Esaúde

Semana da Mobilidade

Mié, 24/11/2021 - 13:57 — admin

O pasado 20 de setembro celebramos o día da mobilidade na escola.

Durante toda a mañá, no patio cuberto de Primaria, tivemos un circuíto de Educación Vial. Ese día todos os que quixeron puidemos vir dende as casas cos nosos patíns, monopatíns, patinetes e bicicletas.

Iso si, con cascos e ben protexidos.

Foi moi divertido, case todos iamos sobre rodas pero, sen fume...

Botamos unhas boas carreiras!!!

$C:\Users\raque\Documents\escola verde\PLANS E PROXECTOS 2021\photocollage_202111720266157.jpg$

$C:\Users\raque\Documents\escola verde\PLANS E PROXECTOS 2021\photocollage_2021117202020103.jpg$

Charla a 6º Ed. Primaira sobre o consumo de proximidade

Mié, 24/11/2021 - 13:41 — admin

O consumo de proximidade é outra forma de educar na sostibilidade e na alimentación saudable.

Fomentar o consumo de proximidade, consumo de produtos naturais quilómetro cero e froitas e verduras de tempada é do que lles falaron aos alumnos de Sexto de Educación Primaria a comezos de curso.

Animáronlles a consumir máis alimentos frescos, e non tanto procesados con conservantes e envoltorios plásticos. Alimentos con todas as súas propiedades nutricionais.

Ademais, este tipo de consumo supón facer uso das tendas e comercios máis próximos as nosas vivendas, as cales axudamos a que se manteñan abertas, axudamos a manter o traballo dos agricultores e granxeiros da zona na que vivimos. e tamén aforramos deste xeito o gasto enerxético que facemos ao usar o vehículo privado, axudando a parar o cambio climático.

$C:\Users\raque\Downloads\Froita de tempada_page-0001 (1).jpg$ $C:\Users\raque\AppData\Local\Packages\microsoft.windowscommunicationsapps_8wekyb3d8bbwe\LocalState\Files\S0\1316\Attachments\20211103_090147[7071].jpg$

Dende o Ruxidoiro temos cada vez máis claro que,

se conseguimos que os nenos/as aprendan o importante que é

a produción ecolóxica e natural para a saúde, e o desenvolvemento local sostible, garantiremos ao mesmo xeito un Planeta Terra san.

Que significa educación para a saúde?

Mié, 24/11/2021 - 13:39 — admin

A educación para a saúde é unha educación que promove e ensina hábitos de vida saudables (EDUsaúde).

Os centros educativos son institucións fundamentais para contribuír ao benestar físico e nutricional e emocional d@s nen@s, polo que é necesario promover o coidado da propia saúde e a prevención de enfermidades, así como promover tanto os hábitos alimentarios adecuados como a actividade física para que se poidan manter durante toda a vida.

O benestar físico e emocional do alumnado é determinante para a consecución dunha aprendizaxe eficaz.

Dende os máis cativos de Educación Infantil tentamos inculcarlles a importancia de comer sans, limpar ben as mans, facer exercizo... en definitiva, coidar o noso corpo e a nosa saúde tanto física como mental.