En colaboración co profesorado de quinto e sexto de Educación Primaria organizouse un concurso de cómic no terceiro trimestre.

Velaquí as imaxes dos gañadores. 

Dende a biblioteca organizamos un concurso de elaboración de carteis de animación á lectura para todo o alumnado de Educación Primaria e Educación Secundaria Obrigatoria. O premio para o alumno/a gañador de cada nivel consistiu nun carné especial que permite o empréstito de máis libros e tamén fondos audiovisuais. Os participantes presentaron carteis moi orixinais, como os que podedes ver nas imaxes a continuación. 

En colaboración co profesorado de quinto e sexto de Educación Primaria deseñouse a principio de curso un itinerario lector cun formato lúdico, o Libropoly, que consiste no reto de ler e realizar fichas de lectura (e, voluntariamente, tamén vídeo-reseñas) de vinte libros previamente seleccionados e expostos nun gran taboleiro que emula o clásico taboleiro do xogo Monopoly. Cada unha das fichas de lectura (e vídeo-reseñas) realizadas sobre calquera desas obras puntúa dous puntos a canxear na tómbola lectora que eses dous niveis de dita etapa realizan a última semana do mes de maio. Ademais, o alumnado que sexa capaz de rematar o taboleiro completo, gañará dez puntos extra. ¡Ánimo a todos/as os xogadores/as! ¡Xa queda pouquiño para terminar o reto! 

En colaboración co profesorado de quinto e sexto de Educación Primaria organizouse un concurso de poesía no segundo trimestre, con motivo da celebración do Día Mundial da Poesía.

Velaquí as fotos dos gañadores.

No mes de marzo, con motivo do Día Mundial da Poesía, realizamos unha exposición de libros de poesía. 

Os axudantes de biblioteca de quinto e sexto de Educación Primaria, organizamos visitas a todas as aulas desta etapa cunha “mochila de novidades”, amosándolles aos compañeiros/as doutras aulas as novas adquisicións que estarían dispoñibles na nosa biblioteca proximamente para invitar e incentivar ao alumnado a vir á biblioteca a coñecer novos fondos documentais.

Hoxe 25 de febreiro o alumnado de 3º de ESO asistiu en Compostela a unha charla-conferencia de María Solar e dúas científicas do CSIC, Marta e Isabel.

As científicas falaron sobre os virus e a importancia de vacinarnos para non contraermos certas enfermidades.

María Solar, sobre a súa novela, Os nenos da varíola.

Celebramos o Día de Rosalía de Castro coa audición de poemas da padronesa interpretados pola soprano de orixe lousamiá, Esperanza Mara.

     Asistiron os alumnos de 6º de primaria e 1º e 2º de ESO.  Algúns deles homenaxearon a nosa poeta lendo poemas seus.

                      .

Á sesión fomos convidados polo concello de Lousame.

Moitas grazas!!!