-Coberturas do seguro de anulación plus (OPCIONAL). Comunicar en secretaría o pago do mesmo. No concepto da transferencia debe ir o nome e apelidos do alumno/a seguido de SEGURO ANULACIÓN PLUS IES AGRA DE RAÍCES. Data límite para o pago 22 de novembro.
No noso Centro acabamos o derradeiro día lectivo cun campionato mixto multideporte e inclusivo con participación de equipos do Alumnado e incluso algún do Profesorado.
Fixemos algo de exercicio nun bo ambiente para queimar calorías antes dos exceso do Nadal.
O noso centro foi un dos que colaborou co Centro de Información a Muller do Concello de Ceeen SEN FILTROS CONTRA A VIOLENCIA DE XÉNERO. Trátase dunha Campaña de concienciación e prevención para a eliminación da violencia de xénero, unha campaña integral xa que conta coa participación de diferentes colectivos de persoas participantes, (alumnado dos centros educativos, equipos deportivos, escola de teatro, centro social...), a realizamos en diferentes formatos (vídeo, audio coas cuñas de radio, deseño gráfico para RR.SS, banner en medios de comunicación...) e está dispoñible en diferentes plataformas.
Buscando promover e dinamizar a participación cidadá, que toda persoa que queira poida ser protagonista desta campaña, sobre todo dirixida a implicar a xente moza, creando un produto co que eles e elas están moi familiarizados,un FILTRO DE INSTAGRAM que chamamos #senfiltroscontraaviolenciadexénero.
O filtro xa está dispoñible e listo para usa polas persoas que o desexen. Tan só haberá que entrar na Rede Social Instagram e buscar nos filtros de Instagram #senfiltros e xa aparecerá a imaxe que xuntamos. O aspecto do filtro é o que enviamos. Tamén sería interesante que escribiran o Hashtag da campaña na Stories. #senfiltroscontraaviolenciadexénero
Dentro do Programa Educativo Cultural O Mes da Fundación, organizado como tódolos meses de outubro pola Fundación Fernando Blanco de Lema de Cee, o alumnado de 4º da ESO asistiu a unha conferencia.
Trátase dunha charla impartida polos psicólogos Juan Carlos Permuy e Belén Montesa que leva por título "Mindfulness e regulación emocional" que tivo lugar o venres 29 de outubro, ás 11:30 horas, no Auditorio da Casa da Cultura de Cee.
O grupo de traballo do Programa de formación Permanente do Profesorado: IgualaT do curso escolar 2020/2021 deseñou unha serie de actividades que se poden consultar no seguinte documento.
