Actividades

Reapertura da biblioteca

A Biblioteca abriu as súas portas a novas historias, a novos proxectos e, por suposto, á maxia da pintura. E que mellor xeito de comezar que con outra clase de maxia, a da música de uxía e Roscón, parte de Uxía Lambona e a Banda Molona.
Moitísima grazas por agasallarnos co voso tempo, enerxía e bo facer.

 

MAGOSTO 2018

Estimadas familias;

Como vén sendo habitual por estas datas, imos celebrar o MAGOSTO. Este curso, realizarémolo o venres 9 de novembro a partir das 12 da mañá.

Precisamos da vosa colaboración nos seguintes aspectos:

. Envíen polos nenos e nenas unhas castañas picadas.

. De ser posible aporten unha pequena cantidade de leña.

. Procuren que ese día o alumnado veña con roupa axeitada.

. Mandade as castañas e a leña só o xoves 8 e o venres 9.

Por cuestións organizativas do centro a festa do magosto é só para o alumnado.

Clicade enriba da imaxe das castañas e podedes visualizar un vídeo anunciando o noso magosto, realizado nun obradoiro de dobraxe na aula de 5º B. E se clicas sobre as letras de cor verde, outro máis, súper simpático. A gozar destas dúas estupendas presentacións!!!

FESTIVAL ENTROIDO

 

          Estimadas familias:

     Como vén sendo habitual no noso colexio nesta época do ano, imos celebrar o vindeiro venres 9 FESTIVAL de Entroido  do 2018 que este ano leva por título “Pippi Langstrump”.

     Comprácenos invitalos a que participen nesta festa con nós, polo  que ás 12:10  abriranse as portas  para poder acceder   ao centro.

       Moitas grazas pola súa colaboración.

ENTROIDO 2018

ORDES DO MECO DON ÓSCAR

LUNS

PARA NUNHA GALA DE CINE ENTRAR, GARAVATA OU LAZO HAS DE LEVAR

MARTES

UN GRAN BIGOTE LUCIRÁS E EN ARTISTA DE CINE TE CONVERTIRÁS

MÉRCORES

TRAE UNS LENTES MOI VISTOSOS PARA ESTA GALA DE ENTROIDO

XOVES 

PON ESTRELAS ONDE QUEIRAS E SERÁS...ARTISTA DE PRIMEIRA

 

 

EXPOSICIÓN ENTROIDO

 

Temos unha exposición de fotografías sobre Manzaneda explicando o seu Entroido "A MÁZCARA". As familias estades convidadas a visitar dita exposición de 4 a 6 da tarde dende o luns 29 ata o xoves 8 de febreiro na zona da aula de música.

FESTIVAL XOVES 21

 

Estimadas familias:     

                                                 

     Como vén sendo habitual no noso Colexio por estas datas, imos celebrar un FESTIVAL.

   Realizarémolo o xoves 21, e levará por título “MALASOMBRA”.

     Comprácenos invitalos a que participen nesta festa con nós, polo  que ás 12:00 podedes entrar no centro.   

 

                                 Un saúdo                                Feliz Aninovo

MAGOSTO

Estimadas familias;

Como vén sendo habitual por estas datas, imos celebrar o MAGOSTO. Este curso se o tempo non o impide, realizarémolo o mércores 8 de novembro a partir das 12 da mañá.

Precisamos da vosa colaboración nos seguintes aspectos:

. Envíen polos nenos e nenas unhas castañas picadas.

. De ser posible aporten unha pequena cantidade de leña.

. Procuren que ese día o alumnado veña con roupa axeitada.

. Mandade as castañas e a leña só o martes 7 e o mércores 8

Por cuestións organizativas do centro a festa do magosto é só para o alumnado.

MAIO 2017

                                                                              

O venres, día 12 de maio, ás 13:00 hs., sacaremos o noso maio ao patio para cantarlle as coplas. 

Invitámosvos a que veñades compartir esta actividade.

Por motivos de seguridade do alumnado, as familias que queirades asistir, teredes a entrada aberta de 12:50 a 13:00. Agradecemos que teñades en conta isto. O acto celebrarase no patio do colexio.

Como outros anos, pedimos a vosa participación para festexar ao maio.

 

. O mércores 10 e o xoves 11 serán os días nos que xa podedes traer o fiúncho e o resto de  materiais que normalmente usamos: algunha flor, pampillos (margaridas silvestres), ovos (baleiros e limpos e o máis enteiros posible), bugallos ou cocas (boliñas dos carballos), algún limón, algunha laranxa.

. Podedes facerlle na casa ao alumnado colares ou coroas de flores para o propio día do maio.

. O alumnado debe traer gorra, pantalón azul ou vaqueiro e camiseta branca.

. A poder ser traer tamén dous paus duns 2O cm. como máximo de longo para acompañar as coplas (isto só o alumnado de Primaria).

Moitas grazas pola vosa colaboración

LETRAS GALEGAS 2016

 

Este ano 2016  a Real Academia  Galega escolleu para homenaxear a   MANUEL MARÍA FERNÁNDEZ TEIXEIRO polos seus traballos en favor da nosa lingua. 

 (Preme na imaxe para escoitar algunha das súas poesías)

Actividades en liña

Documentos para imprimir

Álbum de fotos

Actividades propostas polo seminario Galán.

Distribuir contido