Dep. de CCSS

Unha vez máis, o departamento de Xeografía e Historia organiza unha saída didáctica sobre o currículo da materia. Nesta ocasión, para estudiar a cultura castrexa da contorna,cunha visita ao museo e castro de Viladonga (Castro de Rei). Alí o alumnado de 1 e 2 de ESO coñecemos de primeira man as estruturas e partes do castro e algúns dos obxectos máis valiosos atopados nesta marabillosa ruína arqueolóxica da nosa provincia. Fixémolo a través dun obradoiro de arqueoloxía experimental guiado pola técnica do museo Sonia Engroba. Agradecidas quedamos polos materiais que nos deixou para a biblioteca (guías, conto...).

Ed. Primaria

Hoxe o alumnado de 1° e 2° de primaria visitaron o Castro de Viladonga. Coñecemos a alimentación, vestimenta e arquitectura da época castrexa a través da interacción cos elementos expostos no seu Museo Arqueolóxico e a visita ao propio castro. Tamén realizamos un obradoiro de xoguetes tradicionais empregando materiais naturais.
Despois de xantar, fomos ao Espazo Natural de Penas de Rodas, onde puidemos xogar observando as formas curiosas das rochas graníticas da zona.

Dep. Orientación

 Os membros do Departamento de Orientación vimos de rematar unha formación en Prácticas restaurativas, coas que estamos familiarizando ao alumnado de Primaria e Secundaria. Velaí algunha das nosas experiencias este curso traballando cos círculos afectivos... O alumnado de Infantil xa está desexando que lle toque traballar co obxecto da palabra!

Dep. Ed. Física

O pasado domingo 26 de maio, disputouse o Campionato Provincial de bádminton, non cal estiveron presentes un bo número de representantes do noso centro educativo, que se clasificaron para este evento despois das tres xornadas previas disputadas con anterioridade no zonal de Chantada.

Os nenos e nenas do equipo de bádminton tiveron unha gran actuación, entregándose con moita paixón por un deporte que xa é unha referencia non só no noso centro senón tamén no pobo de Friol, cunha aceptación social que vai máis alá do eido educativo. No tocante ós resultados, os pupilos de Marcos López realizaron un gran torneo, destacando Mateo Villar e Ana Karem Rodríguez, que acadaron a cuarta posición nas categorías cadetes, tanto no apartado  masculino como feminino respectivamente.

Dep. Orientación

O equipo de natación do noso centro educativo desprazouse o pasado sábado 25 de maio a Monforte para a disputa da última xornada do programa Xogade e que ademais servía como campionato zonal despois das tres xornadas previas que se disputaron con anterioridade tanto en Chantada como en Monforte de Lemos.

Este ano foi a posta en funcionamento do equipo de natación a través do programa Xogade e tivo un bo éxito entre o noso alumnado, xa que todos os nenos e nenas acudiron na súa práctica totalidade a todas as citas programadas para este deporte. En canto ós resultados deste evento, destacar as tres vitorias en outras tantas proba (crol, espalda e braza) de Anxo López na categoría alevín, así como a doble vitoria de Eric Gallardo e o triunfo de Aaron Castro na categoría benxamín. Tamén destacaron nas súas probas Uxía e Iria Pacín, Angélica Darriba, Natalia López e Raisa Castro.

Margarita Rodriguez Couceiro

Ver proxecto

Ed. Primaria

O alumnado de 5º e 6º de educación primaria asistiu a unha charla do Servicio de Protección da Natureza (SEPRONA), corpo específico da Guardia Civil, sobre a importancia do cuidado do medio ambiente, e sobre todo, da importancia que ten na prevención dos incendios forestais, un dos principais problemas e desafíos que ten a sociedade e no que os centros educativos teñen un papel trascendental no desenrolo desa concienciación social de bo cuidado do medio ambiente.

Ed. Primaria

O alumnado de 1º, 2º, 3º e 4º de educación primaria asistiu a unha charla de hixiene bucodental impartida polas enfermeiras María José Molejón e Antía Hermida. A disertación versou sobre a importancia das pautas alimentarias para unha correcta e boa hixiene e saúde, tanto dental como integral do corpo humano.

Así mesmo, tamén lles falaron da importancia do exercicio físico, así como doutros elementos e pautas clave no desenrolo do seu organismo, tales como o non usar pantallas e dispositivos móbiles mentres se está comendo.