Foundation, que impartirá o relatorio Que nos di a investigación sobre o uso da tecnoloxía na aula.

ABERTO O PRAZO PARA A SOLICITUDE DAS BOLSAS DO MINISTERIO DE EDUCACIÓN. CURSO 2024-25

Mar, 19/03/2024 - 15:22

Está aberto o prazo da convocatoria xeral de bolsas e axudas ao estudo para o curso 2024-25. As axudas para os estudos posobrigatorios poderanse solicitar dende o 19 de marzo ata o 10 de maio a través da sede electrónica do Ministerio de Educación, Formación Profesional e Deportes.

O alumnado que teña pensado cursar bacharelato, Formación Profesional, ensinanzas artísticas, deportivas, de idiomas ou estudos universitarios, entre outros, poden pedir xa a súa bolsa para o vindeiro curso. Como en convocatorias previas, deberán de cumplimentar unha serie de datos provisionais, que poderán modificar máis adiante, e deberán facelo ainda que non saiban as cualificacións do curso actual, ou ainda que non saiban que van estudar o curso 2024-25.

Para máis información podedes consultar na seguinte ligazón.

Prazo: do 19 de marzo ata o 10 de maio.

Destinatarios: alumnado que no curso 2024-25 vai cursar estudos posobrigatorios (Bacharelato; Formación Profesional de grao básico, medio e superior; ensinanzas artísticas, deportivas, de idiomas ou estudos universitarios)

 

Distribuir contido


by Dr. Radut