O pasado venres 26 de outubro fixemos unha visita moi divertida a Santiago de Compostela.
Primeiro fomos ao Parlamento, que era enorme e onde nos ensinaron todas as salas. Aprendemos para que servía e onde discutían sobre as leis os deputados/as. Vimos os cuadros (moi bonitos), o xardín, o hemiciclo, a sala de reis, unha alfombra que representa a Galicia hai moitos anos e a biblioteca. Fixéronnos preguntas como por exemplo que facían os deputados. Fixemos de parlamentarios, representando a partidos políticos como: MAREA, PP, BNG, PSOE... e debatemos entre 5º e 6º.
Despois fomos á Xunta de Galicia. Cando entramos vimos a Feijóo. Contáronnos en que invertían os cartos. Leváronnos polos corredores subterráneos e había oficinas con moita xente traballando. Non o sabiamos pero hai moitísimos anos foi un colexio de cegos e xordos. Despois dun tempo foi un hospital militar. Cando iamos de camiño para ver un vídeo dunha nena "youtuber" que nos explicou o que era a Xunta, vimos un estanque de peixes de cor vermella.
Por último fomos ao MUPEGA, que é un museo de cousas que había hai moito tempo. Ensináronnos unha escola antiga, xoguetes antigos cos que xogaban os nosos pais, avós, bisavós... Xogamos a un xogo na pantalla. Despois algúns sacaron unhas cousas antigas que tiñan os alumnos/as de Doloriñas. Non era unha escola, os pais dos nenos pagábanlle con cereais e entón Doloriñas dáballes clase aos nenos e nenas. Tiñan un só libro para todas as materias. Escribían con plumas nunha lousa. Nós estivemos pintando nunha desas lousas. Doloriñas non era mala pero antes había algúns profesores/as que lles daban cunha vara ao alumnado.
Ao final fomos comer a un parque e xogamos ao "pilla-pilla". Chegamos a Ferrol moi cansos pero encantados coa visita. Foi un día xenial!!!!
Nerea, Claudia, Yunshan, Hugo, Manuel P., Yusef, Manuel G. (5ºA)
