Unha nova cita deportiva, desta volta ó xoves 26 de abril, no Pavillón de Ribadavia.
Achegámonos a disfrutar das diferentes probas do atletismo, na que o principal obxectivo foi divertirse e probar as múltiples disciplinas como son: salto lonxitude, lanzamento de peso, xabalina, salto de altura e diferentes carreiras de velocidade e relevos.
Aquí vai o vídeo da actividade...
O venres 20 de abril fixemos unha saída para coñecer distintas artes ou aparellos e embarcacións que se utilizaban na pesca fluvial en Ribadavia.
Acompañáronnos tres expertos: Antonio Míguez (pai dunha alumna da escola de Francelos), Modesto Martínez (un veciño de Francelos) e Álvaro Lorenzo (mestre do CRA).
Todos eles nos contaron un montón de cousas relacionadas coa pesca. Aprendimos qué eran as nasas, as redes, as distintas embarcacións, a cana de pescar, o cebo, ....
Tamén estivemos no Museo Etnolóxico de Ribadavia, onde Modesto lles explicou de maneira moi visual cómo se pescaban os peixes e as anguias.
O mércores 4 de abril fomos ao Auditorio de Ourense a ver a obra de teatro Antón Comodón.
Antón Comodón, era un neno ao que na súa casa lle facían todo, non facía falta que aprendera nada se el non quería. Cando creceu tiña un axudante, Nicolás, que era o encargado de facelo todo. Pero un día Nicolás pensou que xa tiña bastante diñeiro e foise a vivir ás Illas Verdes…. Antón non sabía vivir sen axuda, nin vestirse, nin abrocharse os zapatos, nin tan sequera comer so a sopa. Así pois decidiu empezar unha longa viaxe en busca de Nicolás, atravesando campos, cidades e lugares descoñecidos para el, como unha granxa e un porto pesqueiro. Durante a viaxe Antón foi aprendendo moitas cousas. Cando por fin chegou ás Illas Verdes e encontrou ao seu axudante deuse conta que aprendera tanto que era capaz de valerse por si mesmo e foi entón cando decidiu quedarse a vivir e botar unha man a Nicolás co seu carriño de xeados, como dous bos amigos.
O xoves 22 de marzo fixemos unha andaina dende a Escola de San Cristovo ata a Veronza, onde plantamos nogueiras e carballos en colaboración co Concello de Ribadavia, que estivo representado por María López Touza, a concelleira de Cultura e Educación.
No seguinte video podedes ver todo o fixeron. Esperamos que vos guste.
O martes 27 de febreiro fomos ao Auditorio de Ourense a ver a representación de "A nena e o grilo nun barquiño" de Magín Blanco.
Despois merendamos na Praza Maior de Ourense e fomos no tren turístico ata as Termas de Outariz.
Este ano disfrazámonos de peixes e pescadores, debido ao proxecto da PESCA, que desenvolvemos dende a Biblioteca e dende o Equipo de Dinamización da Lingua e Galega . Fixemos un percorrido polas rúas de Francelos, acompañados dos pais e dos avós dos alumn@s do centro.
E rematamos cun xantar na Fontiña Mariña, onde degustamos doces típicos do Entroido.
O luns comezamos ca semana do Entroido e como todos os anos, o meco ven cargado de recados para que lle fagamos caso.
Empezamos ca orde do luns: tiñamos que traer algo gracioso na cabeza
A orde do martes mandaba traer algo de fantasía no pescozo
O mércores tiñamos que traer gafas decoradas
O xoves disfraz libre
Aquí vos quedan as fotos do campionato provincial de campo a través celebrado o pasado 3 de febreiro no complexo deportivo de Monterrei, pertencente ao Concello de Pereiro de Aguiar, no que participou Selena, da escola de San Cristovo.
Alí atopáronse con antigos alumnos (Daniel, Rocio,...) do CRA e tamén con Juan, profesor de Educación Física que estivo no cole o curso pasado.
O mércores 31 de xaneiro celebramos todos xuntos na escola de Francelos o Día da Paz.
Foi un día moi especial, xa que tivemos a visita de Ramón Caride, e rematamos a gravación dun lipdub, coa canción de IMAGINE. Este video foi elaborado polo mestre de música (Álvaro) e colaboramos todos os mestres e alumnos do colexio.
Aquí vos queda para que o disfrutedes.
O alumnado do CRA Amencer participou na final comarcal do Ribeiro de campo a través, unha das probas de atletismo, que tivo lungar no campo de fútbol de O Xestal.
A proba consistiu en dúas voltas ao campo de fútbol para a categoría de benxamín mixto, na que se clasificou Selena para o provincial.
| A Nube nas Xornadas Tics | hai 10 anos 9 semanas |
| Rede de Escolas na Nube, visitan ao Presidente da Xunta | hai 10 anos 5 semanas |
| EMPEZAMOS O CURSO 2017-18 | hai 6 anos 36 semanas |
| APRENDENDO A TRADICIÓN DO VIÑO | hai 6 anos 35 semanas |
| PREMIO DA REAL ACADEMIA GALEGA | hai 6 anos 32 semanas |
San Paio
San Cristovo
Francelos
Xunta de Galicia - Consellería de Educación, 2013 | ||
