O recuncho de 5º EP

Un alumno de 5ºA e unha alumna de 5ºB fomos, o pasado venres 5 de maio, a unhas "Xornadas de Equipos  Directivos" que se celebraron no Pazo de Mariñán. Explicámoslles como funciona o TEI no noso cole.

A nós pareceunos unha moi boa experiencia.

(Premer na imaxe para vela en tamaño orixinal).

                              Luna López e Miguel Trillo

                              5ºB           5ºA

Invitámosvos a ver o seguinte vídeo no que nos veredes, ao alumnado de 5º e 6º, tocando con instrumentos a canción de Carlos Núñez "Bailando con Rosiña".

Divertímonos moito. Utilizamos caixas chinesas, claves, pandeiros, pandeiretas e triángulos.

Marta, Elisa e Daniela. 5ºA

OS NENOS/AS DE 5ºB:

Fixemos unha canción cos seguintes instrumentos: claves, caixa chinesa, pandeiro, triángulos e pandeireta.

No grupo dos triángulos: Maxi, Cristian, Yago e Yanira

No grupo das caixas chinesas: Isolina, Lola, Sara, Yanira e Laura.

No grupo das claves: Luna, Bruno e Leo.

No grupo dos pandeiros: Xurxo, Marco e Mario.

No grupo das pandeiretas: Marcelo e Joel.

A partitura era gráfica, con debuxos. Moito máis doado.

  Luna, Isolina, Laura e Lola. 5ºB

E PASÁMOLO XENIAL!

Esta actividade tamén a levaron a cabo os nosos compañeiros/as de 5ºA. Premer nas imaxes para velas a tamaño orixinal.

O alumnado de 5º e 6º de primaria estamos a participar en PANGEA, un concurso matemático que consiste en varias fases.

A primeira fase consistiu en 20 exercicios con distintas dificultades que se medían con estrelas, cantas máis estrelas pintadas máis dificultade. Se respondes un exercicio mal son 0 puntos pero, se o deixas sen contestar será 1 punto. Tiñamos distintas opcións: A, B, C, D, E.

Nós só fixemos a primeira fase e se a aprobamos pasamos á segunda. Se non conseguimos superala quedamos eliminados do concurso.

Pasaremos? Iso vai depender dos puntos, se os conseguimos todos participaremos na seguinte fase que consistirá noutra proba con distintos problemas. 

Se queredes máis información podedes visitar a páxina de Pangea premendo na seguinte imaxe.

Pangea é un concurso impresionante! O mellor concurso de matemáticas de España!

 Lola, Luna, Pablo e Joel. (5ºB)

Benvidos ao espazo de Quinto!!!!

Para empezar dicirvos que algúns alumnos/as de 5º e 6º estamo participando nun obradoiro de robótica!!! Estamos aprendendo a programar e a facer circuítos. O que a min me parece máis divertido é facer circuítos: cos cables, zumbadores, luceciñas... É moi divertido!!!!!!!

E programar, non o é menos. Na galería da páxina web imos ir publicando fotos.

Miguel Trillo Valeiro, 5ºA