Cada mes, con motivo de diversas conmemoracións, organizamos unha pequena exposición das obras dalgúns autores e autoras relevantes no eido nacional e internacional.

No mes de decembro lembramos a Álvaro Cunqueiro, Berta Dávila, Robert Louis Stevenson e Cornelia Funke.

En colaboración co profesorado de quinto e sexto de Educación Primaria organizouse un concurso de relatos de terror no primeiro trimestre, con motivo da celebración do Samaín.

Velaquí as fotos dos gañadores.

Seguindo coa actividade iniciada o curso pasado, os padriños e madriñas de lectura dos cursos superiores de Educación Primaria desfrutaron de varios recreos léndolles contos aos seus afillados/as.

Continuando coa actividade de animación á lectura iniciada o curso pasado para o alumnado de 5º e 6º de Educación Primaria, este curso xogará ao Libropoly todo o alumnado da etapa.

Trátase dun itinerario lector cun formato lúdico que consiste no reto de ler e realizar fichas de lectura (e, voluntariamente, tamén vídeo-reseñas) dunha serie de libros, previamente seleccionados e expostos en distintos taboleiros do centro, que emula o clásico taboleiro do xogo Monopoly. Cada unha das fichas de lectura (e vídeo-reseñas) realizadas sobre calquera desas obras puntúa dous puntos a canxear na tómbola lectora á que asistirá o alumnado de Educación Primaria a finais de curso. Ademais, o alumnado que sexa capaz de rematar o taboleiro completo, gañará puntos extra. Ánimo a todos os xogadores/as e... ¡a polo reto!

Como cada curso, levamos a cabo xornadas de formación de usuarios na biblioteca co alumnado das tres etapas educativas.

Como non podía ser doutro xeito, inauguramos a biblioteca cunha morea de libros novos.

¡A inauguración da biblioteca foi todo un éxito! Todos os alumnos e alumnas do centro estaban desexando ver a nova biblioteca.

Despois de meses de traballo ¡por fin temos todo preparado para abrir a biblioteca!

No mes de xuño do curso pasado, comenzamos a recolocar moitos dos fondos documentais: movemos seccións completas, cambiamos a ubicación de moitas librarías, gardamos en caixas outras pequenas seccións agardando o novo mobiliario, deixamos todo ben cuberto para evitar que os libros se enchesen de po... Moitas horas de traballo nas que se implicaron moitos Axudantes de Biblioteca de quinto e sexto de Educación Primaria, para os que non temos suficientes palabras de agradecemento.

Durante as vacacións de verán ampliouse a biblioteca facendo uso dunha das aulas contiguas e en setembro, de novo, un traballo inxente para recolocar mobles, librarías, mercar e montar o novo mobiliario e ordenar miles e miles de libros, películas e outros materiais.

Traballamos contra o reloxo para poder abrir a biblioteca a primeira semana de novembro, pero o esforzo pagou a pena.