Hoxe propoñémosvos unha actividade moi interesante. Seguro que todos xogastes algunha vez a ser superheroes e superheroínas e investastes cal serían os vosos superpoderes. Pois ben, a tarefa de hoxe consiste niso. Botade a voar a vosa imaxinación e inventade o superheroe no que vos converteriades.
Sabemos que estades moi cansos pero pedímosvos un último esforzo, xa que non queda nada para rematar. E fixéstelo estupendamente ata agora!!!
Recordade ó escribir aspectos básicos que tanto vos recordamos, comézase por maiúscula, os nomes propios escríbense con maiúscula tamén, antes da última palabra dunha enumeración ponse "e" en lugar de coma, cando citamos varios elementos pero quédanos algún escríbense puntos suspensivos...
Sabédelos todos, simplemente é prestar atención ó escribir!!!!
Para rematar deixámosvos dous magníficos xogos:
- Xogo 1: Pasapalabra, todos vistes algunha vez este entretido concurso, verdade? Pois agora converterédesvos nos concursantes deste programa. Animádevos a probalo, está xenial!
- Xogo 2: Memory, a través deste xogo repasaredes as táboas de multiplicar de maneira divertida. A ver se tedes memoria suficiente para completalo? Antes de comezar seleccionade todas as táboas ata o 10.
Hoxe temos videochamada. Ó igual que a semana pasada hai dous grupos,un ás 10 e outro ás 11. Cada un xa sabe cal lle corresponde.
O material que necesitades para a clase virtual é o seguinte:
- Libro e libreta de Ciencias Sociais.
- A vosa criatura fantástica. Acordádesvos do ser imaxinario que creastes a semana pasada? Pois ese, presentarédesllo os vosos compañeiros.
A continuación, deixámosvos os contidos que se traballarán na clase. Non fai falta que imprimades nada! Deixamos isto só por se algún neno non pode conectarse que saiba as tarefas que debe facer.
A continuación, amosámosvos os resultados da actividade de Plástica, "Creando en familia". Veredes que son moi diferentes, algúns empregastes a plantilla que vos presentamos mentres outros elixistes algúns trazos e fixestes grandes debuxos.
Independientemente do resultado, vemos que tanto vós como as vosas familias deixastes voar a imaxinación para crear debuxos estupendos.
Debaixo, presentámosvos o magnífico traballo de Vera e a súa familia. Se clicades sobre el podedes acceder a todos os demais.
Bo día! Que tal? Como pasastes a fin de semana?Esperamos que desfrutárades moito destes días libres.
Como ben sabedes o venres foi o Día Mundial do Medio Ambiente e hoxe celebramos o Día Mundial dos Oceános.
Celebracións moi importantes que nos fan reflexionar sobre as nosas actuacións e comportamentos. Pensemos por uns segundos:
Contribuimos no noso día a día a reducir a contaminación? Que facemos para conseguilo?
A continuación, deixámosvos un vídeo, que resume como o ser humano modificou o planeta. Algúns xa o vistes no taller de informática e reciclaxe pero para os que non tivestes a oportunidade dedicádelle uns minutos.
O segundo está moi relacionado ca celebración de hoxe, pois trata sobre a contaminación da auga e como actuar para reducila. Moi interesante, xa veredes.
Unha vez vistos os vídeos, proponémosvos a seguinte actividade de Ciencias. Sabedes que a semana pasada, pedímosvos que sacarades unha foto a unha paisaxe natural que vos gustase, pois ben, clicade sobre Ciencias para saber en que consiste a tarefa que debedes facer.
Ó rematar Ciencias centrámonos en Matemáticas, onde practicaremos as unidades de medida, multiplicacións, divisións, restas e repasaremos diferentes figuras.
Se algún necesita recordar como eran as liñas, círculo e circunferencia, que se fixe nas seguintes imaxes.
Hoxe presentámosvos varias actividades. Non vos agobiedes, son cortiñas!
En primeiro lugar comezamos con Matemáticas. Nesta actividade traballaremos as unidades de medida. Debedes responder que unidades de medida empregaríades para medir o tempo, o diñeiro, o peso...É moi sinxelo, pois estas unidades empregádelas a diario!
Unha vez rematada esta pequena tarefa, proponémosvos unha actividade de Plásticaen familia. A través deste exercicio descubriredes que membro da familia é máis creativo xa que consiste en crear un debuxo a partir dun trazo. Moi divertido, xa veredes!
E para o final deixamos o mellor! Álex preséntanos a súa tartaruga Dona, trátase dunha tartaruga de terra rusa, a través da cal aprenderemos multitude de curiosidades sobre este réptil.
Interesantísimo!!!
Agora, como todos os xoves, propoñémosvos un desafío. O voso compañeiro di no vídeo que Dona hiberna...Con respecto a isto, tócavos responder ás seguintes preguntas.
Tedes ata o luns pola mañá para entregar o desafío!!!
Matemáticas e Plástica enviádenolas hoxe, acabaredes en nada.
Recordarvos que ás 12 tedes videochamada ca profe de música, é a última, así que intentade estar todos.
Aquí tedes as vosas magníficas creacións. Seres incribles e super orixinais que tomaron vida nas vosas casas.
Sen mercar ningún material creastes criaturas marabillosas. Moitas felicidades!
Como podedes ver, nesta publicación, presentámosvos ó monstruito de Noa R., se clicades sobre el accederedes a todos os traballos. Animámosvos a velos, son xeniais!
Ademais, se vos apetece ler algunha descrición, simplemente, tedes que ampliar o collage.
Antes de comezar seleccionade todas as táboas ata o 10.
