O alumnado do 4º nivel de E.Primaria, a titora de 4ºA e a profesora de E.Física, de ambalas dúas aulas, realizaron unha andaina, desde o cole á Ponte do Ruso e dalí, pola marxe dereita do Tines, ata unha pequena praia fluvial na contorna do Monte Golfo.
Unha vez no citado lugar, recuperaron as enerxías perdidas para un pouco máis tarde emprender o percorrido de regreso ao centro, aínda que contaría con algunha nova parada. Así, ao chegaren ao parque do Areal sentaron un anaco para merendar e despois conversar e xogar. Logo, partiron cara á Horta do Muiño, de camiño ao cole, onde recolleron algunhas castañas. Pouco despois, sairon dalí e nuns minutos chegaron ao centro.
