Plástica

PROPOSTA INCLUÍDA NA MEMORIA DE SECCIÓNS BILINGÜES E REALIZADA NA CLASE DE EDUCACIÓN PLÁSTICA

Proposta didáctica incluída na memoria de SECCIÓNS BILINGÜES DE 6º A E 6º B

Desenvolvida por:

Coordinador: José Luis García Prado

Mestre CLIC: Rocío Cuñarro Neira

Auxiliar de conversa: Bradley Hursh

Nome da proposta: "A giant hand"

Realización dun obxecto característico dos campos deportivos nos EEUU que se utiliza para animar aos equipos preferidos.

Materia :Educación Artística (Plástica)

Curso: 6º de Ed. Primaria

Idioma: Inglés

Nº de sesións: 4 sesións

RECURSOS TIC:

Ordenador

Programa informático(Power Point ou similar)

Canón

Pantalla dixital

DESENVOLVEMENTO DAS COMPETENCIAS BÁSICAS

Na competencia cultural e artística: Coñecer as manifestacións artísticas de diferentes épocas e procedencias. Especialmente as de orixe británica.

Na competencia no coñecemento e interacción co mundo físico: Fomentar a adquisición da habilidade para desenvolverse de maneira autónoma, sabendo analizar, interpretar e obter conclusións.

Na competencia en comunicación lingüística: Comunicarse cos membros do seu grupo para resolver problemas, chegar a conclusións, etc, tanto na lingua propia coma en inglés.

Na competencia para aprender a aprender: Atender ao erro como parte do proceso de aprendizaxe, fomentando a aceptación do mesmo e a intención por superalo, sendo a lingua só o vehículo de comunicación para a realización dunha tarefa; e promover a autonomía e a aprendizaxe propia ao observar e aprender das producións lingüísticas dos seus iguais

Na competencia social e cidadá: Achegar ao alumnado outra lingua diferente da propia e promover o respecto cara á realidade multilingüe; e crear un espazo contextualizado para o emprego real da lingua estranxeira á hora de intercambiar material ou pedir ideas.

Na competencia dixital e do tratamento da información: Percibir a información visual e plástica, e expresar o que se sente ante ela en inglés.

Na competencia matemática: Desenvolver a comprensión e produción de plans e instrucións en inglés, así como a capacidade para a organización da información, emprender procesos ou comprender localizacións nesa lingua.

Na competencia de iniciativa persoal e autonomía: Comprender a realidade social e cultural do mundo no que vivimos, máis extensa que o pequeno círculo da súa vida cotiá.

OBXECTIVOS

a) Lingüísticos:

Usar o inglés como medio de aprendizaxe e de coñecemento doutras áreas curriculares.

Mellorar a competencia lingüística na área de inglés; promovendo a adquisición de vocabulario, fluidez no uso da lingua e a integración dos alumnos e alumnas no proceso de ensinanza-aprendizaxe.

Expresarse e comunicarse producindo mensaxes que empreguen os códigos da linguaxe plástica.

Proporcionar ao alumnado, especialmente a aqueles con necesidades educativas; a través dun maior dominio do inglés, as estratexias necesarias para enfrontarse a situacións da vida cotiá relacionadas coas novas tecnoloxías e coa informática.

Reflexionar sobre o funcionamento das distintas linguas, tanto lingüístico como comunicativo, o que facilitará a aprendizaxe das mesmas.

Desenvolver unha maior competencia lingüística nas tarefas comunicativas por medio de actividades de práctica da expresión oral e escrita, de comprensión auditiva, de lectura e audiovisual, de interacción oral, escrita e de comunicación verbal.

b)Non LIngüísticos (Ed. Plástica)

Observar as características máis significativas das situacións e dos obxectos da realidade e seleccionar aquelas que considere máis útiles para o desenvolvemento da actividade artística.

Coñecer os elementos plásticos básicos para a análise de producións artísticas e utilizalos na elaboración de producións propias.

Manipular e investigar sobre materiais e útiles diversos para coñecer as súas propiedades e posibilidades con fines expresivos, comunicativos e creativos.

Confiar nas elaboracións artísticas propias, gozar coa súa realización e aprender dos erros cometidos para mellorar.

CONTIDOS

a)Lingüísticos

- Practica e coñecemento do vocabulario relativo a actividade

-Utilizar o vocabulario relativo á actividade en situacións reais de comunicación na aula.

b)Non Lingüísticos

Observacion e discriminación de materiais, de cores, de formas, de volumes, de texturas, decontornos, de perspectiva, da bidimensionalidade e da tridimensionalidade, de luz, e demovemento nos obxectos, nas imaxes e nas obras artísticas.

Descubrimento e identificación de elementos artísticos, obras de arte ou certos aspectos relativos a elas (previamente traballadas na clase) na vida cotiá e nos medios de comunicación, reflexionando sobre o seu uso.

Iniciación á análise das formas de representación de volumes no plano segundo o punto de vista ou a situación no espazo.

Coñecemento de identificadores artísticos de diferentes culturas, principalmente anglosaxonas, e valoración destes como enriquecedores da nosa.

Seguimento cada vez máis autónomo dun proceso para chegar á materialización plástica dunha idea.

TEMPORALIZACIÓN E SECUENCIACIÓN

1ª sesión: Presentación do proxecto utilizando un programa informático, ordenador e canon. Diálogo sobre o tema(deportes, seguidores, demostracións típicas....)

Presentación do material e instruccións para realizar o proxecto. Aclaración de termos.

2ª sesión:Decoración libre do obxecto

3ª sesión:Recortar as pezas frontal e posterior. Trazar a peza lateral e recortala.

4º sesión: ensamblaxe e remate do proxecto. Presentación oral de cada un explicando o que fixeron e cal foi o motivo da súa decoración.

MEDIDAS DE ATENCIÓN AO ALUMNADO

Nas dúas aulas temos alumnos que presentan un certo retraso académico ademáis dunha alumna discapacitada motórica diagnósticada de Parálisis cerebral. Os alumnos con retraso académico presentan máis dificultade na parte lingüística e a alumna discapacitada motórica na parte de manipulación dos materiais e procesos de transformación dos mesmos). O tipo de medidas e distinta pero aplícanse de xeito personalizado, tanto por parte do axudante de conversa coma polo mestre Clic. Os obxectivos son acadados por todos eles na medida das súas posibilidades.

CRITERIOS DE AVALIACIÓN

-Producir obras plásticas que impliquen organización espacial, uso de materiais diversos e aplicación de diferentes técnicas e instrumentos.

-Comprobar as posibilidades de aplicación de materiais, de texturas, de formas e de cores sobre diferentes soportes.

-Representar de forma persoal ideas, accións e situacións valéndose dos recursos que a linguaxe plástica e visual proporciona.

-Empregar axeitadamente termos e vocabulario específico, propios da tarefa que estamos a realizar.

-Expresarse correctamente en inglés, dentro do seu nivel e empregando a linguaxe propia da aula e das actividades que estamos a realizar.

-Usar adecuadamente as tecnoloxías da información e da comunicación para a creación de producións plásticas.

INSTRUMENTOS DE AVALIACIÓN

-Observación directa dos procedementos levados a cabo para acadar os obxectivos.

-Valoración do obxecto resultante dende o punto de vista plástico e artístico.

-Valoración do nivel de comprensión e expresión do alumnado conforme aos criterios de avaliación. Na proba de expresión establecer certos parámetros á observar: utilización do vocabulario axeitado, seguridade na expresión das súas ideas,comprensión das posibles cuestións que se lle plantexen.

URL da proposta

http://www.edu.xunta.gal/centros/ceipsanpedrovisma/