Skip to Content

Xogade

TENIS NO CLUB DE TENIS PONTEVEDRA. 3º E 4º E. PRIMARIA.

O martes 16 de abril tiveron unha xornada de iniciación ao tenis nas instalacións do Club de Tenis Pontevedra o alumnado de 3º e 4º de educación primaria.
Compartiron esta clase cos colexios de Cabanas, Parada Campañó, Froebel e Isidora Riestra.
Practicaron os golpes básicos de dereita e de revés, fixeron xogos e o pasaron moi ben.

Álbum: Curso 23-24 -> Tenis no Club de tenis Pontevedra 3º e 4º

ATLETISMO EN PISTA 3º E 4º E.P.

O 4 de abril o alumnado de 3º e 4º de primaria achegouse ao Centro Galego de Tecnificación Deportiva (CGTD) para participar dunha xornada de Atletismo en Pista xunto con outros centros da contorna.
Participaron en 60 metros lisos, lanzamento de peso e wortex, salto de lonxitude, 500 metros lisos e remudas acadando o primeiro posto no conxunto de todas as probas.

Álbum: Curso 23-24 -> Atletismo en pista 3º e 4º E.P.

PIRAGÜISMO EN DRAGÓNS 5ºEP

O mércores 10 de abril o alumnado de 5º de primaria, xunto cos do mesmo curso do ceip San Bieito de Lérez visitou o Escola de Piragüismo Cidade de Pontevedra. Alí coñeron o club e navegaron nun Dragón, embarcación de orixen chinesa.
Está actividade serviu de preparación para unha vindoira xornada de convivência con outros centros na praia fluvial do Lérez.

Álbum: Curso 23-24 -> Piragüismo en Dragóns 5ºEP

CARREIRA DE ORIENTACIÓN NA ILLA DAS ESCULTURAS 6ºEP. PROGRAMA XOGADE

O martes 19 de marzo o alumnado de 6º de primaria participou nunha carreira de orientación xunto con outros centros da contorna dentro do Deporte Escolar do programa Xogade.
Fixeron o recorrido en parellas  na Illa das Esculturas, ao carón do rio Lérez, na Xunqueira en Pontevedra.
Gustoulles moito a experiencia.

Álbum: Curso 23-24 -> Carreira de Orientación

XORNADA INTERCENTROS 3º E 4º DE PRIMARIA NO PAVILLÓN MUNICIPAL.

O martes 19 de marzo o alumnado de 3º e 4º de primaria participou nunha Xornada deportiva Intercentros no Pavillón Municipal de Pontevedra.
Practicaron rugby cinta, judo, esgrima e xadrez.
Contamos coa colaboración do Judo Club Pontevedra, o Pontevedra Rugby Club, co Club Escola Hungaresa de Esgrima, a Escola Xadrez Pontevedra, o alumnado da Escola Universitaria de Enfermería de Pontevedra e o alumnado de Técnico Superior de Ensinanza e Animación Sociodeportiva (TSEAS) de Pontevedra.
Tamén colaborou o Servizo de Deportes, o Concello de Pontevedra e Supermercados FROIZ.
Moitas grazas a todos.
Foi estupendo.

Álbum: Curso 23-24 -> Xornada Intercentros 6

SESIÓN DE RUGBY CINTA 3º-4ºEP

Hoxe luns 18 de marzo viñeron ao noso centro tres membros do Pontevedra Rugby Club para impartir unha sesión de Rugby Cinta ao alumnado de 3º e 4º de primaria.
Foi un achegamento a esta modalidade deportiva especialmente diseñada para introducir aos nenos e nenas no deporte do Rugby.
Estuvo moi ben e serviu para preparar a Xornada Intercentros de mañá no Pavillón Municipal.

Álbum: Curso 23-24 -> Sesion Rugby cinta 3º-4ºEP

XOGADE CO CEIP AMOR RUIBAL!

O pasado venres 15 de marzo a rapazada do cole tivo a sorte de poder xogar co alumnado dun dos nosos coles veciños, o colexio CEIP Amor Ruibal. Foi unha xornada moi divertida na que aprendemos, xogamos e coñecemos outros nenos e nenas da nosa idade. E xusto antes de marchar saiu o sol, así que puidemos disfrutar do noso patio e ensinarlle ós nosos compañeiros e compañeiras zonas de xogo libre e con elementos naturais que lles gustaron moito.

 

Álbum: Curso 23-24 -> XOGADE 23-24

SESIÓN DE JUDO CON 3º E 4º DE PRIMARIA

O pasado xoves 14 de marzo recibimos a visita de Alberto Guimeráns, mestre judoca do JUDO Club Campolongo.
Impartía unha sesión de xogos para iniciar ao alumnado de 3º e 4º de primaria nesta modalidade olímpica de orixe xaponés.
Foi unha preparación para a Xornada Intercentros do 19 de marzo a celebrar no Pavillón Municipal onde practicarán, entre outros deportes o Judo.
Grazas Alberto.

Álbum: Curso 23-24 -> Sesión de Judo con 3º e 4º EP

SESIÓN DE ESGRIMA 3º E 4º E.P.

O mércores 28 de febreiro o alumnado de 3º e 4º de primaria achegouse a modalidade olímpica de Esgrima da man dé Adrián mestre desta disciplina deportiva do Club Escola Hungaresa de Esgrima Pontevedra.
Practicaron as posicións básicas, a garda e diversos xogos. Estivo moi ben.

Álbum: Curso 23-24 -> Sesión de Esgrima 3º e 4º

XORNADAS ESCOLARES XADREZ

Este mes de febreiro o adicamos nos recreos a fomentar a práctica do Xadrez.
 Temos diversos taboleiros nos recunchos dos correderos do colexio, e algúns libros expostos na zona da Biblioteca.
Ademáis o martes 20 o alumnado de 3º e 4º de primaria tivo a sorte de ter unha clase con Miguel, mestre da Escola Xadrez Pontevedra, na que lles ensinou os movementos de cada unha das pezas e lles mostrou páxinas web para practicar.

Álbum: Curso 23-24 -> Xornadas Xadrez
Distribuir contido


by Dr. Radut