O recuncho de 5º EP

O mércores 20 de marzo fomos ao Museo do Humor e a un sitio de educación viaria en Fene.

Comecemos polo Museo do Humor. Había uns espellos que te facían máis alto/a, máis baixo/a, máis anano/a ou ter uns pés enormes.

Despois vimos unhas imaxes de cómics galegos de humor, algúns eran demasiado graciosos!

Tamén había unha sala chea de caras de persoas famosas deformadas, outra sala de humor negro con luces ultravioletas e ás persoas que trouxeran roupa branca se lles iluminaba.

O sitio de educación viaria tamén estivo xenial. Aprendemos unhas cantas sinais, unhas regras básicas e conducimos uns coches tamén xeniais. Dous homes facían de policías e cada vez que saltabamos unha regra poñían unha multa.

En resumen a excursión foi un éxito!

ALICIA, 5ºA

Fotos no álbum da galería: Ed. Viaria / Museo Humor

O luns 11 de febrero fixemos uns xogos cos alumnos de 3ºB.

Xogamos ao baloncesto, á indiaca, á diana e ao ultimate, que é un xogo de frisbi.

Ao final, preguntáronos cal foi o que máis nos gustou... e houbo de todos os gustos:

- Prefiro ultimate! -dixeron algúns.

- Eu quero baloncesto! -dixeron outros.

Foi moi divertido!

HUGO e YERMA (5ºA)

O mércores 30 de xaneiro celebramos o Día da Paz. Fixemos mans nas que dentro escribimos palabras: paz, amor, etc. Puxemos esas mans nun mural que está exposto na entrada do colexio.

O alumnado de 5ºA e o de 3ºB vimos uns vídeos.

Un deles era dun coello e un mago. O coello quería comer unha cenoria. O mago só pensaba nel mesmo, entón o coello atrapábao nos trucos de maxia. Ata un momento en que o mago estaba en perigo e o coello salvouno, e grazas ao coello el fíxose máis famoso. O mago deulle ao final a cenoria.

Outro era dun neno que estaba xogando coa consola e a nai regaloulle un can, o neno colleu o can e viu que non tiña perna e tirouno ao chan. Despois deulle pena e saiu co seu can fóra pero primeiro colleu as súas muletas porque a el tamén lle faltaba unha perna.

E ó último é o dunha nena chamada María que xogaba cun neno que non se podía mover todos os días. Un día o neno púxose enfermo e María bailou con el. Ao día seguinte o neno morreu. María púxose moi triste e de maior aínda levaba un recordo del.

ALICIA (5ºA)

O mércores 5 de decembro viñeron as xogadoras do Baxi Ferrol ao noso colexio. Os de 5º e 6º estivemos xogando con elas. Dividíronnos en catro grupos: 5ºA, 5ºB, 6ºA e 6ºB.

Nós, os de 5ºA, empezamos a xogar a un "pilla pilla" con balóns de baloncesto. Os que tiñamos os balóns tivemos que pillar aos que non os tiñan. Se os pillabamos dabámoslles o balón  e nós  escapabamos deles para que non nos pillaran.

Logo fixemos outro xogo, para o que formamos dous equipos. O xogo consistía en  chegar  á portería pasándonos o balón por enriba da cabeza á persoa que estaba detrás, a continuación  fixémolo desde a portería ata a metade do campo de fútbol, pero pasando o balón  por abaixo. O xogo finalizaba cando chegabamos ata a portería pasándonos o balón polo lado dereito.

O seguinte xogo foi na cancha de baloncesto, un xogo super divertido. Ao final de todo as xogadoras firmáronos  e invitáronos aos de 5º e 6º ao partido que van  xogar contra un equipo de Zaragoza o 22 de decembro.

Foi moi divertido todo!!!!!

(NEREA, 5ºA)