Bo día, pitufos e pitufas! Feliz comezo do mes de Abril a todos e todas! Este venres, comezan as vacacións, así que quedan, agora mesmo, tres mañás de traballo... Estades dispostos?

Quería darvos as grazas a todos e todas por ser tan participativos, traballar tanto e facelo tan ben. É un gusto dar clases desde casa tendo tanta resposta. Estou moi orgullosa de vós.

Cóntovos tamén que, hoxe, xa hai 9 colaxes na páxina web. Podedes velos neste enlace, premendo onde di “As nosas colaxes 1” e “As nosas colaxes 2”. Agardo que desfrutedes mirándoas. O enlace, é o seguinte:

https://www.edu.xunta.gal/centros/ceippraiaquenxe/?q=node/312 

(ou tamén podedes mirar na entrada do blogue que está xusto antes que esta)

Tamén aproveito para anunciarvos que, a mestra de Educación Física, Laura, pide que lle enviedes, se podedes, algunha foto de cando facedes o reto diario. O seu correo electrónico é:

laura.teijeiro@edu.xunta.es

A LISTA DE TAREFAS é a seguinte:

PRIMEIRO – Abrir a axenda no día de hoxe, anotar o tempo, e as medidas da vosa lentella.

-  Participar na semblea online polo abalar: Que contos lestes estas semanas de “Contos ao teléfono? En que conto ides lendo agora? Estanvos gustando? Algúns son un pouco absurdos, pero iso resulta gracioso, verdade?

-  Non esquezades, ao longo do día, nalgún descanso das tarefas ou cando as rematedes, facer o reto de E.F. de hoxe! Hoxe, toca: Facer equilibrios sinxelos (levar algo na cabeza, e os brazos abaixo). Mirade no enlace:

https://www.edu.xunta.gal/centros/ceippraiaquenxe/?q=system/files/Move%20o%20corpo%20na%20casa%21%201%C2%BA%20EP%20e%202%C2%BA%20EP.pdf

LINGUA GALEGA – Escritura :Tarefa 11. (Xa sei que tedes sen facer as tarefas 9 e 10, pero farémolas máis adiante). Fixádevos ben, porque todo o que ides escribir nas receitas (ingredientes dos pratos, nomes de pratos e de sobremesas... ) son substantivos. As palabras das que estaremos falando próximamente. 

Desfrutade coa receita! E se alguén a fai, contade a experiencia! 

MATEMÁTICAS – Resolución de problemas: Ficha 20 (E xa sei, outra vez, que nos saltamos fichas. Pero quero que practiquedes as multiplicacións... A ver que tal sale. As fichas que quedan atrás, xa as iremos facendo. Non vos preocupedes).

CIENCIAS NATURAIS – Imos comezar, hoxe, outro apartado de investigación sobre o concello. Como esta vez non será respecto ao concello en sí, senón respecto a espazos naturais, comezaremos un folio novo para este apartado.

Poñedes con bolígrafo azul o nome, e a data, e, debaixo, en maiúscula, e con letras bonitas, o título. Dependendo de cal é o voso concello, ides escribir o título, que pode ser:

“ESPAZOS NATURAIS EN CORCUBIÓN” ou “ESPAZOS NATURAIS EN CEE”, OU “ESPAZOS NATURAIS EN FISTERRA”.

Hoxe, investigaredes sobre os espazos naturais do voso Concello. Trátase de buscar montes, praias, ríos, arboredas, montañas... onde atopemos natureza. Se vós xa coñecedes algún, podedes contalo. Tamén podedes preguntar aos adultos da casa. E, coma sempre, envíovos enlaces da páxina web onde podedes investigar.

Para Corcubión:

https://www.turismo.gal/localizador-de-recursos/-/sit/que_visitar/natureza/rias_e_praias/corcubion?langId=es_ES

Para Cee: https://cee.gal/gl/cee/turismo/patrimonio-natural-praias/

E tamén, podedes seleccionar algún espazo natural nesta outra páxina, pero non son todos!

https://cee.gal/gl/cee/turismo/patrimonio-etnografico/

Para Fisterra: http://www.concellofisterra.com/turismo/espazos_naturais/gl

E tamén aquí: http://www.concellofisterra.com/turismo/praias/gl

Non tedes que poñer todos, pero sí os que máis vos gusten ou os que vos parezan máis importantes. Logo, podedes comentalo polo chat se vos parece interesante. Debedes poñer os nomes dos lugares e explicar algo deles. Un ou dous é suficiente. Iremos engadindo día a día.

HORA DE LER: Facede 20 minutos de lectura continuada e silenciosa. Para hoxe, teño unha proposta, que podedes ler hoxe ou calquera outro día cos vosos papás e mamás:

https://1cae4daa431a99d58259-9bdc952f8135a71056243221595a2db3.ssl.cf1.rackcdn.com/2817F16424614BDBB241D5D60FE6758A.pdf

Se pinchades no enlace, debera sairvos un arquivo a un conto en castelán que se titula “Los días en que todo se detuvo”, e que nos fala sobre o COVID – 19.

MÚSICA – Mirade que puxo o profe Marcos, para vós, na sección de música (na páxina web do cole, na esquerda, onde están os enlaces a tódolos cursos e tamén a inglés, educación física, etc).

Por último, pero non menos importante... Non esquezades que, hoxe, ao longo do día, toca mirar o reto que nos manda Laura... Buscade na sección de Educación Física da páxina web.

Que pasedes un gran día hoxe, esteades moi contentos e desfrutedes das cousas pequenas. Unha aperta, pequechos e pequechas!

Tarefas do día:

- Asamblea (no Chat en Abalar).

- INGLÉS: tarefas propostas por Eva: https://www.edu.xunta.gal/centros/ceippraiaquenxe/?q=taxonomy/term/55

- MATE+: Ficha 19 de Numeración: Las centenas de millar.

- ACENTUACIÓN DE PALABRAS: Vamos a hacer un repaso de cómo se acentúan las palabras, como lo hacemos a diario en clase. Escucha y observa atentamente estos cuatro vídeos:

          *"Diferenciar palabras agudas, llanas y esdrújulas": https://www.unprofesor.com/lengua-espanola/diferenciar-palabras-agudas-l...

          * "Acentuación de las palabras agudas":https://www.unprofesor.com/lengua-espanola/acentuacion-de-las-palabras-agudas-58.html

          * "Acentuación de las palabras llanas":https://www.unprofesor.com/lengua-espanola/acentuacion-de-las-palabras-llanas-o-graves-59.html

          * "Acentuación de las palabras esdrújulas":https://www.unprofesor.com/lengua-espanola/acentuacion-de-las-palabras-esdrujulas-60.html

Luego, copia la teoría que te envío en "Ficheiro adxunto". En un folio en blanco o de doble pauta, escribe la fecha de hoy en boli negro y el título ACENTUACIÓN DE PALABRAS en maiúsculas y con boli rojo.

- HORA DE LER. Lectura silenciosa durante 20 min. (ellixes tí o momento do día para facer a lectura)

- INFORMÁTICA: Busca información de 2 plantas que aínda non teñan feitas, as que tí queiras.

As dúbidas resolvémolas no Chat en Abalar.

Os nenos e nenas de 2º, durante esta semana, estiveron vendo nas súas casas algunha información sobre a técnica artística da colaxe. 

Nos arquivos adxuntos, están as creacións destes artistas, aos que lles dou as gracias, xunto coas súas familias, por estar tan dispostos a colaborar e participar das propostas que lles mando. É unha marabilla traballar con vós!! 

Que as desfrutedes!

Apetécevos crear o voso propio xogo de memory?

Só precisades:

• Folios ou cartolinas
• Tesoiras
• Regra para facer os cadros
• Lapis ou cores

 Pasos para facelo:

1. Divide o folio ou cartolina en tantos cadros como imaxes queiras crear. Podes botar man dunha regra.
2. Recorta cada cadro.
3. Colle dous cadros e escribe ou debuxa o mesmo nas dúas pezas. Podes debuxar figuras xeométricas de diferentes cores ou escribir números, letras, sílabas ou palabras.
4. Fai o mesmo co resto das pezas. Temos que crear parellas de pezas que sexan iguais.
5. Colócaas boca abaixo e revólveas.
6. Agora cada participante por quendas, ten que levantar dúas pezas. Se son iguais podes collelas. Se son diferentes tes que deixalas no mesmo sitio boca abaixo.

Aquí vos deixo outra idea para facer un memory caseiro.

https://www.youtube.com/watch?v=edddddvYiZY

Agora só queda xogar e estar atento a cando os demais levantan as pezas e memorizar onde quedan colocadas.

Saudiños

Aquí vos deixo estes grupos de atividades de ordear obxectos.

O xogo consiste en memorizar a posición de cada obxecto dentro dos recadros ou de cada casiña, pero ollo!! só dispoñedes de 8 segundos.

Hai varios niveis e cada vez que acertas un a cousa vaise complicando pouco a pouco. 

ESPERO QUE VOS GUSTE...

Ola de novo.

Déixovos un par de vídeos para traballar o ritmo na casa. Podedes acompañar con palmadas ou con calquer outro instrumento rítmico que teñades na casa: https://youtu.be/4vZ5mlfZlgk

Este é un pouco máis rápido pero tamén máis divertido. Teredes que acompañar  a música de Peer Gynt, de Edvard Grieg: https://youtu.be/Wk43IDUQmTk

Se vos gusta, podedes seguir escoitando Peer Gynt por aquí: https://www.youtube.com/watch?v=3sF_mQLXs_s&t=12s

O último tamén se pode cantar, neste caso un ritmo dunha canción africana: https://youtu.be/hIdp_Nj0tgk

Unha aperta e moito ánimo!

Bo día! Aquí debaixo tedes un enlace a actividades que van estimular a vosa linguaxe oral mediante divertidos xogos de habilidades lingüísticas. Primeiro tedes que elixir o idioma, logo o nivel no que estades e, despois diso, xa só queda empezar!

Facede clic no seguinte enlace: https://view.genial.ly/5e73527766abcc0f6863c46b/presentation-actividades...

Bos días a todos e todas! Que tal ides coas actividades? Esta semana, rematamos o venres. Logo, haberá unha semana de vacacións, que xa será Semana Santa... ainda que temos que pasalas todos na casa!! 

A lista de tarefas de hoxe será a seguinte:

PRIMEIRO –  Anotar na axenda o tempo que vai hoxe, e as medidas da vosa lentella. Os que tivestes que replantar porque non naceu, anotade cando o fixestes, para saber cantos días tarda en agromar. Lembrade tela nun sitio con luz e humedecela cada 3 días!

Logo, na asemblea, quero que me contedes en que conto estades lendo de “Contos por teléfono”, que temos que poñernos ao día! Cantos contos lestes? Cal vos gustou moito? Hoxe, falaremos diso...

Algo máis que teño que explicar é que falei con Laura onte. Os retos que propón son para que fagades durante esta semana. Así que, hoxe, á hora que queirades facelo, teredes que tentar cumplir o reto 2: Encestar pelotiñas de papel nunha papeleira. (Lembrade utilizar papel que xa non sirva, se pode ser!!)(Pero iso non o fagades agora, senón máis tarde, cando fagades un descanso ou ao rematar). 

https://www.edu.xunta.gal/centros/ceippraiaquenxe/?q=node/298

LINGUA GALEGA – Tarefa 18 de “Competencia lectora”. “Decálogo para adoptar un can”.

Despois de ler e facer as tarefas 1, 2 e 3, escribide no abalar a contestación á última tarefa: Cres que estás preparado/a para ter unha mascota? Por que? (tede en conta que falamos de ter unha mascota vós, non de que vola coiden os vosos papás e mamás...)

MATEMÁTICAS – Ficha 19 de “Resolución de problemas”

                         - Xogamos un pouco coas multiplicacións. Aquí tedes un enlace a unha páxina con xogos. Probade!

https://es.ixl.com/math/2-primaria/escribir-multiplicaciones-sobre-grupos-iguales

(Nesta páxina, encontraredes, para cando queirades, máis exercicios de matemáticas divertidos:

https://es.ixl.com/math/2-primaria )

CIENCIAS SOCIAIS: Continuamos co exercicio de onte. Lembrades? Sobre “O CONCELLO”. Collede o voso folio. Hoxe, investigaredes quen goberna no voso concello. As preguntas que habedes copiar, para logo contestar, son as seguintes:

-          - 

Quen é o alcalde ou presidente do teu concello?

-          - 

Hai tenente alcalde ou vicepresidente? Quen é ou quen son?

-          - 

Cantos concelleiros e concelleiras hai no teu concello?

Estas preguntas, podedes investigalas preguntando a un adulto ou ben nas páxinas web dos concellos:

-         

Concello de Corcubión: http://www.corcubion.gal/es/ayuntamiento/corporacion-municipal#top

-         Concello de Cee: https://cee.gal/gl/corporacion-municipal/

-         Concello de Fisterra: http://www.concellofisterra.com/portal_cidadan/corporacion/gl

E, ata hoxe, chegou de investigar. Seguiremos con isto...

INGLÉS -  Ide, na páxina web, ao apartado de xogos que vos deixou Delfín. Procurade escoller un diferente ao da última vez!

 https://www.edu.xunta.gal/centros/ceippraiaquenxe/?q=node/235

HORA DE LER – 20 minutos de lectura silenciosa.

PLÁSTICA – Rematar os colaxes, os que faltades. Hoxe, xa engadín o de Kevin, Iago e María.

A proposta de plástica para esta semana, é aprender algunha técnica de origami. Quere dicir facer figuras con papel. Facédea ao voso ritmo, que pedirei que me mandedes fotos á volta.

A miña proposta é esta:

https://www.youtube.com/watch?v=Z18MJVKGANA

Podedes escoller outra, pero a condición é que tedes que recortar e doblar vós soiños. Os adultos, só para explicar!

Hoxe, só tedes que ver o video e atender moi ben. Poderedes ir elaborando o voso canciño ao longo da semana, nos momentos en que vos apeteza. E, claro, se vos gusta... podedes facer máis!

E, por hoxe, nada máis. Pasade unha boa tarde e... ata mañá