O martes 21 de decembro nas aulas celebramos a festa de FIN DE ANO por adiantado. Queda aquí un pequeno recordo da actividade. Esperamos que vos guste moito e .... FELIZ ANO 2022.
Seguimos sen poder celebrar estas Festas da maneira que nos gustaría, pero non por iso deixamos de manter a ilusión no noso alumnado.
O luns, 20 de decembro, recibimos no cole a visita das Súas Maxestades, os Reis Magos de Oriente. Saímos a saudalos e entregámoslles as cartas.
O martes, 21 de decembro, adiantámonos á entrada do novo Ano celebrando as campanadas no colexio.
E tamén tivemos un recordo para todos os nenos e nenas da Palma adicándolles, desde Culleredo, este villancico canario.
O profesorado do C.E.I.P. Vila de Rutis deséxalle a toda a comunidade educativa unhas Boas Festas, coa esperanza de que o 2022 veña cargado de boas novas.
O venres, 3 de decembro, o alumnado de sexto de Ed. Primaria do noso centro participou na vixésimo primeira edición do Pleno Municipal Infantil de Culleredo, no que se conmemora o aniversario da Constitución de 1.978.
A proposta que máis votos favorables recibiu foi a do noso centro, en relación ás axudas para desempregados.
Conmemorando o Día da Discapacidade, recibimos no centro a persoas integrantes da Asociación “Só lles falta falar” acompañadas dos protagonistas, os cans de terapia. Todo o alumnado se interesou polo seu coidado e coñeceu a súa contribución a aumentar o benestar das persoas. Deixamos unha mostra esta actividade.
RESPECTO, COOPERACIÓN, TRABALLO EN EQUIPO ... son valores que se traballan diariamente no noso centro, pero ademais, deixamos aquí o resultado final dun traballo específico sobre a igualdade de xénero.
Agradecemos a Cristina Sáez a súa colaboración e compartimos con todos vós o seu poema.