O 30 de maio visitamos a Aula de Ecoloxía Urbana de Ferrol, acompañados/as por algunhas familias.

Comprobamos a forza que ten o vento.

No seguinte vídeo podedes ver que o pasamos moi ben.

Canto nos gustan os contos aos nenos e nenas de 5º EI! E con contos, conmemoramos este día do Libro Infantil e Xuvenil (2 de abril).

O mércores 27 de marzo os nenos/as de 6º e 5º de EI viaxaron a Fene onde visitaron o Parque de Educación Viaria e o Museo do Humor.

O mércores anterior (20 de marzo) xa fixeran tamén esta visita os alumnos/as de 5º EP.

Ao alumnado de 5º EI gustoulles moito a exposición "MULLERES QUE FIXERON HISTORIA" que tivemos no centro na semana do 8 ao 15 de marzo. Sacaron fotos coas catro que máis lles gustaron:

Ángela Ruiz Robles (mestra, escritora e inventora. Foi directora do noso colexio).

Jane Goodall (primatóloga, experta en chimpancés).

Malala Yousafzai (Premio Nobel da Paz en 2014).

Vladímirovna Tereshkova (a primeira muller que viaxou ao espazo).

Obradoiro espontáneo de robótica co alumnado de 6º EI.

O grupo de catro anos participamos nunha sesión na aula de Ecoloxía Urbana. Apredemos moitas cousas sobre os animáis e fixemos uns traballos preciosos.

A clase de 4 anos fomos a Gadis para aprender sobre alimentación saudable. Agasalláronnos cunha bolsa que contiña un almorzo san, e cando chegamos á escola ... papámolo!

O día 21 de novembro o grupo de 4 anos fomos de visita a Alcampo.

Vimos como se facía o pan, probámolo, visitamos o almacén e almorzamos na cafetería uns churros boísimos.

"A auga sube" é o título do obradoiro no que participou o alumnado de 6º EI na AEU (Aula de Ecoloxía Urbana) para aprender como utilizan a auga as plantas.

O pasado venres, 19 de outubro, os grupos de 5º e 6º de Educación Infantil acudiron ao centro cultural Torrente Ballester a presenciar a estrea da obra "Timi contra o vento". A obra forma parte do programa FESTEA organizado polo Concello de Ferrol.