O alumnado do segundo e terceiro ciclo viaxará o 19 de novembro a Vilanova de Arousa, para participar nunha actividade que organizan UNICEF e a Acociación O CASTRO de Baión, para celebrar a Declaración dos dereitos das Nenas e dos Nenos.
Despois da chegada en autobús, que os nenos e as nenas deberán coller ás 9:00 da mañá no colexio, serán recibidos polas persoas que organizan o evento. A continuación visitarán o Gran Mural dos Dereitos dos Nenos, elaborado con traballos de todo o alumnado participante (espérase que participen preto de 1000 nenos e nenas). Despois de ver o mural uniranse ás actividades levadas a cabo por un grupo de animación infantil. Máis tarde proxectarase un video titulado "Os dereitos da infancia no mundo". Logo de unha actividade de reflexión sobre os dereitos dos Nenos e das Nenas, rematarase a xornada cun acto lúdico-festivo e coa merenda, que será proporcionada pola organización a todos os participantes.