O pasado día 27 de maio, os alumnxs de 6º de educación primaria visitaron a vila de Allariz, na provincia de Ourense.
Alí realizaron unha visita guiada e tetralizada polo casco vello desta vila, para dar a coñecer os principais enclaves turísticos da mesma.
Tamén visitaron o ecoespazo de "O Rexo". Este é a obra resultante da intervención pictórica e escultórica do artista vasco Agustín Ibarrola sobre un espazo natural. Nel intégranse unha intervención artística, unha minihidraúlica, unha explotación piloto de ovino de leite e unha quesería onde se produce o “Queixo do Rexo”.
