Eventos

Miguel Anxo Fernández falounos de Isaac Díaz Pardo, con el os nenos do cole descubriron con ollos novos os ollos tan especiais dos cadros de Isaac e souberon algo máis da súa vida e da súa pintura. Logo Saúl Otero, que xa nos presentara o proxecto "Cidarte: cidades e artistas" ensinounos 12 láminas de Luis Seoane e soubemos algo máis das cores, das formas e da maneira de expresar a beleza que tiña este polifacético artista. Grazas por este percorrido Miguel Anxo. Grazas Saúl.

O alumnado do centro puido coñecer máis de perto a vida e a obra de dous artistas fundamentais na nosa cultura: Laxeiro e Castelao, dentro do proxecto "Cidarte: cidades e artistas", grazas á colaboración desinteresada de Jacobo Domínguez (historiador) e Paula Tilve (traballadora do Museo de Pontevedra e historiadora da arte). Moitas grazas.

Despois de escoitar estes días a Domingo Tabuyo que nos amosou as maravillas que sairon das mans traballadoras e da mente creativa e universal do artista cambadés Francisco Leiro, hoxe poderemos disfrutar, da man de Emilio Ínsua, da artista Maruja Mallo, a quen tanto coñece. Mil grazas de novo.

Magosto!!!, co cheiro a lume, a castañas asadas, a risas e encontros cos compañeiros, a xogos, a outono. Será despois do Plan Lector. Acordádevos de traer as castañas xa picadas e uns paus de leña.