Skip to Content

Club de Ciencias

 

                                                        CURSO  2019 - 2020

 


 

EXPERIMENTAMOS NA CASA

 

Xa comezamos a recibir imaxes dos vosos experimentos caseiros, o que demostra que vos gusta a ciencia e que disfrutades e aprendedes experimentando.

Aquí vos deixamos unha mostra das imaxes que nos mandastes.

Grazas pequenos científicos!

 

 

FLUÍDO NON NEWTONIANO

 

 

A PEMENTA QUE FUXE 

 

 

MONSTRO DE CINZA

 

 

ARCO DA VELLA LÍQUIDO

 

 

COCHE AUTOPROPULSADO POR AIRE

 

 

ARCO IRIS DE CORES PARA DÍAS DIFÍCILES (CAPILARIDADE)

 

 

OVO SALTARÍN

 

 

LÁMPARA DE LAVA

 

 

CRISTALIZACIÓN

 

 

COHETES

 

 

 LEITE MÁXICA: EXPLOSIÓN DE CORES 

 

 

LOMBARDA MÁXICA: ÁCIDOS-BASES

 

 

AERODESLIZADOR

 

 

 

VASOS COMUNICANTES

 

 


 

 EXPERIMENTOS  NA  CASA

 

Estar na casa non quere dicir que non podamos facer experimentos.

Aquí tendes algúns experimentos sinxelos para realizalos en familia.

 

APRENDE  E  DIVIRTETE

 

 

 


 

CIENCIA  EN  RUTA

 

O luns 9 de marzo visitou o noso Centro un monitor de Ciencia en Ruta con quen realizamos 2 talleres; Submarinos e Foguetes.

        1º- Taller de Submarinos: con esta actividade investigouse e coñeceuse os fondos submarinos, profundizouse no Principio de Arquímedes, na densidade, na composición química da auga e o alumnado construiu os seus propios submarinos e comprobaron o seu funcionamento. Con este obradoiro tamén todo o alumnado coñeceu o nome de científicos galegos.

                                Se queredes ver todo o proceso fai click na imaxe.

 

Ciencia en Ruta (S) 19/20

        2º- Taller de Foguetes: Con este obradoiro o alumnado profundizou na Lei de Gravitación Universal de Isaac Newton, introduciuse no mundo da exploración espacial por último construiron e lanzaron os foguete feitos comprobando a súa base de voo.

                                Para ver todo o que fixemos fai click na imaxe.  

                                    

Ciencia en Ruta (Sub)19/20

 Aquí tes algúns dos voos dos nosos foguertes

 


 

REMUÍÑO

 

   MATERIAS:

-   2 Botellas de plástico grandes ríxidas.

-   Cinta adhesiva ancha e tesoiras.

-   Ferramenta para furar o tapón da botella ( pódese sustituír o tapón por arandelas ).

-   Auga.

-   Colorante  (opcional).

material remuiño 19-20

   PROCEDEMENTO:

.   Facer un buraco entre 0,5 e 1 cm. no centro dun dos tapóns.

.   Encher de auga con colorante as tres cuartas partes dunha das botella.  Enrroscar ben o tapón.

.   Colocar a botella baleira boca abaixo sobre a que conten auga.

.   Une as botellas polas bocas con cinta adhesiva.

.   Inviste a montaxe de forma que a auga quede na parte superior. Agarra a botella baleira cunha man e coa outra a botella con auga que está arriba. Mover en círculos a botella superior.  

procedem. remuíño 19-20

   RESULTADO:

A auga irá caendo cara á botella de abaixo, nun principio formaranse unhas burbullas  pero a continuación co movemento de rotación da botella de arriba o aire entrará a través da auga e verase  un tornado.

result. remuíño 19/20

   CONCLUSIÓN:                                                                                    

En canto se pon a botella con auga boca abaixo fórmanse burbullas porque empeza a caer a auga e entra algo de aire da botella de abaixo xa que hai máis espazo. O aire expandese ocupando maior volumen e producindose un descenso proporcional da presión. ( Recordamos a Lei de Boyle ).

Ao rotar fortemente a botella, a auga desprázase cara aos bordos. Ao cabo de varias voltas aparece un vórtice ou remuíño de auga virando en espiral. No centro do remuíño non hai auga, senón unha canle polo que aire pode pasar libremente desde a botella de abaixo permitindo que as presións inferior e superior se igualen. Agora a auga e o aire poden pasar á vez polo buraco do tapón, e como consecuencia, a botella baléirase moi rapidamente.                                                        

 


 

LEI  DE  BOYLE-MARIOTTE

 

2º  EXPERIMENTO: INFLAR  UN  GLOBO  DENTRO DUNHA  BOTELLA

 

 Podemos inflar un globo dentro dunha botella?

    HIPÓTESE:

-   Non, porque o espazo está ocupado polo aire.

-   Sí,  se podemos vaciar a botella do aire que contén.

   MATERIAS:

-   2 globos.                     

-   2 botellas de plástico. 

-   Ferramenta para facer un pequeno buraco nunha das botellas.

-   Auga.

    PROCEDEMENTO:

.   Facer un buraco na base ou no lado dunha das botellas.

.   Introducir un globo en cada botella coa súa abertura enganchada na boca da botella. ·          

.   Inflar os globos. 

.   Cando se termine de inflar tapar o buraco cun dedo.

Material globo dentro dunha botella

   RESULTADO:

Só conseguirase inflar o globo da botella co buraco.

Ao tapar o buraco da  botella co dedo o globo manterase inchado.

Os globos que están nas botellas que non teñen buraco non se poderan inflar. .

   CONCLUSIÓN: 

Na botella sen buraco o globo non se pode inflar porque a botella xa está chea de aire e non é posible engadir máis, os nosos pulmóns non poden loitar contra a presión do aire do interior. Con todo, se a botella ten un buraco, o aire que estaba dentro pode escapar ao exterior deixando sitio libre para que se infle o globo. Se pomos a man preto do buraco da botella sentiremos o fluxo do aire que se vai.

Cando tapas o buraco, a presión do aire que está dentro da botella é igual á presión do aire no exterior (a presión atmosférica). Pero esta situación non dura moito porque nese momento tamén ocorre outra cousa: o globo, ao ser elástico, tende a recuperar a súa forma e encóllese lixeiramente. O aire atrapado na botella ten máis sitio que ocupar. Recordando A Lei de Boyle- Mariotte sabemos que, á mesma temperatura, se o volume ocupado por un gas aumenta, a súa presión diminúe. Entón, agora a presión no interior da botella é menor que a presión atmosférica, polo que o aire de dentro non empuxa ao globo tan fortemente como o aire de fóra e desta forma o globo mantense inflado. Se agora destapas o buraco, o aire entrará na botella aumentando a presión e empuxará ao globo que se colapsará e deixará saír o aire que teña dentro.

 

1º  EXPERIMENTO: INFLAR  UN  GLOBO  CUNHA  BOTELLA

 

Podemos inflar un globo ao meter unha botella cortada nun recipiente con auga?

   HIPÓTESE:

Sí, porque o aire que hai na botella pasará ao globo.

   MATERIAS:

-  Un globo.

-   Unha botella de plástico.

-   Un recipiente con auga.

-   Colorante (opcional).

   PROCEDEMENTO:

.   Encher o recipiente con auga.

.  Cortar a botella de plástico pola parte superior.

.   Poñer o globo na boca da botella.

.   Meter, pouco a pouco, a botella no recipiente con auga.

.   E observar.

inflar globo con botella

   RESULTADO:

Ao meter a botella no recipiente con auga o globo se enche de aire.

resultado inflar globo con botella

   CONCLUSIÓN:

Ao meter a botella co globo no recipiente entra auga polo extremo inferior e o aire queda atrapado no interior da botella. A medida que metemos a botella na auga diminúe o volume dispoñible para o aire, aumenta a presión interna e o globo énchese de aire. Se logo sacamos a botella da auga, aumenta o volume dispoñible para o aire, diminúe a presión interna e o globo desínflase.

A explicaición sería A Lei de Boyle que é unha das leis dos gases que estuda a relación entre a presión e o volume para un gas encerrado nun recipiente a temperatura constante. Segundo A Lei de Boyle  a presión do gas é inversamente proporcional ao volume. Se o volume aumenta, a presión diminúe, se o volume diminúe, a presión aumenta.

 


 

PRESIÓN  ATMOSFÉRICA

 

3º   EXPERIMENTO:  O  PAPEL  SECO

 

Introducimos un papel ben axustado no fondo dun vaso e o sumerximos boca abaixo en auga.  O papel mollaríase?

   HIPÓTESE:

O papel caerá e mollarase.

A auga entra no vaso e o molla.

O papel non se mollará porque no vaso queda aire e impide que entre auga.

Comprobemos o que pasa !!!

   MATERIAS:

-   Un vaso transparente.

-   Un recipiente  tamén transparente.

-   Auga.

-   Colorante (opcional).

   PROCEDEMENTO:

  Verter a auga nun recipiente.  

.   Engurra o papel e forma unha pelota.

.   Pon a bóla de papel no fondo do vaso, esta debe quedar encaixada de forma que non caia cando se voltee o vaso.

.   Agarra o vaso boca abaixo.

.   Introduce o vaso sen inclinalo, verticalmente dentro do recipiente con auga, ata que a boca do vaso toque o fondo. Saca o vaso do recipiente, con coidado para non inclinalo.    

exp. papel seco

.   Saca a  pelota de papel do vaso e obsérvaa.

Exp. Papel seco

   RESULTADO:

O papel segue tan seco como ao principio.

Para comprobar que o vaso está cheo de aire só temos que introducir pouco a pouco inclinado o vaso valeiro e veremos unha burbulla espando o que comprobaría que o vso estacheo de aire.

   CONCLUSIÓN:

O aire ocupa un lugar ao noso ao redor.

O vaso estaba cheo de aire por esta razón cando se introduciu o vaso no recipiente con auga, o aire que había dentro do vaso impidia a entrada da auga e a pelota permaneció seca.

 

2º   EXPERIMENTO:  DESAFIANDO  A  GRAVIDADE.

 

Que pasará se xiramos un vaso cheo de auga e que está tapado por unha cartolina?

  HIPÓTESE:

Mollaremos a cartulina e caerá a auga.

A auga non cae.

   MATERIAS:

-   Un vaso de vidro cheo de auga.

-   Un anaco de papel ou cartolina de maior tamaño que a boca do vaso.

   PROCEDEMENTO:

Tapamos o vaso cheo de auga co anaco de papel ou cartolina procurando que se molle un pouco o papel que está en contacto co vaso.

.   Pór unha man sobre o papel ou cartolina e dámoslle a volta ao vaso.

.  Retiramos  a man que sostén o papel pero seguimos sostendo o vaso.

   RESULTADO:

A auga non cae aínda que o vaso estea boca abaixo.

    CONCLUSIÓN:

A capa de aire que nos rodea exerce unha presión sobre nós, esta capa é a presión atmosférica. Dita presión exércese en todas as direccións tamén cara arriba, vencendo ao peso da auga, é por isto que o aire atrapado no vaso non pode caer.

 

1º   EXPERIMENTO:  A  AUGA  QUE SOBE  SOA

 

 Que ocorrerá se pomos nun prato con auga unha vela encendida e a cubrimos cun vaso?

   HIPÓTESE:

A vela apagarase por falta de oxíxeno.

   MATERIAS:

-   Recipiente de cristal ou un prato.

-   1 vela.

-   1 vaso.

-   Colorante alimenticio.

-   Auga.

-   Misto ou chisqueiro.

   PROCEDEMENTO:

.   Coloca unha vela no centro do recipiente ou prato e bota auga mesturada co colorante ata que cubra uns dous dedos sobre a base.

.   Prende lume á vela usando mistos ou chisqueiro.

.   Coloca o vaso encima da vela de forma que quede no seu interior.

   RESULTADO:

Pouco a pouco a chama vaise apagando, debido ao limitado osíxeno que hai dentro do vaso.

Finalmente, a chama apagarase e o vaso "absorberá" parte da auga do prato, é dicir, a auga subira polo vaso.

   CONCLUSIÓN:

O aire que se atopa dentro do vaso está quente, porque a chama fai que o gas do seu ao redor alcance unha alta temperatura, expandíndose. A chama da vela consumirá todo o osíxeno e cando se apague, pola súa falta, a temperatura baixará drasticamente, facendo que o gas que había no interior do vaso comprímase producíndose un vacio, á vez que se reduce a súa presión. É por isto que a auga "sobe", pois a presión atmosférica externa empúxaa ata conseguir que esta se iguale coa interna, ademais de ocupar o espazo que o gas deixou baleiro ao comprimirse.



 

AS ALTAS E BAIXAS PRESIÓNS

A PELOTA FLOTANTE

É o mesmo vento que aire? Como se moverá nas zonas de altas e baixas presións ?

  HIPÓTESE:

Non son o mesmo.  Nas baixas o aire case non se moverá ao contrario que nas altas presións.

  MATERIAS:

-   Palliñas de refresco flexibles.

-   Cartolina ou papel un pouco forte.

-   Cinta adhesiva.

-   Compás e tesoiras.

-   1 bóla de porexpán.    

-   Pegamento.

   PROCEDEMENTO:

.   Con calquera obxecto redondo ou cun compás debuxamos un círculo duns 12 cm., aproximadamente, na cartolina.

.   Facemos un corte coas tesoiras nun dos radios para facer a forma de cono. Pegamos a cartolina ou papel.        

.   Realizamos un pequeno buraco no vértice para meter a palliña polo lado máis próximo ao cóbado da palla, pegala á cartolina con cinta adhesiva para que quede pechado herméticamente.

.   Dobrar a palla e soprar para comprobar que non sae aire que está hermética.

   RESULTADO:

Pór a bóla dentro do cono e soprar pola palla. A bóla manterase como si estivera flotando.

                                     

   CONCLUSIÓN:

A velocidade do aire é maior na parte do centro da corrente e menor nos bordos. Fóra da corrente o aire está practicamente en repouso.

As direccións nas que o aire se está movendo velozmente son de baixa presión, mentres que as rexións onde o aire está en repouso son de mais alta presión.  Ese balance de presión fai que a bóla flote.

Principio de Bernoulli.

 


 

  XORNADA  DE  AVALIACIÓN

Para rematar o primeiro trimestre realizamos unha xornada de avaliación.
Canto aprenderiamos?
Imos pescudalo co noso pequeno robot.

     xorana aval. exp

 


 

 REFRACCIÓN DA LUZ NA AUGA

4º   EXPERIMENTO

Como se ven as letras a través das pingas de auga?

   HIPÓTESE:

Vense igual non hai ningún cambio.

   MATERIAS:

-   Un chisco de auga.

-    Aironfix, lámina ou bolsa de plástico todas elas teñen que ser transparente.

-    Folla de revista, xornal, libro…

-    Gotero.

   PROCEDEMENTO:

.   Cubrir a  páxina dunha revista, xornal ou libro co aironfix, a lámina plástica ou cunha  bolsa transparente ben estirada.

.   Pór co gotero  unhas pingas de auga sobre a superficie.

.   Observar as letras as letras a través das pingas.

   RESULTADO:

As letras pequeniñas vistas a través da pinga veranse aumentadas.

  CONCLUSIÓN:

A pinga de auga ten unha superficie redondeada que refracta os raios de luz, como tamén o fan os lentes de aumento.

      pingas agua 1    

 

3º   EXPERIMENTO

Que sucede se pomos unha moeda dentro dun vaso con auga?      E se a pomos debaixo do vaso con auga?

   HIPÓTESE:

Nos dous casos verase a moeda.

  MATERIAS:

-  1 recipiente de cristal.

-   Moeda.

-   Auga.

   PROCEDEMENTO:

.   Coller o recipiente de cristal e introducir unha moeda dentro.

.   Enche o vaso pouco a pouco con auga e observar.

Agora repetir o mesmo proceso pero poñendo o vaso encima da moeda.

    RESULTADO:

No primeiro procedemento a moeda segue véndose reflectida no fondo do vaso, pero no segundo procedemento cando a moeda está debaixo nel e imos enchendo o recipiente ca auga a moeda farase invisible.

   CONCLUSIÓN:  

1º- A moeda non se ve pola refracción. Entre o noso ollo e a moeda a luz non vai directa púxoselle un obstáculo no medio ( vidro e auga ), por tanto a luz sofre un cambio de dirección, se desvia, así que se vemos o vaso desde un lado, a refracción faranos crer que a moeda desapareceu, xa que, só se verá a luz que vai recta, o resto desviouse. É unha ilusión óptica.

2º- Se se mira desde arriba veremos a moeda porque a luz atravesa os medios ( auga e vidro ) prependicularmente, é dicir, a luz vai recta cruzando os medios.

                                                      1º                                                                                2º

                    

 

2º   EXPERIMENTO

Qué pasa se colocamos un debuxo detrás dun vaso cheo de auga?

  HIPÓTESE:

Verase o debuxo a través do vaso.

   MATERIAS:

-   1 vaso de vidro.

-   Un papel no que faremos un debuxo.

-   Auga.

   PROCEDEMENTO:

.   Colocamos o vaso de vidro baleiro diante da folla que ten a imaxe.

.   Observamos o debuxo  na dirección que previamente fixemos.

.   Non se apreciará ningún tipo de alteración.

.   Enchemos o recipiente con auga.

.   Unha vez que o vaso de cristal está cheo de auga volvemos observar.

   RESULTADO:

Agora a imaxe aparecerá seguindo unha dirección contraria á que realmente está debuxada.

   CONCLUSIÓN: 

O fenómeno óptico que explica o xiro do debuxo prodúcese en función de si o vaso ten aire ou auga. Cando a luz pasa dun medio transparente a outro de distinta densidade ( de aire ao cristal, logo de auga a cristal e finalmente, de cristal a aire), refracta, e todos os raios concéntranse no coñecido como punto focal. O punto focal é aquel lugar onde se concentran todos os fas de luz ao cambiar de dirección. Antes do punto focal, a imaxe vese de xeito normal, pero ao superalo, obsérvase investida. Neste experimento o punto focal será a auga.

Na refracción a luz viaxa dun medio a outro o que provoca un cambio de dirección da luz. - Lei Snell -.

Refraccion 2

 

    1º   EXPERIMENTO

Que é a refracción?

  HIPÓTESE:

O reflexo dos obxectos na auga.

   MATERIAS:

-   1 Recipiente de vidro.

-  Rotulador, regra, lapis...

-   1/4 de litro de aduga.

   PROCEDEMENTO:

.   Introducir o rotulador, regra ou lapis no vaso baleiro.

.   Observarlos.

.   Baleirar a auga no vaso, cos obxectos, ata a metade.

.   Volver a observar.

   RESULTADO:

O rotulador, a regra, o lapis..., móstranse en aparencia estar cortados ou crebados en dous.  

   CONCLUSIÓN:

A refracción da luz é a desviación que ten esta ao pasar dun medio menos denso a outro de maior densidade.

Polo anterior, o lapis, o rotulador, regra..., móstranse en aparencia estar cortados.

Lei de Snell.

 refraccion 1

 


 

VOLUME E PESO DOS LÍQUIDOS

Mantén o mesmo volume e peso a auga líquida que a sólioda?

E noutros líquidos?

    HIPÓTESE:

Sí, a auga líquida e sólida teñen o mesmo peso e volume.

Hai diversidade de respostas para a segunda pregunta.

   MATERIAS:

-   Botella con auga.

-   Diferentes líquidos ( mel, alcohol, aceite...)

-   Rotulador.

-   Diferentes pesas.

   PROCEDEMENTO:

.   Introducir en cada botella valeira un líquido diferente.

.  Marcar nas botellas, co rotulador, o volume de cada líquido incluída a que contén auga.

.  Pesar cada botella co seu líquido e apuntalo no caderno de notas.

.   Meter as botellas en vertical no conxelador ata o día seguinte.

                     

    .  Ao día seguinte, sacar as botellas, observar se conxelaron todos os líquidos, pesarlas coas diferentes

balanzas e comparar os datos.                              RESULTADO:

A auga aumentou de volumen ao conxelarse. A auga conxelada pesou algo menos ca líquida.

O alcohol non se conxeló e o seu peso non variou.

O aceite conxelado ten un cor blanquecino e mantivo prácticamente  mesmo volume e peso. Desconxelouse máis rápido.

O mel pasou a estado cristalizado ou sólido conservando o mesmo peso.

    CONCLUSIÓN:

A auga "se expande ao conxelarse" aumentando de volume. Un litro de auga líquida ten unha densidade aproximada de 1g/cm, e un litro de xeo ten unha densidade aproximada 0,9 g/cm3, polo tanto, disminue a súa densidade ao revés ca maoría dos líquidos. Un litro de auga líquida pesa aproximadamente 1 quilogramo e un litro de auga conxelada pesa aproximadamente 900 gr. A auga pura conxélase a 0ºC.

O alcohol puro conxélase a menos - 110ºC, temperatura que non alcanzan os conxeladores domésticos.

No aceite de oliva non se pode falar dunha temperatura concreta e invariable de conxelación porque está formado por partículas diversas chamadas triglicéridos que oscilan a súa temperatura de conxelación. aínda que o aceite acaba solidificando a unha temperatura de 4ºC. Mantén o mesmo peso en ambos estados.

O mel a temperatura inferiores a 14ºC se cristaliza por ser unha solución supersaturada. O mel do Xurés que soe ter máis frutuosa que glucosa cristalizou moi lentamente.

 


 

CAMBIOS FÍSICOS DA AUGA

ESTADOS DEL AGUA

Que provoca que a auga cambie dun estado a outro?   A que temperatura se producen os cambios físicos da auga?

   HIPÓTESE:

A auga no conxelador enfríase e á sacarla quéntase. A auga conxélase a menos de 20ºC e fervería a máis de 50ºC.

               1º  SOLIDIFICACIÓN / FUSIÓN

   MATERIAIS:

-   Cubetera de xeo.

-   Colorante azul.

-   Auga.

-   Un termómetro.

   PROCEDEMENTO:

·   Engadir colorante azul á auga.

.   Encher a cubetera ca auga.

.   Poñer no conxelador.

.   Observar o que pasou e medir a temperatura do xeo.

.   A continuación aplícase calor.

    RESULTADO:

A auga convértese en xeo, é dicir, pasa de estado líguido a sólido.

Se ao xeo aplicamos calor, este se derretirá, é dicir, cambiará de novo de  estado de sólido a líquido.

          FUSION

 

 

2º  EVAPORACIÓN

   MATERIAIS:

-   Unha pota.

-   Auga con colarante azul.

Un peso.

-  Papel filme.

-  Un cordón.

   PROCEDEMENTO

.   Poñer a auga na pota.

.  Taparla ben co filme.

.  Atar co cordón ao redor para fixrlo ben.

.  Pór o peso no medio.

.  Aplicar calor.

   RESULTADO.

Prodúcese un cambio de estado de líquido a gaseoso, pasado un intre observaremos tamén  que na cara interior do filme apareceran unhas pingas de auga.

·                    

 

 

 3º  CONDENSACIÓN

   MATERIAIS:

-   Unha pota.

-   Auga.

-  Cartulina.

-   Un termómetro.

   PROCEDEMENTO:

·   Poñer a auga na pota tapada.

.   Cando ferva destapar e colocar a cartulina por riba.

.   Separala.

   RESULTADO:

A calor fai ca auga que contén a pota se evapore, toda esta humidade arrefríase en contacto ca cartulina e se condensa formando gotitas de auga. Hai un cambio de estado de gaseoso a líquido.

Condensacion

   CONCLUSIÓN:

A auga na natureza preséntase en tres estados: sólido ( a temperaturas inferiores a 0 ºC ), líquido ( temperaturas superiores a 0 ºC  e inferiores a 100 ºC ) e gaseoso ( superior a 100 ºC).              

     Os cambios que se producen nela son:

       1º. Solificación: A auga en estado líquido cambia a un estado sólido, debido á falta de calor ou aplicación de frío, a temperaturas próximas aos 0ºC, observamos este proceso físico.

      2º.  Fusión:  Resulta na transición de fase da auga de sólido a líquido. Isto ocorre cando aumenta a enerxía interna dos sólidos, típicamente pola aplicación de calor, o cal aumenta a temperatura da sustancia. Para que esto ocorra aplicase temperaturas superiores a 0º C.

      3º. Evaporación: Pola acción da calor as partículas ( moléculas ) do auga líquida transfórmanse en gaseosas espontáneamenten, é decir, en vapor a unha temperatura de 100 ºC.

      4º. Condensación: As móleculas de auga en estado gaseoso (vapor de auga) cando enfría ou toma contacto cunha superficie fría se condensan formando pequeñas gotitas de auga,  é dicir cambia ao estado líquido


 


 

A  DENSIDADE  DA  AUGA

1-   O OVO EN SAL, AZUCRE E AUGA DOCE.

Flotaría un ovo se o metesemos nun recipiente de auga con sal e se fose auga con azucre?

    HIPÓTESE:

Os ovos introducidos en auga e auga con azúcre afunden e o terceiro flota.

   MATERIAIS:

-   Tres recipientes grandes

-   3 ovos.

-   Auga.

-   Sal.

-   Azucre

   PROCEDEMENTO:

·   Escribir nun vaso a palabra azucre, noutro a palabra sal e no terceiro vaso escribir  auga.

·   Encher con auga ata a metade os tres vasos.

·   No vaso coa palabra escrita “sal” engadir 2 ou 3 culleradas de sal, disolver ben, no vaso que pon azucre facer o mesmo pero con este elemento.

·   Colocar un ovo en cada vaso e observar.

Densida ovo

   RESULTADO:

No vaso que ten escrita a palabra auga pura o ovo deposítase no fondo.

O ovo que se puxo no vaso con auga e sal flota, mentres que no terceiro recipiente o ovo quedaría entre dúas augas.  

  CONCLUSIÓN:   

Sobre o ovo actúan dúas forzas: o seu peso (a forza co que o ovo é atraído cara ao centro da Terra, chamada forza de gravidade) e o empuxe (a forza que exerce cara arriba a auga). Se o peso do ovo é maior que o empuxe da auga, o ovo afundirase e no caso contrario flotará. Se o peso do ovo e o empuxe da auga son iguais, o ovo quedará entre dúas augas.

O empuxe que sofre un corpo nun líquido depende de tres factores:  A densidade do líquido,  volume do corpo que se atopa mergullado e a gravidade

Con este experimento móstrase que é mais fácil flotar no  mar que nos ríos.   

 

2-  FLOTA OU NON FLOTA?

Flota ou afunde?

 

Que obxectos afunden?

  HIPÓTESE:

Os obxectos grandes afunden e os pequenos flotan.

   MATERIAIS:

Recipiente transparente con auga.

-  Escoller algúns dos obxectos e líquidos que nos rodean como: corcho, madeira, rotuladores, plastilina con forma de barco e de bola, mandarinas, aceite, bolas de diferentes materiais, afilas…

    PROCEDEMENTO:

·   Pregúntase obxecto por obxecto: Flota ou afunde?, e as respostas anotaranse nunha ficha, para logo comprobar.

·   Coller un por un os materiais, introducirlos no recipiente e observar.

.   Anotar se afunde ou flota e comprobar co que se dixera anteriormente.  (Ficha)

         RESULTADO:

A   mandarina con pel flota, sen ela afunde e se só ten pel a metade dela manterase no medio. O corcho, o paliño de madeira, a bola de plástico, o aceite, os rotus, a plastilina con forma de barco e a pelota de porexpán flotan. A afila e a bola de plastilina afunden.

         CONCLUSIÓN:

     O factor que determina se un corpo flota ou se afunde é a súa densidade con respecto á do líquido en que se mergulla, no noso caso auga pura. Se un obxecto sólido é menos denso ca auga, el 'flotará' no fluído. Pero se é máis denso que o fluído se 'afundirá'. Tamén os líquidos menos densos como o aceite flotarán.

( Principio de Arquímedes )

 


                         

O CICLO DA AUGA

ciclo da auga

 Que pasa se metemos auga nunha bolsa?

    HIPÓTESE:

 Non pasará nada a auga só moverase.

    MATERIAIS:

- Auga.

- Bolsa con peche hermético.

- Celo.

- Colorante.

- Rotuladores.

    PROCEDEMENTO:

.   Debuxar na bolsa o sol, as nubes e o mar.

.   Engadimos  colorante á auga.

·   Pomos o líquido na bolsa.

·   Pechamos a bolsa e enganchámola con cinta a unha xanela onde haxa Sol.

   RESULTADO:

Cando aumenta a temperatura no interior da bolsa, parte da auga empeza a evaporarse. Como non pode escapar da bolsa acumúlase na parte superior. Ao cabo dunhas horas, estas acumulacións  forman  pingas que empezan a caer.  

   CONCLUSIÓN:

Escoitamos atentamente o video.

 

 


 

O CICLO DA AUGA NUHNA BOTELLA

 

Que pasaría se introducimos unha planta nunha botella?  

   HIPÓTESE:

 A planta vai secar porque non se rega.

  MATERIAIS:

- 1 Botella de plástico.

- Unhas cantas pedriñas, unha pouca de area e terra.

- Unha planta que colla dentro da botella.

- Tesoiras e celo.

- Un pouquiño de auga.  

   PROCEDEMENTO:

·   Corta a botella de plástico pola parte superior.

·   Na parte inferior poremos unhas cantas pedriñas, un pouquiño de area, enchemos de terra e plantamos a planta.

·   Pulverizar con auga.

·   Cubrir ca parte superior da botella fixándoa co celo e deixando o tapón.

·   Colaca a botella ao sol unhas horas.

   RESULTADO:

A medida que se quenta o aire dentro da botella esta embázase e cando se enfríe o aire fórmase pequenas pingas que caeran polas paredes.

   CONCLUSIÓN:

O ciclo da auga comeza coa evaporación da auga da superficie da terra. A medida que sobe, o aire arrefríase e o vapor transfórmase en auga, pouco despois caerá polo seu propio peso.


 

Semana do Samaín                             

PANTASMA ATRAPADO

                  

Aproveitando que vamos celebrar o Samaín no Centro pregúntasenos:

Que sucederá se metemos nunha botella con auga un pantasma feito cunha luva e que leve unha argola dentro?

   HIPÓTESE:       

Uns dixeron que flotarían e outros que o pantasma ca argola afondaría.

          PROCEDEMENTO:

·  Recortar un dedo da luva.

·   Debuxar un pantasma.

·   Poñer unha argola dentro do dedo.

·   Meter o dedo da luva dentro da botella e pechala.

·   Apretar un pouco a botella.

   RESULTADO:     

Cando apertamos a botella o dedo se afunde ata chegar ao fondo. Se deixamos de apertar a botella o dedo sobe       ata  arriba.

   CONCLUSIÓN:

Antes de presionar a botella, o dedo ca argola flota porque o seu peso queda contrarrestado pola forza de empuxe exercida pola auga.  Ao apertar a botella entra auga no interior do dedo, polo que se produce un aumento do peso e o dedo afúndese. Ao deixar de apertar a auga sae do dedo que perde peso e volve a flotar. 

 

 


 

 

COMEZA  A  NOSA  ANDAINA  POLO  MUNDO  DA  CIENCIA

 

fOTO DE CLUB DE CIENCIAS

 

 

 

 

AnexoTamaño
FLOTAR OU AFUNDIR 1.pdf246.18 KB


page | by Dr. Radut