CEIP O Cantel

Os nenos e nenas de Infantil do noso centro participaron o pasado mes de decembro nun intercambio de postais de nadal con Romanía e Francia. Para levar a cabo este intercambio, o noso alumnado elaborou postais de nadal cunha mensaxe en inglés e galego para desexar unhas boas festas aos nenos e nenas da École Sainte Anne, en Asserac, e da Scoala Gimnaziola, en Galati.
O principal obxectivo desta actividade é concienciar ao noso alumnado da necesidade real de aprender unha lingua estranxeira. Xunto coa lingua estranxeira, traballamos máis cousas como a tolerancia e respecto a outras culturas e a competencia linguística en ambas linguas.
Compartimos con vós un vídeo para que vexades que ben o pasamos facendo as postais e que especial foi recibir o noso paquete. Non só traía postais, tamén algún agasallo :)

Ligazón ao vídeo

Achéganse os novos protocolos publicados:

Protocolo de vixilancia e control epidemiolóxico fronte ao virus SARS-CoV-2 no ámbito educativo non universitario de Galicia.

Protocolo para a detección de infección polo SARS-CoV-2 con test rápido de antíxeno en saliva en centros de educación primaria.

Achégase a ADAPTACIÓN DA GUÍA DE ACTUACIÓN ANTE A APARICIÓN DE CASOS DE COVID-19 EN CENTROS ECUCATIVOS A UN CONTEXTO DE ALTA CIRCULACIÓN DO VIRUS SARS-CoV-2.

O obxectivo deste documento é establecer unha priorización das actuacións ante a aparición de casos COVID-19 nos centros educativos, que sexan de aplicación mentres a situación epidemiolóxica se manteña no escenario actual de alta circulación viral.

Este documento está aprobado pola Ponencia de Alertas y Planes de Preparación y Respuestas e pola Comisión de Salud Pública del Consejo Interterritorial do 8 de xaneiro de 2022.