Taboleiro

DÍA DA CIENCIA NA RÚA

Grazas á ANPA, o sábado 8 de maio o alumnado de 1ºEP a 4ºEP participou no Día da Ciencia na rúa no parque de Sta. Margarita, deixamos aquí unha mostra desta importante cita.

APADRIÑAMENTO LECTOR

Como remate das actividades deste mes, tendo como referencia os LIBROS, os nenos e nenas maiores do noso centro levaron a cabo o apadriñamento do alumnado máis pequeno para ler contos entre todos.

VISITA DUNHA ESCRITORA A 5º EP

Continuamos en abril, xa casi no Día do Libro, e rematamos o mes recibindo a outra escritora no noso centro. Este luns 22 de abril achegouse á nosa Biblioteca EVA MEJUTO, autora do libro que leron os nenos e as nenas de 5ºEP. Contounos cousas moi interesantes.

VISITA DUNHA ESCRITORA AO ALUMNADO DE 6ºEP

Seguimos en abril, cada día máis preto do Día do Libro, e recibimos a outra escritora no noso centro. Este xoves 11 de abril achegouse á nosa Biblioteca LETICIA BARBADILLO, escritora do libro que leron os nenos e as nenas de 6ºEP. Contounos cousas moi interesantes.

VISITA DUNHA ESCRITORA AO ALUMNADO DE 4ºEP

Estamos no mes de abril, e como se acerca o Día do Libro, imos recibir a varias escritoras no noso centro. Este venres 5 de abril achegouse á nosa Biblioteca MARÍA CANOSA, escritora do libro que leron os nenos e as nenas de 4ºEP. Contounos cousas moi chulas.

8M DÍA INTERNACIONAL DA MULLER

Conmemorando o Día da Muller, o venres, 8 de marzo, contamos coa colaboración de dúas mulleres pertencentes á nosa comunidade educativa. Explicaron ao alumnado de Ed. Infantil en que consistía o seu traballo e responderon ás preguntas que lle formularon. Deixamos aquí unha mostra desta actividade que despertou moito interese no alumnado.

O martes 12 de marzo, contamos coa colaboración doutra muller da nosa comunidade educativa con dúas das súas compañeiras. Explicaron ao alumnado de Ed. Primaria en que consistía o seu traballo, fixeron xogos e responderon preguntas que tamén lles formularon. Queda aquí unha mostra da actividade.

CONEXIÓN COA BASE ESPAÑOLA NA ANTÁRTIDA

O luns, 26 de febreiro, tivemos o privilexio de conectarnos en directo coa Base Antártica Española Gabriel de Castilla. Desde a Illa Decepción, os científicos e militares fixeron unha presentación das actividades que levan a cabo alí e, a continuación, o alumnado de Educación Primaria, puido facerlles preguntas. Ademais, todas as aulas de Primaria apadriñaron un pingüín. Deixamos aquí unha mostra da videoconferencia.

OBRADOIRO PRIMEIRO AUXILIOS

Nesta xornada o alumnado de 3º, 4º, 5º e 6º de Ed. Primaria recibiron un taller de Primeiros Auxilios impartido pola Asociación ASGATE, coa colaboración do Concello.