Da man de Luisa (mestra no noso colexio durante moitos anos) coñecemos dunha forma moi orixinal e amena a figura dunha da precursoras da incorporación da muller á educación superior, Carmen López  Cortón. 

A través dun   kamishibai contounos: a historia dos  bonobos con lentes, co que comprendemos a importancia de incidir na igualdade entre homes e mulleres,   reforzando a mensaxe da necesidade de colaboración familiar, a eliminación dos roles preestablecidos na repartición de tarefas e da igualdade no acceso á educación para todos e todas.

Para comezar o proxecto MIS+ (Máis que un museo da Igualdade en Sada y sus Contornos)  recibimos a visita de Andrea e Margarita, dúas representantes de Amnistía Internacional coas que realizamos un taller de prevención e  internalización da problemática de xénero. O obxectivo era fomentar o  pensamento crítico, a  reflexión sobre os seus propios valores e actitudes e, en definitiva, que a  modificación de  a súa conduta sexa de utilidade para previr os abusos contra os dereitos humanos, combater a discriminación, promover a igualdade e fomentar a participación desde temperá idade, con actos pequenos e cotiáns cara a unha sociedade máis xusta. Prestando especial atención a:

•Discriminación e violencia contra as mulleres.

•Estereotipos; orixes da discriminación.

O tratamento transversal desta problemática, ten como meta que o alumnado comprenda e asuma como natural, a través da propia práctica, que a igualdade de xénero é un dereito humano, comprometéndose na súa consecución.

Aquí podedes ver algunhas das imaxes deste día.

                          5º e 6º de EP                                           3º e 4º  de EP                                                    EI, 1º e 2º de EP