Ed. infantil
A QUE SABE A LÚA?
Enviado por Anónimo o Sáb, 14/11/2020 - 21:11Hoxe queremos amosarvos algunhas das actividades que fixemos partindo do conto "A que sabe a lúa?, do autor polaco Michael Grejniec. O conto narra a aventura duns animais moi curiosos que querían averiguar a que sabía a lúa... e como logran o seu propósito? Pois moi sinxelo... axudándose e valorando a todos os animais, dende o máis grande ao máis pequeniño.
MORCEGOS, ARAÑAS E MOITOS MONSTROS
Enviado por Anónimo o Lun, 09/11/2020 - 14:02Que ben o pasamos na aula de infantil celebrando e aprendendo co Samaín, a festa dos medos (bueno, dos mediños). Xa sabedes que unha as actividades máis divertidas foron as sesións de contacontos e a obriña de teatro que fixeron os maiores (vaia susto levamos! jjijijiji), pero nós xa levamos un tempiño aprendendo cousiñas sobre esta festa, mirade!
ANIVERSARIOS DE MARÍA E LUCAS
Enviado por Anónimo o Sáb, 07/11/2020 - 16:51O pasado mes de outubro, na aula de infantil celebramos dous cumples, o de María e o de Lucas!
Na clase fixemos uns cadros moi especiais para darlles de agasallo e como non podía ser menos, cada un tivo a súa coroa de aniversario adicada por todos nós.
Como este ano non podemos compartir doces nin biscoito o que fixemos foi bailar todos xuntos e cantarlles moi pero que moi forte a canción de cumpleanos feliz!
AS EMOCIÓNS DO MONSTRO DE CORES
Enviado por Anónimo o Mar, 27/10/2020 - 22:34Ola familias!
Hoxe queremos falarvos dun conto que nos encanta, "O monstro de cores" da escritora e ilustradora Anna Llenas. Trátase dunha historia repletiña de emocións... as que ten un monstro que en realidade está algo liado.
A nós encántanos axudarlle, recoñecendo a alegría, a tristeza, o medo... tanto en nós mesmos coma nos demais.
O primeiro que fixemos foi ordenalas todiñas, separándoas como fai a nena no conto. Para conseguilo empregamos diferentes técnicas artísticas, mirade que ben nos quedaron!
CHEGOU O OUTONO Á AULA DE INFANTIL
Enviado por Anónimo o Mar, 13/10/2020 - 21:28Como sabedes fai unhas semanas cambiamos de estación, e na aula de infantil decidimos saír a explorar os cambios que a chegada do outono produciu no noso patio, que está repletiño de árbores e natureza.
O primeiro que vimos foi un montón de follas no chan (e de castañas, pero iso xa volo contaremos outro día), decidimos recollelas e levalas para a aula... seguro que algo faríamos con elas. Enchemos unha caixa enteiriña, mirade!
ANIVERSARIO DE XOEL
Enviado por Anónimo o Xov, 08/10/2020 - 13:06Bo día familias!
Como sabedes este é un curso moi especial, pero dende a aula de infantil queremos conseguir que sobre todo sexa un curso onde o pasemos ben, aprendamos unha chea de cousas e gocemos cas compañeiras e compañeiros... con moita moita precaución.
Para comezar e antes de ensinarvos como foi a nosa volta á escola logo de tantos meses sen vernos, amosámosvos unhas fotiños do aniversario de Xoel, que cumpriu 4 anos. PARABÉNS XOEL!
Por último decirvos que esteñades moi atentos á sección de "Educación Infantil" da web do cole, porque iremos amosando os nosos traballiños, agardamos que vos gusten!
Biquiños voadores...
COMEZAMOS O TRABALLO EN EDUCACIÓN INFANTIL
Enviado por Anónimo o Mér, 30/09/2020 - 16:46
Este curso na aula de infantil somos 9 alumnas e alumnos... o noso compañeiro Yeray xa está en 1º e aínda que nos acordamos moito del estamos seguros de que tamén o pasará xenial na clase dos maiores. Por outra banda, temos 3 compis novos: Ximena, Dilan e Martín que durante o mes de setembro estiveron adaptándose ás rutinas de vir ao cole, pero non vos preocupedes, axudámolos entre todos!
Os primeiros días foron moi especiais, a nosa aula estaba moi cambiada (este curso temos que ter todo moi separadiño e hixienizado...) e tivemos que adaptarnos ás rutinas COVID: Uso das máscaras, xel, lavamos moito as mans... pero eso xa o temos dominado!
Agora xa estamos listos para comezar a aprender e a investigar en novos proxectos. Aquí vos deixamos algunhas imaxes dos primeiros días, ata a próxima familias!
Proposta semanal Educación Infantil
Enviado por Anónimo o Dom, 14/06/2020 - 12:11PROPOSTA ACTIVIDADES SEMANAIS EDUCACIÓN INFANTIL
Traballos de Mateo
Enviado por Anónimo o Sáb, 13/06/2020 - 10:45Aquí tedes unha mostra dos traballos de Mateo!
Traballos de Valeria
Enviado por Anónimo o Ven, 12/06/2020 - 00:43Aquí tedes unha mostra dos traballos de Valeria!
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- seguinte ›
- última »