ADXUNTAMOS LISTADO LIBROS DE TEXTO PARA O CURSO 2023-2024.

O pasado xoves 25 de maio tivemos a sorte de poder entrevistar a un dos membros de Fuxan os Ventos, Antón Castro, que ademáis cantou e tocou a zanfona acompañado por as nosas profes de música, o alumno de 5º EP Brais Pintor Villares e o seu pai, Pablo Pintor ao clarinete. A entrevista correu a cargo de Lucía Carballo, Xes Pintor e Leire Arias.

ORDE do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/24 (códigos de procedemento ED330B, ED330G e ED330H).

Consulten no seguinte enlace: 

Convocatoria do fondo solidario de libros de texto e axudas para adquirir libros de texto e material escolar destinadas ao alumnado matriculado en educación primaria, ESO e educación especial para o curso escolar 2023/24

PRAZO PARA SOLICITAR: ata o 21 DE XUÑO (incluído)

PROCEDEMENTO: 

-TELEMÁTICO:As solicitudes presentaranse preferiblemente por vía electrónica no formulario normalizado (anexo I) dispoñible na aplicación informática Fondolibros (https://www.edu.xunta.es/fondolibros), a través da sede electrónica da Xunta de Galicia: https://sede.xunta.gal.

-PRESENCIAL: con CITA PREVIA que se solicitará no teléfono 982 870071. 

NON SE ATENDERÁ A NINGUNHA FAMILIA SEN CITA PREVIA.

Se teñen dúbidas, chamen por teléfono (982 870071).

DOCUMENTACIÓN: 

- Libro de familia (fotocopia), de non ter , certificado de convivencia

- certificado de discapacidade (fotocopia)

- sentenza de divorcio ( fotocopia)

- situación de violencia de xénero (fotocopia)

O pasado mércores 26 de maio, o alumnado de música de 3º e 4º acudiu a un concerto didáctico no IES Leiras Pulpeiro, en Lugo, levado a cabo por compoñentes do Grupo Vocal Solo Voces de Lugo.

O pasado xoves 20 de abril, o alumnado de 2º, 3º e 4º ESO fixo unha visita na vila de Celanova. Na Casa dos Poetas léronse poemas de Curros Enríquez e no Mosteiro de San Salvador de Celanova de Celso Emilio Ferreiro.

Visitamos o Instituto e a súa fermosa biblioteca. Ademáis participamos nun concerto na Igrexa do Mosteiro acompañados polo órgano.

Pola tarde visitamos a Aldea de Vilanova dos Infantes e o Castro de Castromao.

Vídeo 1

Vídeo 2

Rematado o prazo de presentación de solicitudes para as vacantes ofertadas neste centro, informamos que

TODAS AS SOLICITUDES foron ADMITIDAS  e teñen garantida a RESERVA DE PRAZA para o curso 2023-2024 xa que a demanda non superou á oferta e polo tanto NON é necesario BAREMAR. 

Lembramos que o prazo de matrícula comezará o 20 de xuño de 2023.

Aquí vos deixamos unha mostra do día de Entroido no Cole

O noso cociñeiro Pablo, acaba de gañar o Campionato Internacional de Baristas de Escolas, celebrado a pasada semana no IES de Foz. Dende o centro queremos darlle a noraboa.

FESTIVAL ENTROIDO 2023

VENRES 17 DE FEBREIRO ÁS 11:00H

Infantil: Pitufeando

1º EP: Mary Poppins

2º3º EP: Coco

4º EP: Avatar

5º EP: Familia Addams

6º EP: Brancaneves e os sete ananiños

1º ESO: 101 Dálmatas

2º ESO: Piratas del Caribe

Xuízo de entroido a cargo do alumnado da ESO

Prégase ás familias que respeten as zonas acotadas para o desfile

Recordamos co alumnado de 3º e 4º eso estará vendendo doces para financiar a excursión de fin de curso.

EXPOSICIÓN DE FOTOGRAFÍAS DEDICADAS

Con motivo da conmemoración do 8M Día da Muller Traballadora, levarase a cabo no centro unha exposición de fotografías en homenaxe ás mulleres da contorna.

•  Para elo, cada alumno e alumna traerá nun sobre a fotografía dunha muller da súa contorna á que admire (pode ser nai, avoa, tía, veciña….). Escribiredes detrás da foto o voso nome para que non se extravíen.
•  A fotografría pode ser antiga ou actual, en cor ou branco e negro,  pode verse á muller homenaxeada facendo algunha labor ou solamente un retrato, pero figurará ela soa.
•  Unha vez fotocopiadas no cole, devolveranse, xa que na exposición empregarase unha copia e non as fotos orixinais.
•  Finalmente o alumnado escribirá a dedicatoria na hora de titoría nunha tarxeta que entregaremos no cole tal e como se ve na imaxe.

• A participación tamén está aberta ás familias, polo que se unha nai ou pai quere facer tamén unha homenaxe a unha muller que admire, só terá que engadir no sobre a súa fotografía, e o proceso será o mesmo. (Unha vez fotocopiada, devolverémola xunto coa tarxeta e unhas sinxelas instrucións para que a poda completar na casa, ao igual que fai a rapazada en clase)
• A artista e antiga alumna Esther López  xa nos deixou unha fermosa homenaxe á súa avoa. Podedes ver esta primeira postal na web do cole.

Animádevos a participar familias!!! Encheremos o cole de admiración polas nosas mulleres!!!