Horario de atención ao público en administración:
9:00 - 14:00 horas
Contacto:
CPI Plurilingüe Cabo da Area
Rúa Isidro Parga Pondal, nº45
15118 Laxe
881 88 07 09
cpi.cabo.area@edu.xunta.gal
No presente ano aumentamos un curso máis ao proxecto E-Dixgal, abarcando xa 5º e 6º de Primaria e na Secundaria 1º e 2º. Para facilitar este proceso
deixámosvos a seguinte información:
- Web de E-Dixgal con información paras familias.
- Díptico do Servizo Integral de Reparación.
- Enlace á paxina web na que se contrata o seguro Cobertura SIR.
- Normas de uso ordenadores E-Dixgal.
O venres, 4 de outubro de 2024, o CPI Plurilingüe Cabo da Area celebrará, outro ano máis, a carreira solidaria para apoiar á Fundación Unoentrecienmil, que loita para impulsar a curación da leucemia infantil.
Este evento terá lugar a partir das 9:50 horas no paseo marítimo de Laxe, nas inmediacións do centro educativo.
Todo o alumnado matriculado no centro que desexe participar deberá facer unha aportación mínima de 1€ en concepto de inscrición. A data límite para entregar o diñeiro ao seu titor/a será o martes, 1 de outubro de 2024.
As familias que desexen participar deberán aboar o custo da inscrición antes do inicio do evento nunha caixa que haberá ao carón da saída da carreira e completar o seguinte formulario de inscrición: https://docs.google.com/forms/d/e/1FAIpQLSfptMDmK0QhKqyigvGFEO4ol-85HluTwSi3fqBIAJCeSj2ZOw/viewform?usp=sharing
Durante a celebración do evento, aceptaranse donativos na mesma caixa de inscrición.
Moitas grazas a todos e todas pola vosa colaboración.
Prezadas familias:
Indícase a continuación a relación de datas e horas para a celebración das xuntanzas iniciais entre as persoas titoras de cada grupo de educación primaria e secundaria e os pais, nais e titores/as legais do alumnado:
1º e 2º de educación primaria: Luns, 16 de setembro, ás 16.00h.
3º e 4º de educación primaria: Luns, 16 de setembro, ás 17.00h.
5º e 6º de educación primaria: Luns, 16 de setembro, ás 18.00h.
3º e 4º ESO: Mércores, 18 de setembro, ás 16.00h.
1º e 2º ESO: Mércores, 18 de setembro, ás 17.00h
O lugar de recepción será a entrada principal dos edificios de primaria e secundaria, respectivamente. A continuación, as familias de cada grupo acompañarán á persoa titora correspondente á aula de referencia.
Lembramos que se abordarán asuntos relacionados co funcionamento do centro, xunto con outras consideracións de importancia para o desenvolvemento de cada grupo. Polo tanto, recomendamos a máxima asistencia posible.
Moitas grazas de antemán pola vosa colaboración e participación.
Prezadas familias:
O vindeiro mércores, 11 de setembro, dará comezo o curso 2024-2025.
O alumnado de 4º de educación infantil participará nun período de adaptación ao contexto escolar, seguindo as indicacións que proporcionará a persoa titora na xuntanza que manterá esta semana coas familias do seu grupo. O resto dos estudantes de educación infantil e primaria iniciarán as clases no horario correspondente ao mes de setembro (de 09.15h a 14.15h para as sesións lectivas e de 14.15h a 15.00h para a quenda única do comedor, no caso de aqueles/as alumnos/as que sexan usuarios/as do mesmo).
Pola súa parte, os/as estudantes de educación secundaria incorporaranse ás clases no seu horario habitual (de 08.45h a 14.05h os luns, mércores, xoves e venres; de 08.45h a 13.30h e de 16.10h a 18.40h os martes).
Benvidos a todos e todas!
Prezadas familias:
O centro permanecerá pechado durante o mes de agosto. Ante calquera urxencia, poden poñerse en contacto a través do correo electrónico: cpi.cabo.area@edu.xunta.gal
Bo verán.
Está dispoñible no taboleiro de Secretaría do centro ou descargando aquí a listaxe de libros de texto para o curso 2024/2025.
Está dispoñible na secretaría o impreso de solicitude de colaboradores/as no comedor escolar para o vindeiro curso 2024/2025, que deberá ser entregado no centro en horario de 10:00 a 14:00 horas (pulsar aquí para descargar).
As nais/pais/titores/as legais do alumnado do centro que desexen colaborar nas tarefas de atención e apoio ao alumnado usuario do comedor escolar poderán apuntarse nas listaxes de admisión habilitadas para tal fin na Secretaría do centro. O prazo de atención preferente para a presentación das solicitudes será do 25 de xuño ao 8 de xullo de 2024. Quen non poida entregar a súa solicitude nesas datas, poderá facelo ata o 8 de setembro de 2024.
Todas as familias do alumnado interesado en utilizar o servizo de comedor escolar durante o vindeiro curso 2024/2025 deberán presentar na secretaría do centro o impreso correspondente que contén un modelo de autodeclaración da renda correspondente ao ano 2023 (pulsar aquí para acceder a el). Presentarase entre o 25 de xuño e o 8 de xullo de 2024 (ambos incluídos) en horario de 10:00 a 14:00 horas.
Xuntamos, ademais, as instrucións para cubrir a solicitude (pulsar aquí para descargar).
No taboleiro interior do centro publicarase a seguinte información:
- Listaxe provisional de usuarios/as admitidos/as no servizo do comedor escolar: 9 de xullo de 2024.
- Prazo para a realización de alegacións á listaxe provisional de admitidos/as: do 09 ao 15 de xullo de 2024.
- Listaxe definitiva de usuarios/as admitidos/as no servizo do comedor escolar: 16 de xullo de 2024.
MATRÍCULA INFANTIL E PRIMARIA Curso 2024-2025
- O prazo de matrícula para o alumnado de infantil e primaria de nova incorporación ao centro será do 20 ao 30 de xuño. Poderán recoller o impreso na Secretaría do centro.
- O alumnado de infantil e primaria que permaneza no centro ten garantida a súa matrícula e non ten que realizar ningún trámite.
MATRÍCULA ESO Curso 2024-2025
Todo o alumnado da ESO deberá formalizar a matrícula para o seu curso correspondente. Pregamos que se respecten os seguintes prazos de atención preferente:
- 3º e 4º ESO: o día 27 de xuño e o día 1 de xullo.
- 1º e 2º ESO: o día 27 de xuño e o día 28 de xuño.
Do 2 ao 5 de xullo, poderanse matricular aqueles alumnos/as que non puideron formalizar a matrícula nas datas indicadas anteriormente. Se non se matriculan nestas datas, entenderase que renuncian á súa praza no centro.
