NOVAS INSTRUCIÓNS EN RELACIÓN CO COVID-19

Enviado por Anónimo o Ven, 03/13/2020 - 23:46

As novas instrucións da Consellería de Educación de 13 de marzo pódense ver neste enlace.

 

MEDIDAS ADOPTADAS EN RELACIÓN COA PANDEMIA COVID-19

Enviado por Anónimo o Ven, 03/13/2020 - 00:22

 Neste enlace pódense consultar as medidas adoptadas pola Consellería de Educación, Universidade e Formación

Profesional en todos os centros de ensino, para loitar contra a pandemia covid-19.

UN ENTROIDO DE CINE

Enviado por Anónimo o Lun, 03/09/2020 - 11:45

O pasado 21 de febreiro o noso colexio encheuse de superheroes e superheroínas seguindo o noso proxecto de biblioteca, que este ano xira en torno ao cine como xa sabedes.

Os personaxes elixidos para os nosos disfraces foron Ladybug, Supermán, Os Incribles e Batman. Acompañounos a asociación ASPANAES vestidos de Flash.

                                                   

 

                                                   

 

                                                  

                                                                                                                                                           

  Aquí podedes vernos ben caracterizados.

 

                                                

 

 

  O tempo acompañounos no noso tradicional desfile ata o Concello.

 

                                                                                                                                                                 

 

Coa colaboración da ANPA e do Concello, degustamos os deliciosos manxares do Entroido.

 

 

                                                                                                

 

 

E como remate final, asistimos á esperada queima do Entroido. Que divertido!                                                            

 

 

PROGRAMA DE CONSUMO DE LEITE FRESCO NA ESCOLA

Enviado por Anónimo o Xov, 03/05/2020 - 19:07

O vindeiro luns 9 de marzo comezaremos, no CEIPP Santa María, a desenrolar o Plan de Consumo de Leite Fresco nas Escolas, subvencionado polo Fondo Galego de Garantía Agraria (FOGGA). O Programa ten unha duración de 20 días.

 

 

INFORMACIÓN SOBRE O CORONAVIRUS

Enviado por Anónimo o Xov, 03/05/2020 - 17:02

INFORMACIÓN SOBRE O CORONAVIRUS (COVID-19)

Prema sobre a imaxe para vela con máis detalle.

 

RECOMENDACIÓNS DA CONSELLERÍA DE SANIDADE

ADMISIÓN DE ALUMNADO 2020/2021

Enviado por Anónimo o Dom, 02/09/2020 - 22:28

Do 1 ao 20 de marzo estará aberto o prazo para presentar as solicitudes de praza para o

vindeiro curso. O trámite tamén se pode realizar a través da aplicación admisionalumnado.

 

                         

 

              SOLICITUDE

              PRAZAS VACANTES

             APLICACIÓN

             INSTRUCIÓNS

             XORNADAS PORTAS ABERTAS

 

 

 

 

 

 

 

 

 

RESERVA DE PRAZA NO CENTRO ADSCRITO (IES MONCHO VALCARCE) PARA O CURSO 2020/2021

Enviado por Anónimo o Dom, 02/09/2020 - 21:26

INFORMACIÓN PARA AS FAMILIAS/TITORES DO ALUMNADO DE 6.º CURSO DE ED. PRIMARIA

 

            Segundo consta na ORDE do 25 de xaneiro de 2017 (DOG nº22,  1 de febreiro de 2017) pola que se desenvolve o procedemento para a admisión do alumnado en centros docentes sustentados con fondos públicos, informámoslles do seguinte:

    

·  Desde o 1 de febreiro  ata o 17 do mesmo mes, está aberto o prazo de Reserva de praza para o alumnado de 6.º curso que desexe continuar os seus estudos no Centro ao que estamos adscritos, IES Moncho Valcarce (A circunstancia de estar este centro adscrito ao citado IES supón que o noso alumnado terá prioridade para a admisión).

 

·   Dito alumnado terá que presentar no noso Centro a solicitude debidamente cumprimentada. (Anexo I da Orde 25 de xaneiro de 2017). A solicitude tamén se pode cubrir na aplicación. 

·      A reserva adquirirá carácter vinculante e será incompatible coa presentación da solicitude noutro centro, salvo renuncia expresa e por escrito presentada no centro antes do inicio do prazo de presentación de solicitudes de admisión. A presentación da solicitude noutro centro dará lugar á pérdida de prioridade.

 

·   Se prefiren que os seus fillos/fillas continúen estudos nun IES distinto ao que está adscrito o noso Centro, non deberán entregar esta reserva e agardarán ao periodo ordinario (1 ao 20 de marzo) para entregar a súa solicitude (Anexo II da orde do 25 de xaneiro de 2017).

 ·      O alumnado deberá formalizar a matrícula no IES a finais de xuño.

XORNADA DE PORTAS ABERTAS

Enviado por Anónimo o Ven, 02/07/2020 - 15:43

»

PROGRAMA REFÓRZA-T

Enviado por Anónimo o Mar, 02/04/2020 - 21:14

O pasado luns 20 de xaneiro comezamos a actividade REFÓRZA-T, un contrato-programa da Consellería de Educación para a mellora do ensino.

Consiste en clases de reforzo para o alumnado de 3.º, 4.º, 5.º e 6.º de Educación Primaria impartidas pola profesora Iria Pacio, nomeada pola Administración. Prestará apoio directo nas aulas de 5.º e 6.º en horario de mañá e a grupos de alumnos dos catro niveis pola tarde.

Establecerase un contacto permanente cos titores dos nenos participantes para conseguir unha mellora nos resultados académicos e nas dinámicas de traballo. Como coordinadora deste proxecto contamos con Marta Vilasuso, a nosa orientadora.

 

 

Carreira A Fraga

Enviado por Anónimo o Ven, 01/24/2020 - 17:54

O 5 de Decembro o alumnado de 2º a 6º de Educación Primaria participou cos centros da contorna na Carreira da Fraga da man do programa Xogade. Foi unha xornada deportiva e lúdica, na que todos demostraron as súas habilidades e gozaron ao aire libre. As AMPAS colaboraron con nós cunha peza de froita fresca e auga. GRAZAS A TODOS/AS!

Distribuir contido