CEIP PLURILINGÜE DE OUTES

Tal e como informamos onte na páxina web, celebrouse o Consello Escolar Extraordinario que aprobou realizar unha solicitude de reaxuste horario trala recepción da Resolución da Secretaría Xeral de Educación e FP do 29 de setembro de 2020, na que autoriza esta medida excepcional e de carácter estrictamente sanitario, como unha medida máis a adoptar para minimizar o risco de contaxio na actual situación COVID-19.

Esta solicitude foi tramitada a Xefatura Territorial a través do Inspector do centro, polo que estamos agardando resposta. 

Somos conscientes das dificultades organizativas que para as vosas familias supón non saber neste momento o horario de mañá, pero os prazos establéceos a Administración Educativa e non o centro. 

En función da resposta que teñamos durante a tarde de hoxe informaremos das posibles modificacións horarias e estamos buscando a forma de atender ás necesidades de aquelas familias que por motivos de conciliación poidan ter problemas no día de mañá, dada a premura da medida. 

A continuación adxuntamos a Resolución da Secretaría Xeral de Educación e FP, a solicitude do Consello Escolar e un documento coa argumentación que defende esta medida. 

Xa temos datas para vernos e poder dar as primeiras informacións sobre o comezo deste especial curso escolar.

A proposta é facer as xuntazas presenciais no centro xa que, por un lado poderedes coñecer as novas titoras en persoa e por outro é moita a información a trasladarvos e queremos que teñades oportunidade de aclarar todas as dúbidas que se vos poidan presentar.

Dividiremos as reunións en dúas partes:

- Na primeira parte estará o equipo directivo informando do Plan de Adaptación á situación COVID-19.  

- Na segunda parte as titoras trasladarán información concreta de aula (funcionamento, materiais...).

Ademáis aproveitaremos para trámites que requerían da vosa presenza: entrega de vales de material, recollida de datos, sinatura de autorizacións... Precisaremos, de feito, que traiades o número de DNI das persoas que queirades autorizar para a recollida no centro do vos@ fillo/a.

Debemos extremar ao máximo as medidas hixiénico sanitarias polo que solicitamos a vosa colaboración no respeto das seguintes indicacións:

• Só poderá acceder unha persoa adulta por familia.
• As familias que teñan vari@s irmáns escolarizados deberán asistir ás reunións de cada curso, xa que haberá cuestións específicas de cada un deles.
• Pregamos puntualidade e atención ao respeto polas entradas indicadas no cadro de información. Á hora indicada da xuntanza na porta acordada para cada grupo chamarase por orde de lista para o acceso ao centro.
• Pregamos respecto polas distancias de seguridade e medidas de hixienización.
• IMPORTANTE: traer un bolígrafo de uso persoal e individual.

Benvidas e benvidos a tod@s a este novo curso.

Como equipo docente queremos darvos a benvida a este curso 2020/21, que sabemos vai estar cheo de incertezas, pero no que vimos con forza e ganas de afrontalo da mellor maneira posible e sempre co benestar das nenas e nenos como prioridade. 

Un curso que iniciamos tamén coa seguridade de que a vosa colaboración e o entendemento entre todas as persoas que formamos parte desta comunidade educativa vai ser máis necesario que nunca.

Levamos semanas traballando nos protocolos, na adaptación do centro á nova situación, e reuníndonos con diferentes sectores da comunidade educativa (ANPA, Concello, transporte...). 

Onte ás 6 da tarde saíron as novas instruccións por parte da Consellería de Educación despois da Conferencia Sectorial de Educación do 27 de agosto. Polo que hai aspectos aínda por pechar dependentes do que se derive desta nova adaptación do Protocolo da Consellería.

En canto poidamos iremos ofrecendo información a través das canles de comunicación que se empregarán. De momento en funcionamento "Páxina Web" e "Abalar Móbil", das que vos pedimos que esteades pendentes.

Recibide un agarimoso saúdo e informaremos de novas en breve.