Skip to Content

Actividades

CONCURSO

CONCURSO ENTROIDO 2021 ANPA O CANTEL

Debido á situación sanitaria este ano non haberá o tradicional desfile, nin tampouco bailes de disfraces..., é por ese motivo que a ANPA convoca este concurso, coa intención de dar ás familias a posibilidade de disfrazarse e desfrutar do Entroido, na medida do posible, dunha forma diferente.

BASES DO CONCURSO.

O concurso consistirá na presentación de fotografías coa temática do Entroido que deberán reunir as seguintes especificacións:

- A fotografía deberá enviarse como arquivo formato JPG (non se aceptará formato PDF)  á dirección de correo electrónico anpaceipcantel@gmail.com antes do venres día 12 de febreiro. Pode ser feita tanto en interior como en exterior.

- A fotografía deberá ser actual e incluír como mínimo unha  alumna ou  alumno do CEIP O Cantel. Figurará no mail o nome, idade e curso de todos os alumnos/as que aparezan na imaxe.  A/o alumna/o ou alumnas/os participantes deberán ser socio/as da Asociación ANPA O CANTEL. 

- Todos os participantes aceptan que a imaxe poderá ser compartida na rede social Facebook da ANPA O Cantel, así como nos corchos da asociación no centro.

- Unha alumna ou alumno poderá participar nas tres categorías do concurso sempre que non se utilice o mesmo disfrace.

CATEGORÍAS E PREMIOS.

  1. “FAMILIA CANTEL”. PREMIO VALE 30€ PARA GASTAR NOS ESTABLECEMENTOS COLABORADORES DA ASOCIACIÓN: Fotografía familiar, que deberá incluír como mínimo un alumno/a do Centro, acompañado por parte ou a totalidade da súa familia. 

  2. “DONA/DON  REFUGALLO”. PREMIO 30€ PARA GASTAR NOS ESTABLECEMENTOS COLABORADORES DA ASOCIACIÓN. Fotografía indvidual dunha alumna/o do Centro. Traxe feito principalmente con materiais de refugallo. 

  3. “O MÁIS CURRADO”. PREMIO 30€ PARA GASTAR NOS ESTABLECEMENTOS COLABORADORES DA ASOCIACIÓN. Fotografía individual dunha alumna/o do Centro. Valoraremos o traballo e a orixinalidade do disfrace.

O xurado do Concurso será a Directiva da ANPA O CANTEL e os premiados publicaranse no Facebook da Asociación o Martes de Entroido, 16 de febreiro (@anpacantel)

 

ANIMÁDEVOS E PARTICIPADE!!

Distribuir contido


by Dr. Radut