Xa está dispoñible o cheque para material escolar de 1º - 6º de E.Primaria e o cheque para libros de 1º e 2º de E. Primaria.

Data de entrega os días 7,8 e 11 de Xullo en horario de 10-14 horas. De non recollelo neste mes pódese recoller en setembro.( xa se concretarán datas)

Relación de libros de texto para o curso 2016- 17

CALENDARIO ESCOLAR. CLICAR ENRIBA

As datas límite para realizar os trámites (DOG do 16 de maio de 2016)   serán:

 a) Para gravar solicitudes e emendas (EP e ESO): o 11 de xullo de 2016.

 b) Para publicar as listaxes provisionais (EP e ESO): o 14 de xullo de 2016.

 c) Para gravar o resultado de reclamacións: o 19 de xullo de 2016.

d) Para publicar as listaxes definitivas:  De EP (3º, 4º, 5º e 6º): o 22 de xullo de 2016.

O centro avisará ao alumnado que lle corresponda o vale  para adquirir libros de texto de 1º e 2º de E. Primaria. Igualmente tamén se avisará ao alumnado que lle corresponda o vale para material escolar.

O alumnado do centro realizou dúas saídas . O alumnado de E. primaria visitou as ILLAS CÍES e os alumnos/as de

E. Infantil foron á Granxa  . Preme nas imaxes para ver as Fotos.

O vindeiro martes 28 de xuño ás 11:00 horas terá lugar na Biblioteca do noso centro unha reunión informativa coas familias do alumnado de nova incorporación ( 3 anos)  para o curso 2016/17.

A matrícula poderá formalizarse ese mesmo día.

Documentación necesaria:

* Cubrir un impreso de formalización de matrícula no centro.

* 4 fotografías.

* Fotocopia da tarxeta sanitaria.

* Fotocopia do libro de familia.

Estimadas familias:

O mércores 22 terá lugar no ximnasio do noso centro o acto final do curso 2015/16. Como todos os anos estades convidadas a asistir.A apertura das portas será as 12:15h

O alumnado de Educación Infantil pode solicitar axudas para adquisición de libros de texto, material escolar e comedor escolar , con enderezo no termo municipal de Vigo.

O alumandoi de Educación Primaria pode solicitar axudas para comedor escolar, con enderezo no termo municipal de Vigo.

Lugar e prazo das solicitudes: O prazo de presentación de solicitudes será de VINTE (20) días hábiles contando dende o seguinte á publicación oficial do Estracto da Convocatoria no Boletín Oficial da Provincia.

Os/as solicitantes das axudas presentarán as súas solicitudes a través do Rexistro xeral municipal ou por calquera dos medios previstos no Art.38.4 da lei 30/1992, do 26 de novembro, de Réxime xurídico das Administracións públicas e do Procedemento administrativo común (LRX - PAC)

Tamén poderán presentarse en calquera dos centros de servizos sociais municipais: de Coia, praza da Princesa, de Teis, Rivera Atienza e no Concello de Vigo.

Estimadas familias:

          Saíu publicado no DOG do 16 de maio (Orde do 27 de abril) onde podedes atopar toda a información,  o fondo solidario de libros de texto e axudas para adquirir libros de texto e material escolar para alumnado matriculado en primaria, secundaria obrigatoria e educación especial en centros docentes sostidos con fondos públicos para o curso escolar 2016/2017.

         . A participación no fondo solidario de libros de texto é para o alumnado de 3º, 4º, 5º e 6º. Para ser beneficiario hai a obriga de conservar e devolver os libros recibidos do fondo solidario ou das axudas para adquirir libros de texto do curso 15/16. A falta de devolución é motivo de exclusión. A asignación de libros de texto correspondentes aos cursos 3º, 4º, 5º e 6º de EP, que estean dispoñibles no fondo solidario do centro, efectuarase ao alumnado que participe no fondo solidario, por orde inversa á renda per cápita da unidade familiar, ata que se esgoten. En todo caso recibirán: - 6 libros, renda per cápita igual ou inferior a 5.400 €. - 4 libros, renda per cápita igual ou inferior a 9.000 €.

        . A convocatoria de axudas para adquirir libros de texto é para o alumnado de 1º e 2º. Para o alumnado con  renda per cápita igual ou inferior a 5400 euros corresponden 170 euros e con renda familiar superior a 5400 euros e igual ou inferior a 9000 corresponden 90 euros. Só pode ser utilizado para libros de texto que indique o centro.

        . A convocatoria de axudas para adquirir material escolar é para o alumnado dos diferentes cursos de primaria. Para solicitala, a renda per cápita debe ser igual ou inferior a 5400 euros. A axuda sería de 50 euros. Só pode ser utilizado para material escolar que se necesite.

        A renda per cápita da unidade familiar é o resultado de dividir a renda da unidade familiar do exercicio fiscal 2014 entre o número de membros computables, tendo en conta que computarán por dous os membros que acrediten unha discapacidade igual ou superior ao 33 % ou a percepción dunha pensión da Seguridade Social por incapacidade permanente nos graos de total, absoluta ou grande invalidez, ou a equivalente de clases pasivas.

        A renda da unidade familiar será o resultado de sumar as rendas de cada un dos membros computables da familia que obteñan ingresos de calquera natureza, de conformidade coa normativa reguladora do imposto sobre a renda das persoas físicas. Cando presentase declaración do imposto sobre a renda das persoas físicas no exercicio fiscal 2014, sumaranse a base impoñible xeral (recadro 430) e a base impoñible do aforro (recadro 445); cando non a presentase, sumaranse os ingresos netos obtidos durante o exercicio 2014.

        O prazo de solicitudes (anexo I) vai do 18 de maio ao 23 de xuño. Dita solicitude será única para todos os fillos e, de ser o caso, tutelados, que estean admitidos no mesmo centro docente para o curso 2016/17, e nela especificarase o nivel de estudos que espera realizar cada un deles no dito curso. A situación persoal, familiar e económica é a reflectida a 31 de decembro de 2014.

Relación das listaxes definitivas de persoas admitidas e non admitidas para o curso 2016/17.

Contra a relación definitiva, as persoas interesadas poderán interpoñer recurso de alzada ante a persoa titular da Xefatura Territorial no prazo dun mes.

VER ARQUIVOS ADXUNTOS.