O vindeiro VERNRES 26 DE MARZO ÁS 10:00H publicaranse na plataforma ABALAR as cualificacións do alumnado correspondentes ao 2º trimestre do curso.

A Consellería de Sanidade presenta o portal web “Xanela aberta á familia” e a guía de alimentación “O ABC do consello alimentario na infancia”.

“Xanela aberta á familia” é unha iniciativa para a promoción da saúde infantil con información útil para pediatras, docentes e familias. O seu desenvolvemento está enmarcado dentro do proxecto Riscar, no cal colaboran as administracións competentes de Portugal, Galicia, Castela e León, Extremadura e Andalucía. Inclúe información sobre a alimentación saudable, a actividade física, a saúde e o benestar emocional. A información deste portal organízase ao redor de cada unha das etapas da crianza, desde o embarazo ata a adolescencia e caracterízase por incluír ademáis dos aspectos estritamente informativos, consellos, pautas de actuación e suxestións.

Nesta web, dentro do apartado de alimentación saudable pódese consultar a guía de alimentación “O ABC do consello alimentario na infancia”. Esta guía achega información, ideas e estratexias para acadar un axeitado patrón alimentario tanto no ámbito familiar como nos centros educativos. As recomendacións foron moduladas segundo os condicionantes do feito alimentario, en forma de connotacións sociais, culturais e fisiolóxicas. Consta de distintas seccións nas que ofrece información sobre a composición nutricional dos alimentos, a súa conservación e as distintas elaboracións. Inclúe tamén consellos para facer unha compra saudable e distintas receitas para todas as comidas do día co fin de facilitar a tarefa cotiá de elixir, mercar e preparar alimentos

Para máis información:

• Portal web de “Xanela aberta á familia”: https://vida-saudable.sergas.gal/

• Guía de alimentación “O ABC do consello alimentario na infancia”: ligazón

• Inscripción no sistema de avisos da “Xanela aberta á familia”: ligazón

DENDE CHINA A BARALLA: O WUSHU

Ao longo deste 2º Trimestre na materia de Educación Física o alumnado de 5º e 6º de Educación Primaria iniciouse nunha arte marcial, o Wushu. Un total de 26 guerreiros/as realizaron combates preparados, unha das disciplinas destacadas deste deporte. Velaquí o resultado... HU-HA!

Enlace para visionar o video: https://www.youtube.com/watch?v=yL3ootnKCSk

DECRETO 38/2021, do 4 de marzo, polo que se ditan normas para garantir os servizos esenciais durante a folga convocada para o día 8 de marzo de 2021.

Debe acudir a cada centro educativo, como servizos mínimos, ademais do titular da dirección ou de quen o substitúa, un profesor ou profesora por cada grupo de alumnos que teña prevista actividade lectiva no tempo da folga. 

Tales funcións deben reforzarse no caso do alumnado con necesidades educativas especiais, para o cal o nivel de protección debe ser absoluto, razón que nos leva a fixar como servizos mínimos o 100 % do persoal auxiliar coidador.

O vindeiro día 19 de Marzo é festivo Autonómico polo que non haberá actividade lectiva.

Día Internacional da Muller 2021 (8 de marzo)

As mulleres do mundo desexan e merecen un futuro igualitario sen estigma, estereotipos nin  violencia; un futuro que sexa sostible, pacífico, con igualdade de dereitos e oportunidades para todas as persoas. A fin de lograr este obxectivo, o mundo necesita mulleres en todas as mesas nas que se tomen decisións.

Este ano,o tema do Día Internacional da Muller (8 de marzo), “Mulleres líderes: Por un futuro igualitario no mundo da Covid-19”, celebra os enormes esforzos realizados por mulleres e nenas de todo o mundo á hora de definir un futuro máis igualitario e a recuperación ante a pandemia da Covid-19, e resalta as deficiencias que persisten.

O prazo para a solicitude de admisión de alumnado novo abranguerá dende o día 1 de marzo ata o 22 de marzo , ambos inclusive.

O anexo para cubrir achégase en arquivo adxunto, e debe achegarse tamén copia do libro de familia.

Solicitar cita previa para secretaría do centro no teléfono 982870071

O pasada semana, celebramos o ENTROIDO no cole dun xeito ben diferente aos outros cursos!!! 

Velaí un video con fotografías que queda para que o disfrutedes na seguinte ligazón: https://orecunchodecamaleo.blogspot.com/

HALEY, BENVIDA AO NOSO COLE!!!

Esta semana, por fin, tivemos a sorte de contar coa auxiliar de conversa que vén da cidade de Charleston en South Carolina, Estados Unidos.

          Estamos moi content@s de poder contar con Haley, que seguro que nos axudará a comprender un pouquiño máis sobre a súa lingua e costumes.