MALETA VIAXEIRA

Esta nova MALETA VIAXEIRA vai empezar a súa andaina indo de casa en casa nun día moi importante no calendario de celebracións do XOGO TRADICIONAL, o día de San MARTIÑO co seu dito tan coñecido:

POLO  SAN    MARTIÑO,

TROMPOS  Ó  CAMIÑO.

Quere que a enchades con cancións de roda, sorteos, partes do corpo,…

O seu funcionemento é moi sinxelo:

1.     Buscamos sobre o tema.

2.     Escollemos a que máis nos guste.

3.     Decimos quen nola dixo, idade, onde vive, a relación que ten con nós e todo aquelo que nos pareza interesante.

4.     O tempo é dunha semana.

5.     Xa de volta na clase, traballamos 1 cada semana ilustrándoa, recintándoa, cantándoa, xogando con ela e expoñéndoa para recordala nun lugar que escollamos.

6.     Usarémolas ata facelas nosas en todas as actividades onde “encaixen”.

7.     Cando remate o curso, todo este tesouro volverá ás vosas casas para que o teñades presente, e compartades toda esta riqueza oral e que siga viva e gozando de boa saúde moitos anos máis.

             Graciñas pola vosa colaboración