Skip to Content

O recuncho de 6º EP

TEATRO NO AUDITORIO: A NENA E O GRILO MÁIS ALÓ

O martes 26 de abril, fomos ver unha obra de teatro moi, pero que moi divertida: "A nena e o grilo máis aló" (montaxe teatral de Magín Blanco e Teatro Ghazafelhos). Fomos desde  os máis pequenos ata os máis grandes.

Nesta actuación os actores baixaron a animar ao público e tamén nos facían participar nas cancións.

Á maioría de nós gustounos moitísimo e despois volvemos andando ata o colexio,  observando o que iamos vendo polo camiño, aprendendo así moitas cousas máis.

Para rematar, a actriz e os actores decidiron facer o seguinte "selfie" con todo o público e que posteriormente foi publicado no facebook.

 JGR, 6ºB

DÍA DO LIBRO 2022

Para celebrar o Día do Libro, o venres 22 de abril o equipo da biblioteca puxo no patio caixas con libros que podiamos ollar durante o recreo ou levar prestados para casa.

Uns días antes todo o alumnado coloreamos unhas pisadas que agora están polo chan dos corredores e que nos levan ata a biblioteca.

Tamén escribimos un breve resumo dalgún libro que nos gusta.

MQR - AHB (6ºA)

DÍA DE ROSALÍA

O día 23 de febreiro celébrase o día de Rosalía de Castro.

No centro CEIP Recimil tivemos a sorte de que, o luns 21, un grupo musical nos cantara uns poemas de Rosalía e nos contara aspectos da súa vida e como tivo que loitar polo feminismo e polo uso do galego. 

O grupo chámase Trío Molime e un dos integrantes é Xoan, un profesor do noso centro.

YLA - AGA, 6ºA

OBRADOIRO RCP

O venres 15 de outubro de 2021 fixemos unha excursión todo o alumnado de 5º e 6º. Fomos á Praza de Armas, diante do concello, para que nos ensinaran como facer unha Reanimación Cardiopulmonar (RCP).

Déronnos unha charla xa que o sábado era o día mundial da RCP. É moi importante, tería que saber facelo todo o mundo, pequenos/as e tamén os maiores.

Algunha xente preguntarase que é a RCP. Pois consiste en facer uns movementos coas mans para que se a alguén se lle para o corazón se lle poida axudar mentras non chega a ambulancia.

Tamén nos deron unha camiseta e unha bolsa moi chulas.

J.G.R., 6ºB 

 

 

ENTREGA CESTA ENTROIDO

PARABÉNS!

FLL (FIRST LEGO LEAGUE )

O sábado 15 de febreiro terá lugar a competición FLL, na que participaremos 10 alumnos/as (5 de 5ºB e 5 de 6ºA).

E se non sabedes que é a First Lego League... explícovos:

A FLL é unha competición na que hai que resolver misións cun robot nun tempo determinado. Tamén teremos que facer outras actividades como unha presentación, ideas innovadoras ...

Alicia, 6ºA

VISITA DE PAPÁ NOEL

Papá Noel e os seus elfos repartiron caramelos aos nenos/as de Infantil, 1º, 2º e 3º.

 

Fai clic na imaxe para ver máis:

ALICIA, 6ºA

ENTREGA CESTA NADAL

Foi Laura (6ºB) quen vendeu este boleto á persoa que vemos na foto. O 18 de decembro achegouse ao cole para recoller a cesta!

PARABÉNS!

OBRADOIRO DE REPOSTERÍA (PROXECTO ARTE)

O día 9 de decembro, o alumnado de 6ºA participamos nun obradoiro de elaboración de galletas con fondant. A nai de Nerea (María) levounos os ingredientes para decorar as galletas. Non foi moi doado facelas porque rompían con facilidade, pero con paciencia e grazas a María conseguímolo. Utilizamos moldes con forma de bólas de árbore de Nadal. 

Mmmm... Estaban boísimas!!!

 Nerea e Manuel P. (6ºA)

 

CESTA DE NADAL

O venres 13 de decembro, pola noite, anunciarase nesta páxina do colexio o número gañador das rifas que vendeu o alumnado de 6º. A persoa que teña ese número ... quedará con esta cesta!

 

 

ALICIA, 6ºA

Distribuir contido


by Dr. Radut