Festa dos maios

O alumnado do centro está preparándose para a celebración dos maios o vindeiro día 29. Xa están moi bonitos os ovos de cores que adornarán o maio. Á volta da Semana Santa os nenos e nenas traerán fiuncho, xestas, e pampullos para faceren colares e participar arredor do maio escoitando a copla que este ano está a preparar o alumnado de sexto. Para rematar pasearemos o maio polo patio e logo volveremos á clase.