MATRÍCULA ESCOLAR 2019-2020
O prazo de presentación de matrícula estará aberto dende o 20 ata o 30 de xuño. A presentación da documentación realizarase no centro en horario de 09:30 a 14:00.
A matrícula soamente terá que realizala o alumnado que se matricula por primeira vez no centro(os actuais alumnos/as non teñen que formalizar a matrícula).
O vindeiro curso probablemente comezará o día 11 de setembro. Nos vindeiros días publicaremos na porta da escola e mandaremos por email o horario do período de adaptación. En setembro convocarémolos para as entrevistas individuais; así como para a reunión de comezo de curso.
As familias que desexen solicitar o servizo de madrugadores que é xestionado pola ANPA, poderán formalizar a súa praza escribindo un email a : anpa.osanxeles@gmail.com
Para calquera dúbida poden pasar polo centro, chamar por teléfono ou escribirnos un email:
Tfno.: 981-509977 699525689 eei.anxeles@edu.xunta.es
Na páxina web do centro iremos colgando toda a nova información:
DOCUMENTOS QUE SE DEBEN APORTAR
- Dúas fotografías do neno/a tamaño DNI.
- Fotocopia da tarxeta de vacinas.
- Certificado médico no que conste que, dende o punto de vista sanitario, o/a alumno/a atópase en condicións de matricularse nun centro ordinario.
Se solicitaron comedor, deberán entregar tamén cuberta a folla de autobaremación.
Nos aquivos adxuntos enviamos a seguinte información:
- Solicitude de matrícula. Anexo III
- Autorización para uso da Imaxe Persoal.
- Autorización de saída polo concello.
- Enquisa de idioma.
- Autobaremación para usuario de comedor.
INFORMACIÓN SOBRE COMEDOR
Segundo a instrución 9/2019 da secretaría xeral técnica da consellería de educación, universidade e formación profesional, do 7 de xuño, sobre funcionamento dos comedores escolares de xestión indirecta no curso escolar 2019/2020; terán preferencia no uso do comedor:
-
Alumnado usuario do servizo do comedor no curso anterior.
-
Alumnado pertencente a unidades familiar en situación económica de exclusión social ou con discapacidade igual ou superior ao 33%.
-
Alumnado membro de familias numerosas.
-
Alumnado con pais e nais traballadores ambos os dous con incompatibilidade dos seus horarios laborais co horario de saída do fillo/a ao mediodía.
-
Outro alumnado do centro( escolarizado fóra da área de influencia).
Dentro do outro alumnado do centro a preferencia de uso de comedor será a seguinte:
-
Estar empadroado no Concello de Brión.
-
Alumnado de familias en situación socioeconómica de exclusión social.
-
Incompatibilidade horaria dos proxenitores.
-
Ter irmás/áns, usuarios de comedor escolar nesta escola.
-
Alumnado con discapacidade.
-
Ordenaranse as familias por renda económica per cápita máis baixa.
-
Ser da área de influencia limítrofe.
-
Ordenaranse os apelidos pola letra sorteada para o proceso de admisión.
Todo o alumnado que fixo uso do servizo de comedor escolar no curso 2018-2019 e comunicou que quere continuar facendo uso do servizo para o vindeiro curso ten a praza garantizada. O único que teñen que facer é cubrir a ficha de datos de usuario de comedor e entregala antes de do día 21 de xuño e o Anexo II (unha autodeclaración) e entregala no centro ata o día 11/09/2019.
O alumnado que está actualmente matriculado na escola e que non foi usuario do comedor no curso pasado, se quere facer uso del no vindeiro curso terá que solicitalo á dirección do centro. O prazo para solicitar praza no comedor escolar remata o 21 de xuño. Ademáis tamén terán que cubrir o Anexo II (unha autodeclaración) e entregalo no centro ata o 11/09/2019.
O alumnado que comeza novo nesta escola para o vindeiro curso, terá que marcar na folla de matrícula a casiña na que solicita o uso do servizo de comedor ( non é necesario entregar o padrón municipal porque xa o fixeron xunto coa solicitude de admisión). O prazo para a solicitude remata o 30 de xuño. Como imos ter que baremar, xa que hai máis solicitudes que prazas, o alumnado que teña a ambos proxenitores traballadores con incompatibilidade dos seus horarios laborais co horario de saída do mediodía, acreditarán documentalmente mediante documento expedido para o efecto polas/os respectivos empregadoras/ores, xunto cunha copia dos contratos de traballo, polas altas censuais iniciais ante a Axencia Estatal de Administración Tributaria e as modificacións posteriores e altas na Tesourería Xeral da Seguridade Social no réxime correspondente, de habelas, e polas certificacións expedidas polas xefaturas de persoal correspondentes.
A maiores terán que cubrir o Anexo II (unha autodeclaración) que poderán entregar no centro ata o 11/09/2019. O alumnado que non é da área de influencia da nosa escola terá que aboar o prezo máximo de servizo por día que é de 4,50€, independentemente do resultado que obteña na autobaremación.
A partir do 30 de xuño que finaliza o prazo de solicitude de comedor, a dirección do centro ordenará as solicitudes por preferencia de uso. Como se prevén máis solicitudes que prazas o Consello Escolar será o encargado de revisar e baremar as solicitudes. Unha vez reunido o Consello Escolar publicarase unha lista provisional de admitidos e a lista de reserva, abríndose un prazo de cinco días para a presentación de alegacións. Unha vez finalizado o prazo de alegacións e resoltas polo Consello Escolar aprobarase o listado definitivo de admitidos e de reserva.
Adxunto | Tamaño |
---|---|
anexoiii_1_infantil_primaria.pdf | 427.8 KB |
Enquisa idioma infantil.pdf | 81.03 KB |
autobaremacion_comedor_2019.doc | 51.5 KB |
autorización fotografías.doc | 24.5 KB |
Autorización saída pola localidade.doc | 23.5 KB |
explicacions_comedor_xuño.doc | 31 KB |
Nota informativa familias.doc | 27.5 KB |
Ficha_datos_usuarios_comedor.doc | 25.5 KB |