CEIP PLURILINGÜE DE OUTES

COLOQUIO SOBRE RELACIÓNS AFECTIVO-SEXUAIS DE FILLOS/AS

Lun, 22/05/2023 - 11:10 — admin

Convidamos a todas as familias a asistir ao coloquio sobre as relacións afectivo-sexuais que terá lugar o próximo 5 de xuño na Casa da Cultura de Outes.

Promete ser unha experiencia moi enriquecedora da man de Sonia Fernández e Pepe Cabido.

Esperámosvos!

1 adxunto

LISTAXE DEFINITIVA ADMISIÓN ALUMNADO

Mar, 16/05/2023 - 16:15 — admin

Dende o luns 15 de maio, está publicada a LISTA DEFINITIVA DE ADMISIÓN DO ALUMNADO PARA O CURSO 2023/2024 no taboleiro interior de anuncios do colexio. De acordo coas Instrucións da Dirección Xeral de Centros e Recursos Humanos sobre o Proceso de Admisión do Alumnado, e coa Lei de Protección de Datos, non podemos publicar nin trasladar información desta lista a través doutro medio.

Todas as solicitudes feitas en prazo foron admitidas.

Pódense consultar as listas na aplicación https://www.edu.xunta.gal/admisionalumnado/ entrando coa CHAVE 365 ou co certificado dixital.

Todas as persoas admitidas terán que presentar solicitude de matrícula do 20 ao 30 de xuño.

PREMIO JAVIER NOVELLE 2023

Mar, 09/05/2023 - 08:33 — admin

Vimos de recibir o premio Javier Novelle 2023 por "atoparlle o lado máis lúdico á tecnoloxía (e outras cousas)", no Día da Ciencia na Rúa que se celebrou o pasado 6 de maio na Coruña.

Non podemos estar máis contentas co recoñecemento ao traballo do noso alumando!

LISTAXE PROVISIONAL ADMISIÓN ALUMNADO

Xov, 27/04/2023 - 08:38 — admin

Todo o alumnado que fixo en prazo a solicitude de admisión de cara ao curso 23/24 está admitido.

Pódense consultar as listas na aplicación https://www.edu.xunta.gal/admisionalumnado/ entrando coa CHAVE 365 ou co certificado dixital.

Para aquelas persoas que desexen consultalo no propio centro as listaxes están expostas no taboleiro do centro.

INAUGURACIÓN DA BIBLIOTECA

Dom, 26/03/2023 - 13:19 — admin

O pasado xoves día 23 de marzo, inauguramos de forma oficial a nosa nova biblioteca, a cal acudiron diferentes representantes da Consellería, do Concello e das familias.

Foi todo un éxito e diferentes medios de comunicación fixéronse eco da nova. Aquí vos deixamos as súas aportacións pinchando nas distintas imaxes:

COÑECE O NOSO COLE

Ven, 10/03/2023 - 13:06 — admin

ADMISIÓN ALUMNADO NOVO 24/25

Mér, 01/03/2023 - 17:42 — admin

Alumnado ao que vai dirixido		Novo alumnado
Prazo de presentación das solicitudes		Do 1 ao 20 de marzo de 2024
Documentación		Solicitude ED550B DNI do alumno/a ou libro de familia. DNI dos pais. Resolución xudicial de separación ou divorcio, de ser o caso. E todos aqueles necesarios para evidenciar os puntos alegados.
Presentación de solicitudes		Na secretaría do centro. A través da Sede Electrónica. A través da aplicación “admisionalumnado”.
Normativa reguladora do proceso de admisión		Decreto 13/2022, do 3 de febreiro, polo que se regula a admisión de alumnado en centros docentes sostidos con fondos Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado
Servizos complementarios que ofrece o centro		Madrugadores (xestionado polo Concello) e servizo de biblioteca (de 16:00 a 18:00). Comedor. Transporte escolar.
IMPORTANTE
Cada alumno/a só pode presentar unha única solicitude no centro no que solicite praza en primeiro lugar, advertindo que a infracción determinará a perda dos dereitos de prioridade que poidan corresponderlle. O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe. O alumnado que ten reservada praza nun centro, se presenta solicitude de admisión noutro distinto, deberá comunicar a renuncia á reserva antes do inicio do prazo de presentación de solicitudes de admisión.
CALENDARIO
Do 1 de marzo ao 20 de marzo		Presentación de Solicitudes de Admisión. Modelo ED550B-Galego ED550B-Castelán
Do 22 de marzo ao 12 de abril		Presentación da Documentación do Baremo de ser necesario.
25 de abril		Publicación da Lista Provisional.
Do 26 de abril ao 3 de maio		Presentación de Reclamacións á Lista Provisional.
15 de maio		Publicación da Lista Definitiva.
Do 20 de xuño ao 30 de xuño		Formalización da Matrícula.

VACANTES CURSO 2024/25 *NEAE= Alumnado con Necesadidaes Específicas de Apoio Educativo
CURSO	VACANTES		CURSO	VACANTES
4º Ed. Infantil	18 2 (NEAE*)		1º Ed. Primaria	9 2 (NEAE*)
5º Ed. Infantil	14		2º Ed. Primaria	11
6º Ed. Infantil	4		3º Ed. Primaria	7
			4º Ed. Primaria	10
			5º Ed. Primaria	11
			6º Ed. Primaria	12

XORNADA DE PORTAS ABERTAS

Mér, 01/02/2023 - 20:50 — admin

Xornada de portas abertas, ven a coñecernos!

Escríbenos a ceip.outes@edu.xunta.gal para anotarte. Alumnado de nova incorporación.

*Descarga o cartel en documentos adxuntos.

1 adxunto

PREMIO CONCEPCIÓN ARENAL

Mér, 01/02/2023 - 20:43 — admin

Estamos de noraboa!!!
A Deputación da Coruña ven de concedernos o premio Concepción Arenal polo proxecto de igualdades desenvolvido o curso pasado.

“Tecendo Igualdade” é un proxecto levado a cabo polo alumnado de infantil. Podedes ver o comentario do xurado na segunda foto.